يُوحَنَّا 7:28 - كِتاب العَهد الجَّديد مِن الكِتاب المُقَدَّس

²⁸ لَمّا يَسُوع كان قاعِد بِعَلِّم في الهيكَل، هو نادى و قال: ”إنتو كُلُّكُم تَعرِفوني، و تَعرِفو مِن وين أنا جيت. أنا ما جيت مِن نَفسي. لَكِن الرَّسَّلني هو حَق، و إنتو ما بِتَعرِفوهو.

يُوحَنَّا 7:28 Iomraidhean Croise

مَتَّى 11:27

كُلّو شي مُسَلَّم لَي مِن أبوي. ما في واحِد يَعرِف الإبن إلّا الأبو. و لا واحِد يَعرِف الأبو إلّا الإبن، و أي واحِد الإبن عاوِز يَوَرّيهو ليهو.

مَتَّى 2:23

و جا و قَعَد في المَدينَه الإسِما النَّاصِرَه، عَشان يَتِم القالو الأنبياء: ”بِسَمّوهو ناصِري.“

مَتَّى 26:55

في السّاعَه ديك، يَسُوع قال لِلجُّموع: ”جيتو بِسُيوف و عَصايات عَشان تَقبُضو عَلي زي ما أنا حَرامي؟ كُلّو يوم كُنتَ قاعِد في الهيكَل بَعِلِّم النّاس، و إنتو ما مَسَكتوني.

لُوقَا 10:22

أبوي أدّاني كُلّو شي. و ما في زول يَعرِف الإبن هو مِنو، إلّا الأبو، و الأبو هو مِنو إلّا الإبن، و كُل الإبن عاوِز يَوَرّي نَفسو ليهو.“

لُوقَا 2:11

إتوَلَد ليكُم النَّهار دا في مَدينَة دَاوُد مُخَلِّص، و هو الرَّب المَسيح.

لُوقَا 2:39

و لَمّا تَمَّمو كُلّو شي، زي قانون الرَّب، رَجَعو لِمَدينَتُم النَّاصِرَه في الجَّليل.

لُوقَا 2:4

و يُوسِف كَمان طَلَع مِن الجَّليل مِن مَدينَة النَّاصِرَه لِليَهُودِيَّه لِمَدينَة دَاوُد الإسِما بيت لَحَم، عَشان هو مِن بيت دَاوُد و مِن أهلو.

لُوقَا 2:51

و بَعدين نَزَل مَعاهُم و جا لِلنّاصِرَه، و كان يَطيعُم. و أُمّو كانَت تَحفَظ كُل الكَلام دا في قَلبا.

يُوحَنَّا 1:46

و نَثَنَائِيل قال ليهو: ”مُمكِن بِطلَع مِن النَّاصِرَه حاجَه طَيبَه؟“ فِيلُبُّس قال ليهو: ”تَعال و شوف.“

يُوحَنَّا 10:36

عَلَشان دا، إنتو تَقولو عَلى القَدَّسو الأبو، و رَسَّلو لِلدُّنيا: إنتَ تَجَدِّف؟ عَشان أنا قُلتَ أنا إبن الله؟

يُوحَنَّا 12:49

عَشان أنا ما إتكَلَّمتَ مِن نَفسي، لَكِن الأبو الرَّسَّلني هو أدّاني أمر أقول شِنو و أتكَلَّم شِنو.

يُوحَنَّا 14:10

إنتَ ما بِتآمِن أنا في الأبو و الأبو فِيني؟ الكَلام الأنا بَقولو ليكُم، ما بَتكَلَّم بيهو مِن نَفسي. لَكِن الأبو القاعِد فِيني، هو بيَعمِل أعمالو.

يُوحَنَّا 14:31

لَكِن عَشان الدُّنيا تَفهَم إنّي أحِب الأبو، و أنا أعمِل زي ما الأبو أمَرني. قُومو، نَمشي مِن هِنا.

يُوحَنَّا 16:3

و بيَعمِلو بيكُم كِدا فِشان هُم ما عِرفو الأبو ولّا عِرفوني.

يُوحَنَّا 17:25

يا الأبو البار، ناس الدُّنيا ما عِرفوك، لَكِن أنا عِرِفتَك. و ديل عِرفو إنتَ رَسَّلتَني.

يُوحَنَّا 17:3

و دي هي الحَياة الأبَديَّه، أن يَعرِفوك إنتَ الإلَه الحَقيقي وَحدَك، و يَسُوع المَسيح الرَسَّلتو.

يُوحَنَّا 3:2

هو جا لِيَسُوع في اللّيل، و قال ليهو: ”نِحنا عارفين إنَّك جيت مُعَلِّم مِن الله. عَشان ما في واحِد يَقدَر يَعمِل العَلامات الأنتَ بِتَعمِلا، إذا الله ما مَعاهو.“

يُوحَنَّا 3:33

و اليَقبَل شَهادَتو خَتَّ خِتمو إن الله أمين.

يُوحَنَّا 5:32

في واحِد تاني يَشهَد لَي. و أنا عارِف شَهادَتو الهو بِشهَدا لَي هي حَق.

يُوحَنَّا 5:43

أنا جيت بِإسم أبوي، و إنتو ما بِتَقبَلوني. إذا واحِد تاني يَجيكُم بِإسم نَفسو، بِتَقبَلوهو.

يُوحَنَّا 6:42

و قالو: ”دا ما يَسُوع إبن يُوسِف؟ و نِحنا عارِفين أبوهو و أُمّو؟ و هَسَّع كيف يَقول: أنا نَزَلتا مِن السَّما؟“

يُوحَنَّا 7:14

و في وَسط العيد، يَسُوع طَلَع لِلهيكَل و بَدا يَعَلِّم.

يُوحَنَّا 8:14

يَسُوع رَدَّ و قال ليهُم: ”حَتّى إذا كان أنا أشهَد لِنَفسي، شَهادَتي حَق، عَشان أنا عارِف مِن وين أنا جيت، و لِوين أنا ماشي. لَكِن إنتو ما عارفين مِن وين أنا جاي، ولّا لِوين أنا ماشي.

يُوحَنَّا 8:16

حَتّى إذا حَكَمتَ، الحُكم بِتاعي صَحيح، عَشان أنا ما أحكُم بَراي، لَكِن أنا و الأبو الرَّسَّلني.

يُوحَنَّا 8:19

و بَعدين قالو ليهو: ”وين أبوك؟“ يَسُوع قال ليهُم: ”إنتو ما بِتَعرِفوني، و ما بِتَعرِفو أبوي. إذا عِرِفتوني، كُنتو عِرِفتو أبوي كَمان.“

يُوحَنَّا 8:26

أنا عِندي حاجات كَتيرَه أقولا ليكُم، و أحكُم عَليكُم. لَكِن الرَّسَّلني، هو حَق، و السِّمِعتو مِنّو، دا بَقولو لِلدُّنيا.“

يُوحَنَّا 8:42

يَسُوع قال ليهُم: ”إذا كان الله أبوكُم، كُنتو تَحِبّوني، عَشان أنا مَرَقتَ و جيت مِن الله. أنا ما جيت مِن نَفسي، لَكِن هو رَسَّلني.

يُوحَنَّا 9:29

نِحنا بِنَعرِف الله كَلَّم مُوسَى، لَكِن الزّول دا، نِحنا ما عارفين هو مِن وين.“

أعمال الرُّسُل 17:23

و وَكِت ما كُنتَ بَطوف و بَشوف مَحَلّات الضَّبيحَه بِتاعَتكُم، لِقيت كَمان مَضبَح مَكتوب فوقو: لِإلَه ما مَعروف. و داك البِتَعبُدوهو بِدون مَعرِفَه، أنا هَسَّع بَبَشِّركُم بيهو.

رُومِيَه 1:28

و عَشانُم ما إفتَكَرو في فايدَه مِن مَعرِفَة الله، الله سَلَّمُم لِخَراب الفَهم عَشان يَعمِلو المَمنوع.

رُومِيَه 3:4

أبَداً! خَلّي الله يَكون أمين و كُلّو إنسان كَضّاب. زي المَكتوب: ”عَلَشان تِتبَرَّر، في كَلامَك، و تَغلِب لَمّا يَحكُمو عَليك.“

٢ كُورِنْثُوس 1:18

لَكِن زي ما الله أمين، كَلامنا ليكُم كَمان مُش ”أيوَه“ و ”لا.“

٢ كُورِنْثُوس 4:6

عَشان الله قال: ”خَلّي نور يَنَوِّر مِن الضُّلُمَّه.“ و هو نَوَّر في قُلوبنا نور مَعرِفَة مَجد الله في وَش يَسُوع المَسيح.

تِيطُس 1:2

و في رَجاء الحَياة الأبَديَّه، الوَعَد بيها الله قُبّال زَمَن أبَدي. و الله ما بِقدَر يَكَضِّب.

عِبرانيين 6:18

و الله عَمَل دا عَلَشان في حاجَتين الما بِتغَيَّرو، و ما مُمكِن هو يَكَضِّب فيهُم. عَلَشان كِدا، نِحنا الهَربنا ليهو عَشان نَمسِك بِالرَّجاء المَختوت قِدّامنا، عِندَنا شَجاعَه شَديدَه.

١ يُوحَنَّا 5:10

البِآمِن بِإبن الله، عِندو الشَّهادَه في نَفسو. الما بِآمِنو بِالله سَوَّاهو كَضّاب، عَلَشان ما آمَن بِالشَّهادَه الشِّهِد بيها الله عَن إبنو.