يُوحَنَّا 4:10 - كِتاب العَهد الجَّديد مِن الكِتاب المُقَدَّس

¹⁰ يَسُوع قال ليها: ”إنتي إذا كُنتي تَعرِفي هَديَّة الله، و مِنو هو البقول ليكي: أدّيني عَشان أشرَب، كُنتي طَلَبتي مِنّو، و هو كان أدّاك مويَه حَيَّه.“

يُوحَنَّا 4:10 Iomraidhean Croise

لُوقَا 11:13

و إذا إنتو البَطّالين تَعرِفو تَدّو أولادكُم هَدايا سَمحَه، كَم بِالأكتَر الأبو السَّمَاوي يَدّي الرّوح القُدُس لِليَسألوهو؟“

يُوحَنَّا 16:3

و بيَعمِلو بيكُم كِدا فِشان هُم ما عِرفو الأبو ولّا عِرفوني.

يُوحَنَّا 17:3

و دي هي الحَياة الأبَديَّه، أن يَعرِفوك إنتَ الإلَه الحَقيقي وَحدَك، و يَسُوع المَسيح الرَسَّلتو.

يُوحَنَّا 3:16

عَشان الله حَبَّه الدُّنيا، حَتّى أدّا إبنو الوَحَيد، عَشان كُلّو واحِد البِآمِن بيهو ما يَهلِك، لَكِن تَكون ليهو الحَياة الأبَديَّه.

يُوحَنَّا 4:14

لَكِن البِشرَب مِن المويَه الأنا أدِيها ليهو، ما بِيَعطَش تاني أبَداً. عَشان المويَه الأنا بَدّيها ليهو، بَتَبقى فيهو عين مويَه يَطلَع لِلحَياة الأبَديَّه.“

يُوحَنَّا 6:35

و يَسُوع قال ليهُم: ”أنا هو عيش الحَياة. البِجي لَي ما بِكون جَعان، و البِآمِنو بي ما يَعطَش أبَداً.

يُوحَنَّا 6:51

أنا هو العيش الحَي النَزَل مِن السَّما. إذا واحِد أكَل مِن العيش دا، هو بِعِيش لِلأبَد. و العيش الأنا بَدّيهو، هو جِسمي البَدّيهو لِحَياة الدُّنيا.“

أعمال الرُّسُل 9:11

و الرَّب قال ليهو: ”قوم و أمشي لِشارِع إسمو الدُّغري، و أسأل في بيت يَهُوذَا عَن راجِل مِن طَرْسُوس إسمو شَاوُل. و شوف! هو قاعِد بِصَلّي.

رُومِيَه 8:32

هو الما رَحَم عَلى إبنو المَخصوص، لَكِن أدّاهو فِشان كُلُّنا، كيف ما يَدينا مَعاهو كُلّو حاجَه؟

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

١ كُورِنْثُوس 10:4

و كُلَّهُم شِربو الشَّراب الرّوحي نَفسو. عَشانُم كانو يَشرَبو مِن الحَجَر الرّوحي الكان يَتبَعُم. و الحَجَر كان المَسيح.

٢ كُورِنْثُوس 9:15

و شُكراً لِلَّه عَلى هَديَّاتو الما نَقدَر نِتكَلَّم عَنّا.

أفَسُس 2:8

عَلَشان بِالنِّعمَه إنتو مُخَلَّصين بِالإيمان. و داك مُش مِنَّكُم. هو هَديَّة الله،

عِبرانيين 6:4

و في ناس الكانو عِندَهُم النّور مِن قُبّال، و ضاقو الهَدِيَّه المِن السَّما، و بِقو شُرَكا في الرّوح القُدُس.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

رؤيا 21:6

و هو قال لَي كَمان: ”هو كِمِل. أنا الألِف و الياء، البِدايَه و النِّهايَه. أنا بَدّي لِلعَطشان مِن عين مويَة الحَياة مَجّاناً.

رؤيا 22:17

و الرّوح و العَروسَه يَقولو: ”تَعال!“ و هو اليَسمَع، خَليهو يَقول: ”تَعال!“ و اليَعطَش، خَليهو يَجي. و العاوِز، خَليهو ياخُد مويَة الحَياة مَجّاناً.

رؤيا 7:17

عَلَشان الحَمَل الفي وَسِط الكُرسي بِكون الرّاعي بِتاعُم. هو بِقودُم لِأبيار المويَه الحَيَّه. و الله بِيَمسَح كُلّو دَمعَه مِن عُيونُم.“