يُوحَنَّا 6:51 - كِتاب العَهد الجَّديد مِن الكِتاب المُقَدَّس

⁵¹ أنا هو العيش الحَي النَزَل مِن السَّما. إذا واحِد أكَل مِن العيش دا، هو بِعِيش لِلأبَد. و العيش الأنا بَدّيهو، هو جِسمي البَدّيهو لِحَياة الدُّنيا.“

يُوحَنَّا 6:51 Iomraidhean Croise

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

لُوقَا 22:19

و أخَد عيش، و شَكَر و كَسَّر و أدّا ليهُم، و قال: ”دا جِسمي الأنا أدّيتو فِشانكُم. أعمِلو دا عَشان تِتزَكَّروني.“

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

يُوحَنَّا 1:29

في اليوم التّاني، يُوحَنَّا شاف يَسُوع جاي ليهو. و قال: ”شوفو حَمَل الله البِشيل خَطيّة الدُّنيا.

يُوحَنَّا 11:26

و كُلّو واحِد الكان حَي و آمَن بي، ما يَموت لِلأبَد. إنتي بِنآمِني بِدا؟“

يُوحَنَّا 3:13

ما في واحِد طَلَع لِلسَّما إلّا هو النَّزَل مِن السَّما، يَعني إبن الإنسان الفي السَّما.

يُوحَنَّا 3:14

و زي ما مُوسَى رَفَع الدَّبيب في الخَلا، كَمان لازِم يَرفَعو إبن الإنسان.

يُوحَنَّا 3:16

عَشان الله حَبَّه الدُّنيا، حَتّى أدّا إبنو الوَحَيد، عَشان كُلّو واحِد البِآمِن بيهو ما يَهلِك، لَكِن تَكون ليهو الحَياة الأبَديَّه.

يُوحَنَّا 3:36

هو البِآمِنو بِالإبن، ليهو الحَياة الأبَديَّه. و هو الما بِآمِنو بِالإبن، ما بِشوف الحَياة، لَكِن غَضَب الله يَبقى عَليهو.

يُوحَنَّا 5:24

الحَق الحَق أقول ليكُم، البِسمَع كَلامي و بِآمِن بِالرَّسَّلني، تَكون ليهو الحَياة الأبَديَّه، و ما بِجي لِلحُكم، عَشان هو مَرَق مِن الموت لِلحَياة.

يُوحَنَّا 6:33

عَشان عيش الله، هو اليَنزِل مِن السَّما، و يَدّي حَياة لِلدُّنيا.“

يُوحَنَّا 6:35

و يَسُوع قال ليهُم: ”أنا هو عيش الحَياة. البِجي لَي ما بِكون جَعان، و البِآمِنو بي ما يَعطَش أبَداً.

يُوحَنَّا 6:41

و اليَهود نَقنَقو عَليهو، عَشان هو قال: ”أنا هو العيش النَزَل مِن السَّما.“

يُوحَنَّا 6:47

الحَق الحَق أقول ليكُم، البِآمِن بي، تَكون ليهو الحَياة الأبَديَّه.

يُوحَنَّا 6:48

أنا هو عيش الحَياة.

يُوحَنَّا 6:50

و لَكِن العيش البِنزِل مِن السَّما، الإنسان ياكُل مِنّو و ما يَموت.

يُوحَنَّا 7:38

البِآمِن بي زي ما قال الكِتاب، بَحَر مويَه حَيَّه يَجري مِن بَطنو،“

٢ كُورِنْثُوس 5:19

يَعني الله كان يَصالِح الدُّنيا لِنَفسو في المَسيح. و ما يَحسِب ليهُم خَطاياهم. و خَتَّ فينا كِلمَة المُصالَحَه.

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

أفَسُس 5:25

يا رُجال، حِبّو نِسوانكُم، زي المَسيح كَمان حَبَّ الكَنيسَه و أدّا نَفسو فِشانّا،

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

عِبرانيين 10:20

هو فَتَح لينا طَريق حَي و جَديد بِالسِّتارَه، يَعني، جِسمو.

١ بُطْرُس 2:4

قَرِّبو ليهو، لِلحَجَر الحَي، المَرفوض مِن النّاس، و لَكِن المُختار مِن الله و مُحتِرَم ليهو.

١ يُوحَنَّا 2:2

و هو دَفَع عَن خَطايانا بِضَبيحَة نَفسو عَشان يَصالِحنا مَعَ الله. و هو دَفَع عَن خَطايا كُل الدُّنيا كَمان و مُش عَن خَطايانا بَس.

١ يُوحَنَّا 4:10

و دي هي المَحَبَّه: مُش نِحنا الحَبّينا الله، لَكِنّو هو الحَبّانا و رَسَّل إبنو عَشان يَكون ضَبيحَة دَفع عَن خَطايانا.

١ يُوحَنَّا 4:14

و نِحنا شُفنا و نَشهَد أن الأبو رَسَّل الإبن عَشان يَكون مُخَلِّص الدُّنيا.