يُوحَنَّا 5:17 - كِتاب العَهد الجَّديد مِن الكِتاب المُقَدَّس

¹⁷ لَكِن يَسُوع رَدَّ و قال ليهُم: ”أبوي دايماً بيَعمِل، و أنا بَعمِل كَمان.“

يُوحَنَّا 5:17 Iomraidhean Croise

مَتَّى 10:29

ما بِبيعو طيرين صُغار بِمِليم؟ و لا واحِد مِنَّهُم بِقَع عَلى الأرض بِدون مَعرِفَة أبوكُم.

يُوحَنَّا 10:36

عَلَشان دا، إنتو تَقولو عَلى القَدَّسو الأبو، و رَسَّلو لِلدُّنيا: إنتَ تَجَدِّف؟ عَشان أنا قُلتَ أنا إبن الله؟

يُوحَنَّا 14:10

إنتَ ما بِتآمِن أنا في الأبو و الأبو فِيني؟ الكَلام الأنا بَقولو ليكُم، ما بَتكَلَّم بيهو مِن نَفسي. لَكِن الأبو القاعِد فِيني، هو بيَعمِل أعمالو.

يُوحَنَّا 5:16

عَشان كِدا، اليَهود كانو بِطرُدو يَسُوع، و عاوِزين يَكتُلوهو، عَشان هو عَمَل كِدا في السَّبِت.

يُوحَنَّا 5:18

عَلَشان كِدا، اليَهود كانو دايرين يَكتُلوهو بِأي طَرِيقَه، مُش بَس عَشان هو خالَف السَّبِت، و لَكِن عَشان هو قال كَمان إن الله أبوهو. و كِدا عَمَل نَفسو واحِد مَعَ الله.

يُوحَنَّا 9:4

لازِم نَعمِل أعمال الرَّسَّلني ما دام النَّهار. عَشان بِجي ليل لَمّا واحِد ما يَقدَر يَشتَغِل.

أعمال الرُّسُل 14:17

و لَكِن هو ما ساب نَفسو بِدون شاهِد. و هو بيَعمِل الخير، و بِدّيكُم مَطَر مِن السَّما و دُرَه في وَكتو، و يَملى قُلوبكُم بِأكل و فَرَح.“

أعمال الرُّسُل 17:28

و نِحنا بيهو نَعيش، و نِتحَرَّك، و نَكون مَوجودين. زي ما بَعض مِن غَنّاينكُم قالو: نِحنا نَسلو.

١ كُورِنْثُوس 12:6

و في أنواع أعمال، لَكِن الله واحِد البيَعمِل كُلّو شي في كُل النّاس.

كُولُوسِّي 1:16

عَشان الله خَلَق فيهو كُلّو حاجَه، الحاجات الفي السَّما و عَلى الأرض، النَقدَر نَشوفو و الما نَقدَر نَشوفو، إذا كان كَراسي المُلوك، ولّا قُوّات ولّا مُديرين، ولّا سَلاطين. الله خَلَق كُل الحاجات بيهو و ليهو.

١ تَسَالُونِيكِي 2:13

و نِحنا كَمان نَشكُر الله دايماً لِلسَّبَب دا. لَمّا أخَدتو كِلمَة الله السِّمِعتو مِنَّنا، قِبِلتوها مُش زي كِلمَة النّاس، لَكِن زي ما هي بِالحَقيقَه، كِلمَة الله. و الكِلمَه دي تَشتَغِل فيكُم، إنتو المؤمِنين كَمان.

عِبرانيين 1:3

و الإبن هو النّور بِتاع مَجد الله، و هو صورَة طَبيعَتو، و شايل كُل الحاجات بِكِلمَة قُدرَتو. و بَعَد ما هو عَمَل نَضافَه لِلخَطايا، هو قَعَد عَن يَمين الله العَظيم في السَّما.