يُوحَنَّا 4:25 - كِتاب العَهد الجَّديد مِن الكِتاب المُقَدَّس

²⁵ المَرَه قالَت ليهو: ”أنا عارفَه إنّو مَسيّا جاي، هو البِسَمّوهو المَسيح. و لَمّا بِجي، بِوَرّينا كُلّو شي.“

يُوحَنَّا 4:25 Iomraidhean Croise

مَتَّى 1:16

و يَعْقُوب وِلِد يُوسِف، راجِل مَرْيَم، المِنَّها كان مَولود يَسُوع الإسمو المَسيح.

مَتَّى 27:17

عَلَشان كِدا، لَمّا النّاس إتلَمّو، بِيلاطُس قال ليهُم: ”إنتو عاوِزينّي أفِك ليكُم مِنو؟ بَراباس، ولّا يَسُوع اليَسَمّوهو المَسيح؟“

مَتَّى 27:22

بِيلاطُس قال ليهُم: ”عَلى كِدا، بَعمِل شِنو بِيَسُوع اليَسَمّوهو المَسيح؟“ و كُلَّهُم قالو: ”أصلُبوهو.“

لُوقَا 2:11

إتوَلَد ليكُم النَّهار دا في مَدينَة دَاوُد مُخَلِّص، و هو الرَّب المَسيح.

يُوحَنَّا 1:49

نَثَنَائِيل رَدَّ و قال ليهو: ”يا مُعَلِّم، إنتَ إبن الله. إنتَ مَلِك إِسْرَائِيل.“

يُوحَنَّا 4:29

”تَعالو، شوفو زول قال لَي كُل العَمَلتو مُدَّة حَياتي. يِمكِن دا يَكون المَسيح؟“

يُوحَنَّا 4:39

و سامِرِيّين كَتيرين مِن المَدينَه دي آمَنو بيهو بِسَبَب كَلام المَرَه الكانَت بِتَشهَد: ”هو قال لَي كُل العَمَلتو.“

يُوحَنَّا 4:42

و قالو لِلمَرَه: ”بَعَد دا نِحنا ما آمَنّا عَلَشان الكَلام بِتاعِك بَس، لَكِن عَشان نِحنا بِزاتنا سِمِعنا، و عِرِفنا إنّو دا هو بِالحَقيقَه المَسيح، مُخَلِّص الدُّنيا.“