يُوحَنَّا 7:39 - كِتاب العَهد الجَّديد مِن الكِتاب المُقَدَّس

³⁹ و هو قال دا عَن الرّوح، لِديل الآمَنو بيهو و الماشين يَقبَلوهو. عَشان الرّوح لِسَّع ما جا، عَشان يَسُوع لِسَّع ما كان إتمَجَّد.

يُوحَنَّا 7:39 Iomraidhean Croise

مَتَّى 16:14

و قالو: ”بَعض مِن النّاس بِقولو يُوحَنَّا المَعمَدان، و تانيين يَقولو إِيلِيَّا، و تانيين يَقولو إِرْمِيَا ولّا واحِد مِن الأنبياء.“

مَتَّى 21:11

و النّاس رَدّو و قالو: ”دا يَسُوع، النَّبي مِن نَاصِرَه الجَّليل.“

لُوقَا 24:49

و شوفو، بَرَسِّل ليكُم وَعد أبوي. إستَنّو في أُورُشَلِيم لِغايَة ما تَلبَسو قُوَّه مِن فوق.“

لُوقَا 3:16

رَدَّ عَليهُم يُوحَنَّا: ”صَحيح، أنا بَعَمِّدكُم بِالمويَه، لَكِن بِجي واحِد قَوّي مِنّي. و أنا ما مُستَحِق أفِك جِزَمو. و هو بِعَمِّدكُم بِالرّوح القُدُس و النّار.

لُوقَا 7:16

و الخوف مَسَك كُلَّهُم، و هُم مَجَّدو الله و قالو: ”نَبي عَظيم قام في وَسِطنا!“ و ”الله جا عَشان يَساعِد شَعبو.“

يُوحَنَّا 1:21

و قالو ليهو: ”عَلى كِدا، إنتَ مِنو؟ إنتَ إِيلِيَّا؟“ قال ليهُم: ”لا، مُش أنا.“ و هُم قالو: ”إنتَ النَّبي؟“ هو رَدَّ عَليهُم: ”لا.“

يُوحَنَّا 1:25

بَعدين سألوهو: ”طَيب، لِشِنو بِتعَمِّد إذا إنتَ ما المَسيح، و لا إِيلِيَّا، و لا النَّبي؟“

يُوحَنَّا 1:33

و أنا ما كُنتَ عارِفو، لَكِن الرَّسَّلني عَشان أعَمِّد بِالمويَه، هو قال لَي: البِتشوف الرّوح نازِل و يِستَنّى عَليهو، دا هو البِعَمِّد بِالرّوح القُدُس.

يُوحَنَّا 12:16

و التَّلاميذ ما فِهِمو الحاجات دي في الأوَّل، لَكِن لَمّا يَسُوع إتمَجَّد، في الوَكِت دا هُم إتزَكَّرو الحاجات دي كانَت مَكتوبَه عَنّو، و كيف عَمَلو كِدا ليهو.

يُوحَنَّا 12:23

لَكِن يَسُوع قال ليهُم: ”السّاعَه جات عَشان إبن الإنسان يِتمَجَّد.

يُوحَنَّا 14:13

و أي شي سألتو بِإسمي، أنا بَعمِلو، عَشان الإبن يَجيب مَجد لِلأبو.

يُوحَنَّا 14:26

و لَكِن المُساعِد، الهو الرّوح القُدُس، الأبو بِرَسِّلو بِإسمي، هو بِعَلِّمكُم كُلّو حاجَه، و يَزَكِّركُم بِكُل القُلتو ليكُم.

يُوحَنَّا 16:14

هو بِمَجِّدني، عَشان هو بياخُد مِن العِندي و بِكَلِّمكُم.

يُوحَنَّا 16:7

لَكِن أقول ليكُم الحَق، أحسَن ليكُم أنا أمشي. عَشان إذا أنا ما مَشيت، المُساعِد ما بِجيكُم. لَكِن إذا مَشيت، بَرَسِّلو ليكُم.

يُوحَنَّا 17:1

و لَمّا يَسُوع إتكَلَّم الكَلام دا، رَفَع عُيونو لِلسَّما و قال: ”يا أبوي، السّاعَه جات. مَجِّد إبنَك عَشان إبنَك يَمَجِّدَك كَمان.

يُوحَنَّا 17:5

و هَسَّع دي، يا أبوي، مَجِّدني بِنَفسَك، بِالمَجد الكان عِندي مَعاك قُبّال بِدايَة الدُّنيا.

يُوحَنَّا 20:22

و لَمّا قال كِدا، إتنَفَّس عَليهُم و قال: ”أقبَلو الرّوح القُدُس.

يُوحَنَّا 6:14

و لَمّا النّاس شافو العَلامَه العَمَلا يَسُوع، هُم قالو: ”صَحيح، دا هو النَّبي الجّاي لِلدُّنيا.“

يُوحَنَّا 7:12

و كان في كَلام كَتير مِن النّاس مِن جِهَتو. بَعَض مِنَّهُم قالو: ”هو راجِل صالِح،“ و ناس تانيين قالو: ”لا، هو بِغِش النّاس.“

يُوحَنَّا 8:54

يَسُوع رَدَّ و قال ليهُم: ”إذا بَمَجِّد نَفسي، مَجدي ما ليهو فايدَه. أبوي هو البِمَجِّدني، الإنتو تَقولو هو إلَهكُم.

أعمال الرُّسُل 19:2

و قال ليهُم: ”قِبِلتو الرّوح القُدُس لَمّا آمَنتو؟“ و قالو ليهو: ”و لا سِمِعنا في الرّوح القُدُس.“

أعمال الرُّسُل 2:17

الله بِقول، في الأيام الأخيرَه، أنا بَكُب روحي عَلى كُل النّاس. و أولادكُم و بَناتكُم بِتنَبّو، و شَبابكُم بِشوفو رؤيا، و شُيوخكُم بِيَحلَمو.

أعمال الرُّسُل 2:33

عَلَشان كِدا، هو كان مَرفوع بِيَمين الله، و أخَد مِن الأبو الرّوح القُدُس الوَعَد بيهو، و كَبَّ دا، الهَسَّع بِتشوفو و بِتسمَعوهو.

أعمال الرُّسُل 2:38

و بُطْرُس قال ليهُم: ”توبو و إتعَمَّدو كُلّو واحِد مِنَّكُم بِإسم يَسُوع المَسيح لِغُفران خَطاياكُم، و بِتاخُدو هَديَّة الرّوح القُدُس.

أعمال الرُّسُل 2:4

و كُلُّهُم كانو مَليانين مِن الرّوح القُدُس، و بَدو يِتكَلَّمو بِلُغات مُختَلِفَه زي ما أدّاهُم الرّوح القُوَّه عَشان يِتكَلَّمو.

أعمال الرُّسُل 3:13

عَشان إله إِبْرَاهِيم و إِسْحَاق و يَعْقُوب، إله أبَهاتنا مَجَّد إبنو يَسُوع. إنتو سَلَّمتوهو و نَكَرتوهو قِدّام بِيلاطُس لَمّا هو كان داير يَفِكّو.

أعمال الرُّسُل 4:31

و لَمّا صَلّو، المَحَل الهُم كانو بِتلَمّو فيهو إتهَزَّ. و كُلُّهُم إتمَلو مِن الرّوح القُدُس. و كانو بِيِتكَلَّمو بِكَلام الله بِشَجاعَه.

رُومِيَه 8:9

لَكِن إنتو ما في الجِّسِم لَكِن في الرّوح، إذا روح الله ساكِن فيكُم. و إذا واحِد ما عِندو روح المَسيح، هو ما لِلمَسيح.

٢ كُورِنْثُوس 3:8

كيف بِالأكتَر خِدمَة الرّوح ما بِزيد في المَجد؟

أفَسُس 4:30

ما تَعمِلو روح الله القُدّوس حَزنان، عَشان بيهو الله خَتَّ عَليكُم الخِتِم لِغايَة يوم الفِداء.