يُوحَنَّا 6:40 - كِتاب العَهد الجَّديد مِن الكِتاب المُقَدَّس

⁴⁰ عَشان دي إرادَة أبوي، كُل البِشوف الإبن و بِآمِنو بيهو، تَكون ليهو الحَياة الأبَديَّه. و أنا بَقَوِّمو في اليوم الأخير.“

يُوحَنَّا 6:40 Iomraidhean Croise

مَتَّى 10:15

بِالحَق أقول ليكُم، في يوم الحُكم، حالَة سَدوم و عَمورَه بِتكون أحسَن مِن حالَة المَدينَه ديك.

مَتَّى 25:46

بَعدين ديل بِمشو لِلجِّزا الأبَديَّه، و لَكِن البارين بِمشو لِلحَياة الأبَديَّه.“

مَرْقُس 16:16

هو اليَصَدِّق و يِتعَمَّد بِخلَص، و الما يَصَدِّق بِحكُمو عَليهو.

لُوقَا 2:30

عَشان عُيوني شافو خَلاصَك

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

يُوحَنَّا 10:28

و أنا بَدّيهُم حَياة أبَديَّه، و هُم ما بِموتو أبَداً، و ما في واحِد يَقدَر يَشيلُم مِن إيدي.

يُوحَنَّا 11:24

مَرْثَا قالَت ليهو: ”أنا عارفَه هو بِقوم في القيامَه، في اليوم الأخير.“

يُوحَنَّا 11:25

يَسُوع قال ليها: ”أنا هو القيامَه و الحَياة. و البِآمِنو بي، و لَو مات بِكون حَي.

يُوحَنَّا 12:45

و البِشوفني بِشوف الرَّسَّلني.

يُوحَنَّا 12:50

و أنا أعرِف الأمر بِتاعو هو حَياة أبَديَّه. و البَتكَلَّم بيهو، أنا بَتكَلَّم كِدا زي الأبو قال لَي.“

يُوحَنَّا 14:17

ناس الدُّنيا ما بِقدَرو يَقبَلوهو، عَشان هُم ما يَشوفوهو و لا يَعرِفوهو. لَكِن إنتو بِتَعرِفوهو، عَشان هو قاعِد مَعاكُم و بِكون فيكُم.

يُوحَنَّا 14:19

بَعَد شوَيَه الدُّنيا ما ماشيَه تَشوفني تاني مَرَّه، لَكِن إنتو بِتشوفوني. عَلَشان أنا حَي، إنتو كَمان بِتَحيو.

يُوحَنَّا 17:2

عَشان إنتَ أدّيت ليهو سُلطَه عَلى كُلّو زول، عَشان يَدّي الحَياة الأبَديَّه لِكُل الأدّيتُم ليهو.

يُوحَنَّا 3:36

هو البِآمِنو بِالإبن، ليهو الحَياة الأبَديَّه. و هو الما بِآمِنو بِالإبن، ما بِشوف الحَياة، لَكِن غَضَب الله يَبقى عَليهو.

يُوحَنَّا 4:14

لَكِن البِشرَب مِن المويَه الأنا أدِيها ليهو، ما بِيَعطَش تاني أبَداً. عَشان المويَه الأنا بَدّيها ليهو، بَتَبقى فيهو عين مويَه يَطلَع لِلحَياة الأبَديَّه.“

يُوحَنَّا 5:24

الحَق الحَق أقول ليكُم، البِسمَع كَلامي و بِآمِن بِالرَّسَّلني، تَكون ليهو الحَياة الأبَديَّه، و ما بِجي لِلحُكم، عَشان هو مَرَق مِن الموت لِلحَياة.

يُوحَنَّا 6:27

ما تَشتَغِلو لِلأكل البِخسَر، لَكِن لِلأكِل البِستَمِر لِلحَياة الأبَديَّه. و إبن الإنسان بِدّي ليكُم، عَشان الله الأبو ثَبَّتو.“

يُوحَنَّا 6:39

و دي إرادَة الرَّسَّلني، إنّو كُل الأدّاني، ما أوَدِّر مِنّو شي، لَكِن بَقَوِّمو في اليوم الأخير.

يُوحَنَّا 6:44

ما في واحِد يَقدَر يَجي لَي إلّا الأبو الرَّسَّلني يَجيبو لَي. و أنا بَقَوِّمو في اليوم الأخير.

يُوحَنَّا 6:54

كُل الياكُل جِسمي و يَشرَب دَمّي، تَكون ليهو الحَياة الأبَديَّه. و أنا بَقَوِّمو في اليوم الأخير.

يُوحَنَّا 8:56

أبوكُم إِبْرَاهِيم إنبَسَط عَشان يَشوف يومي. و هو شافو و فِرِح.“

رُومِيَه 5:21

و زي ما الخَطيَّه مَلَكَت لِلموت، كِدا النِّعمَه بِتَملِك بِالبِر لِلحَياة الأبَديَّه بِرَبَّنا يَسُوع المَسيح.

رُومِيَه 6:23

عَشان أُجرَة الخَطيَّه هي الموت، و لَكِن هَديَّة الله هي الحَياة الأبَديَّه بِالمَسيح يَسُوع رَبَّنا.

٢ كُورِنْثُوس 4:6

عَشان الله قال: ”خَلّي نور يَنَوِّر مِن الضُّلُمَّه.“ و هو نَوَّر في قُلوبنا نور مَعرِفَة مَجد الله في وَش يَسُوع المَسيح.

عِبرانيين 11:1

و الإيمان هو التّأكيد بِالحاجات العِندَنا رَجاء ليهُم، و بيّنَة الحاجات الما شُفناهُم.

عِبرانيين 11:27

بِالإيمان مُوسَى ساب مَصر، و ما كان خايِف مِن زَعل المَلِك. عَلَشان هو إتحَمَّل زي البِشوفو الما مُمكِن يَشوفو.

١ بُطْرُس 1:8

بِتحِبّو المَسيح، و لَو ما شُفتوهو. بِتآمِنو بيهو، و لَو ما بِتشوفو هَسَّع. و كِدا بِتَفرَحو بِفَرَح عَظيم و مَجيد، البِفوت الكَلام عَنّو.

١ يُوحَنَّا 2:25

دا هو الوَعد الهو وَعَدنا بيهو، الحَياة الأبَديَّه.

يَهُوذَا 1:21

و أحفَظو نُفوسكُم في مَحَبَّة الله، مُنتَظِرين رَحمَة رَبَّنا يَسُوع المَسيح لِلحَياة الأبَديَّه.