يُوحَنَّا 4:46 - كِتاب العَهد الجَّديد مِن الكِتاب المُقَدَّس

⁴⁶ عَشان كِدا، يَسُوع جا مَرَّه تانيَه لِقانا الجَّليل، المَكان الغَيَّر فيهو المويَه لِلخَمر. و كان في موَظَّف المَلِك، في كَفْرَنَاحُوم. و وَلَدو كان عَيّان.

يُوحَنَّا 4:46 Iomraidhean Croise

مَتَّى 15:22

و شوف! مَرَه كَنعانيَه مِن المَحَل داك، طَلَعَت و كُورَكَت: ”يا سَيِّد، إبن دَاوُد، كون رَحيم لَي. شيطان بِعَذِّب بِتّي شَديد جِدّاً.“

مَتَّى 4:13

و خَلّى النّاصِرَه، و مَشى و قَعَد في كَفْرَنَاحُوم الجَّمب البَحَر في طَرف زَبولون و نَفتالي،

مَتَّى 9:18

و وَكِت ما كان يَكَلِّمُم بِدا، شوف! واحِد رَئيس قَرَّب ليهو و رَكَع قِدّامو و قال: ”بِتّي ماتَت هَسَّع دي. لَكِن تَعال و خُت إيدَك عَليها و هي بِتَحيى.“

لُوقَا 4:23

و قال ليهُم: ”عَلى كُلّو حال تَقولو لَي المَثَل دا: يا حَكيم، أشفي نَفسَك. سِمِعنا كَتير عَن الحَصَل في كَفْرَنَاحُوم. أعمِلا هِنا كَمان في بَلَدَك.“

لُوقَا 7:2

و رَئيس الجّيش كان عِندو خَدّام مَحبوب ليهو. و كان عَيّان قَريب لِلموت.

لُوقَا 8:42

عَشان كانَت عِندو بِت وَحيدَه عُمُرا إتناشَر سَنَه تَقريباً، و كانَت قَريبَه مِن الموت. و وَكِت ما هو ماشي، ناس كُتار لَزُّوهو مِن كُلّو جَمب.

يُوحَنَّا 2:12

و بَعَد كِدا، نَزَل لِكَفْرَنَاحُوم، هو، و أُمّو، و أخوانو، و تَلاميذو. و قَعَدو هِناك أيام قَليلَه.

يُوحَنَّا 21:2

سِمْعَان بُطْرُس، و تُومَا الإسمو التّيمان، و وَنَثَنَائِيل المِن قانا الجَّليل، و أولاد زَبَدي الأتنين، و إتنين تانيين مِن تَلاميذو، كانو كُلُّهُم سَوا.