يُوحَنَّا 5:39 - كِتاب العَهد الجَّديد مِن الكِتاب المُقَدَّس

³⁹ إنتو تَفَتِّشو الكُتُب، عَشان إنتو تَفتَكِرو عِندَكُم فيهُم الحَياة الأبَديَّه. و هُم البِشهَدو لَي.

يُوحَنَّا 5:39 Iomraidhean Croise

مَتَّى 22:29

و يَسُوع رَدَّ عَليهُم و قال: ”إنتو غَلطانين عَشان ما عارفين الكُتُب و لا قُوَّة الله.

مَرْقُس 10:3

رَدَّ عَليهُم و قال: ”مُوسَى أمَركُم بِشِنو؟“

مَرْقُس 12:10

إنتو ما قَريتو المَكتوب دا؟ الحَجَر الرَّفَضوهو البَنّايين بِقى راس الرُّكُن.

لُوقَا 16:29

لَكِن إِبْرَاهِيم قال ليهو: عِندَهُم مُوسَى و الأنبياء. خَليهُم يَسمَعو ليهُم.

لُوقَا 16:31

و هو قال ليهو: إذا ما يَسمَعو مِن مُوسَى و الأنبياء، ما بِصَدِّقو إذا واحِد قام مِن بين المَيِّتين.“

لُوقَا 24:25

و هو قال ليهُم: ”يا بَليدين و قُلوبكُم تَقيلَه عَشان تَصَدِّقو كُل القالوهو الأنبياء.

لُوقَا 24:27

و إبتَدا مِن كِتاب مُوسَى و مِن كُل الأنبياء يَفَسِّر ليهُم الكان مَكتوب عَنّو في كُل الكُتُب.

لُوقَا 24:44

بَعدين هو قال ليهُم: ”شوفو! دا الكَلام الكَلَّمتَكُم بيهو وَكِت أنا كُنتَ مَعاكُم، إنّو كُل المَكتوب عَنّي في قانون مُوسَى و الأنبياء و المَزامير لازِم يَتِم.“

يُوحَنَّا 1:45

و فِيلُبُّس لِقى نَثَنَائِيل و قال ليهو: ”لِقينا الكَتَب عَنّو مُوسَى في القانون و الأنبياء، يَسُوع إبن يُوسِف المِن النَّاصِرَه.“

يُوحَنَّا 5:32

في واحِد تاني يَشهَد لَي. و أنا عارِف شَهادَتو الهو بِشهَدا لَي هي حَق.

يُوحَنَّا 5:36

لَكِن أنا عِندي شَهادَه أكبَر مِن شَهادَة يُوحَنَّا. عَشان الأعمال الأبو أدّاها لَي عَشان أتِمّا، الأعمال دي زاتا الأنا بَعمِل، هي تَوَرّي إنّو الأبو رَسَّلني.

يُوحَنَّا 5:40

و إنتو ما عاوِزين تَجو لَي عَشان تَكون ليكُم الحَياة.

يُوحَنَّا 5:46

عَشان إذا كُنتو بِتصَدِّقو مُوسَى، كُنتو تَصَدِّقوني، عَشان هو كَتَب عَنّي.

يُوحَنَّا 7:52

و رَدّو و قالو ليهو: ”إنتَ مِن الجَّليل؟ فَتِّش، و شوف إنّو نَبي ما قام مِن الجَّليل.“

أعمال الرُّسُل 13:27

و السّاكنين في أُورُشَلِيم و رؤساهُم ما عِرفو يَسُوع. لَكِن لَمّا حَكَمو عَليهو، تَمَّمو كِلمات الأنبياء البيَقروها كُلّو سَبِت.

أعمال الرُّسُل 17:11

و ديل كانو أفضَل مِن الفي تَسَالُونِيكِي، عَشان قِبلو الكِلمَه بِكُلّو نَشاط. و كانو كُلّو يوم بِفَتِّشو الكُتُب عَشان يَشوفو إذا الحاجات دي صَحَيحَه.

أعمال الرُّسُل 26:27

إنتَ بِتآمِن بِالأنبياء، يا مَلِك أَغْرِيبَاس؟ أنا بَعرِف إنتَ بِتآمِن.“

رُومِيَه 1:2

و الله وَعَد بِالإنجيل مِن قُبّال بِواسطَة أنبياهو في الكُتُب المُقَدَّسَه.

رُومِيَه 3:2

كَتير مِن كُلّو طَريق. في الأوَّل، الله أدّاهُم كلمتو.

كُولُوسِّي 3:16

خَلّو كِلمَة المَسيح تَعيش فيكُم بِكَترَه، و إنتو تَعَلِّمو و تَهَظِّرو بَعضَكُم بَعض بِكُلّو حِكمَه. و تَرَتِّلو بِمَزامير و تَرتيلات و حَمد روحي، و تَشكُرو الله في قُلوبكُم.

عِبرانيين 11:16

لَكِن هَسَّع هُم بِدورو وَطَن أحسَن، يَعني الفي السَّما. و عَلَشان كِدا، الله ما يَكون خَجلان لَمّا هُم يَسَمّوهو إلَهُم، عَشان هو جَهَّز ليهُم مَدينَه.

عِبرانيين 11:35

و رَجَّعو لِنِسوان أهلم الماتو و قامو مِن بين المَيِّتين. و تانيين إتعَذَّبو و ما قِبلو الفِداء، عَشان يَحَصِّلو عَلى قيامَه أحسَن.

رؤيا 19:10

و وَقَعتَ عِند كِرعينو عَشان أعبُدو. لَكِن هو قال لَي: ”ما تَعمِل دا أبَداً! عَشان أنا خَدّام مَعاك و مَعَ أخوانَك البِحفَظو شَهادَة يَسُوع. أعبُد الله! عَشان شَهادَة يَسُوع، هي روح النُّبوَّه.“