يُوحَنَّا 8:20 - كِتاب العَهد الجَّديد مِن الكِتاب المُقَدَّس

²⁰ يَسُوع قال ليهُم الكَلام دا جَمب الخَزنَه، لَمّا كان بِعَلِّم في الهيكَل. و ما في واحِد قَبَضو، عَشان وَكتو لِسَّع ما كان جا.

يُوحَنَّا 8:20 Iomraidhean Croise

مَتَّى 26:55

في السّاعَه ديك، يَسُوع قال لِلجُّموع: ”جيتو بِسُيوف و عَصايات عَشان تَقبُضو عَلي زي ما أنا حَرامي؟ كُلّو يوم كُنتَ قاعِد في الهيكَل بَعِلِّم النّاس، و إنتو ما مَسَكتوني.

مَتَّى 27:6

و لَكِن القُسُس الكُبار اَخَدو الفِضَّه و قالو: ”ما بِالقانون نَخُتّا في الخَزينَه، عَشان هي تَمَن دَم.“

مَرْقُس 12:41

و يَسُوع قَعَد جَنب الخَزنَه. و كان يَعايِن كيف النّاس كانو يَرمو الفِلوس في الخَزنَه. و ناس غَنيين كَتيرين كانو يَرمو فِلوس كَتير.

مَرْقُس 12:43

و يَسُوع نادى ليهو تَلاميذو، و قال ليهُم: ”أقول ليكُم الحَق. الأرمَلَه المِسكينَه دي رَمَت أكتَر مِن كُل النّاس اليَرمو في الخَزنَه.

لُوقَا 20:19

و مُعَلِّمين القانون و القُسُس الكُبار طَلَبو أن يَقبُضو عَليهو في زات السّاعَه، و لَكِن خافو مِن النّاس. عَشان فِهمو إنّو قال المَثَل دا عَليهُم.

لُوقَا 21:1

و يَسُوع رَفَع عُيونو، و شاف الغَنيين يَخُتّو الهَدايا في الخَزنَه.

يُوحَنَّا 10:39

عَشان كِدا، جَرَّبو تاني مَرَّه أن يَقبُضو عَليهو، لَكِن هو فات مِن بين إيدينُم.

يُوحَنَّا 2:4

يَسُوع قال ليها: ”مالِك و مالي، يا سِت؟ ساعتي لِسَّع ما جات.“

يُوحَنَّا 7:14

و في وَسط العيد، يَسُوع طَلَع لِلهيكَل و بَدا يَعَلِّم.

يُوحَنَّا 7:30

عَشان كِدا، هُم جَرَّبو يَقبُضو عَليهو، لَكِن ما في زول قِدِر يَخُت إيدو عَليهو، عَشان ساعتو لِسَّع ما جات.

يُوحَنَّا 7:44

بَعض مِنَّهُم كانو دايرين يَمسِكوهو، لَكِن ما في واحِد خَتَّ إيدينو عَليهو.

يُوحَنَّا 7:8

أمشو إنتو لِلعيد. أنا ما ماشي لِلعيد دا، عَشان وَكتي لِسَّع ما جا بِالتَّمام.“

يُوحَنَّا 8:2

و في الصَّباح بَدري، رَجَع تاني لِلهيكَل. و النّاس كُلَّهُم جو ليهو. و قَعَد و إبتَدا يَعَلِّمُم.

يُوحَنَّا 8:59

و هُم رَفَعو حُجار عَشان يَرموهو بيها. لَكِن يَسُوع دَسَّ نَفسو، و مَشى مِن الهيكَل.