يُوحَنَّا 3:5 - كِتاب العَهد الجَّديد مِن الكِتاب المُقَدَّس

⁵ يَسُوع قال ليهو: ”الحَق الحَق أقول ليك، إذا كان واحِد ما بِتوَلَد مِن المويَه و الرّوح، هو ما بِقدَر يَدخُل مَلَكوت الله.

يُوحَنَّا 3:5 Iomraidhean Croise

مَتَّى 18:3

و قال: ”الحَق أقول ليكُم، إذا ما بِتَرجَعو و تَكونو زي الأولاد، ما بِتَدخُلو مَلَكوت السَّما أبَداً.

مَتَّى 19:24

و أنا بَقول ليكُم كَمان، بِكون أسهَل لِجَمَل يَدخُل في عين إبرَه مِن أن غَني يَدخُل مَلَكوت الله.“

مَتَّى 21:31

ياتو مِن الإتنين عَمَل إرادَة الأبو؟“ قالو: ”الأوَّل.“ يَسُوع قال ليهُم: ”أقول ليكُم الحَق. النّاس البِلِمّو الضَّريبَه و النِّسوان البَطّالات بِدخُلو مَلَكوت الله قُبّالكُم.

مَتَّى 28:19

عَشان كِدا، أمشو و أعمِلو تَلاميذ مِن كُلّو ناس الدُّنيا. و عَمِّدوهُم بِإسم الأبو، و الإبن، و الرّوح القُدُس.

مَتَّى 3:11

أنا بَعَمِّدكُم بِمويَه لِلتّوبَه. و لَكِن هو البِجي بَعَدي قَوّي مِنّي. و أنا ما كوَيس حَتّى أشيل جِزَمو. هو بِعَمِّدكُم بِالرّوح القُدُس و النّار.

مَتَّى 5:20

عَشان أقول ليكُم، لِغايَة ما بِرَّكُم بِفوت بِر مُعَلِّمين القانون و بِر الفَرِّيسِيِّين، ما تَدخُلو مَلَكوت السَّما أبَداً.

مَرْقُس 10:14

و لَكِن لَمّا يَسُوع شافُم، زِعِل شَديد، و قال ليهُم: ”خَلّو الأولاد بِجو لَي، و ما تَمنَعوهُم. عَشان مَلَكوت الله ليهُم اليَكونو زي الأولاد ديل.

مَرْقُس 16:16

هو اليَصَدِّق و يِتعَمَّد بِخلَص، و الما يَصَدِّق بِحكُمو عَليهو.

مَرْقُس 9:47

و إذا عينَك سَبَب خَطيَّتَك، طَلِّعا. أحسَن تَدخُل مَلَكوت الله بِعين واحدَه مِن أن يَرموك في جَهَنَّم و عِندَك عُيون،

لُوقَا 13:24

و قال ليهُم: ”إشتَغِلو شَديد، عَشان تَدخُلو مِن الباب الضَّيِّق. عَشان أقول ليكُم، ناس كُتار دايرين يدخُلو، و لَكِن ما يَقدَرو.

لُوقَا 13:3

أقول ليكُم، لا. و إلّا إنتو تَتوبو، كُلُّكُم بِتموتو زيَهُم.

لُوقَا 13:5

أقول ليكُم، لا. و إلّا تَتوبو، كُلُّكُم بِتموتو زيَهُم.“

يُوحَنَّا 1:13

ديل هُم النّاس الكانو مَولودين، مُش بِدَم، و لا بِإرادَة جِسم، و لا مِن إرادَة راجِل، لَكِن مِن الله.

يُوحَنَّا 3:3

يَسُوع رَدَّ و قال ليهو: ”الحَق الحَق أقول ليك، إن كان واحِد ما يِتوَلَد مِن فوق، هو ما بِقدَر يَشوف مَلَكوت الله.“

يُوحَنَّا 3:4

نِقُدِموس قال ليهو: ”كيف الإنسان يَقدَر يِتوَلَد و هو راجِل عَجوز؟ هو بِقدَر يَدخُل بَطن أُمّو مَرَّه تانيَه و يِتوَلَد؟“

أعمال الرُّسُل 2:38

و بُطْرُس قال ليهُم: ”توبو و إتعَمَّدو كُلّو واحِد مِنَّكُم بِإسم يَسُوع المَسيح لِغُفران خَطاياكُم، و بِتاخُدو هَديَّة الرّوح القُدُس.

أعمال الرُّسُل 3:19

عَلَشان كِدا، توبو و أرجَعو لِلَّه، فِشان الله يَشيل خَطاياكُم مِنَّكُم، و عَلَشان وَكِت الرّاحَه بِجي مِن قِدّام الرَّب.

رُومِيَه 14:17

عَشان مَلَكوت الله ما أكل ولّا شُرُب، لَكِن هو بِر و سَلام و فَرَح في الرّوح القُدُس.

رُومِيَه 8:2

فِشان قانون روح الحَياة في المَسيح يَسُوع أدّاني حُرّيَّه مِن قانون الخَطيَّه و الموت.

١ كُورِنْثُوس 15:50

أقول دا، يا أخوان، أجسامنا المَصنوع مِن لَحَم و دَم ما بِقدَرو يورَثو مَلَكوت الله، و البِموت ما بِقدَر يورَث الما بِموت أبَداً.

١ كُورِنْثُوس 2:12

و نِحنا ما أخَدنا روح الدُّنيا، لَكِن الرّوح المِن الله، عَشان نَعرِف الحاجات الأدّاهُم لينا الله.

١ كُورِنْثُوس 6:11

و بَعض مِنَّكُم كانو زي داك. لَكِن كُنتو مَغسولين، إتقَدَّستو، إتبَرَّرتو بِإسم الرَّب يَسُوع المَسيح و بِروح إلَهنا.

غَلَاطِيَّه 6:15

عَشان في المَسيح يَسُوع الطَّهور ما ليهو فايدَه، ولّا الما مُطَهَّر، لَكِن الخَليقَه الجَديدَه.

أفَسُس 5:26

عَشان يَقَدِّسا و يَنَضِّفا بِغَسيل المويَه بِالكِلمَه.

١ بُطْرُس 1:2

المُختارين بِحَسَب مَعرِفَة الله الأبو الكانَت مِن قَبِل، و المُقَدَّسين بِالرّوح عَشان يَطيعو يَسُوع المَسيح و يَكونو مَرشوشين بِدَمّو. نِعمَه و سَلام يَكَتِّر ليكُم.

١ بُطْرُس 3:21

و المويَه دي تَشَبِّه المَعموديَّه، مُش غَسيل الوَساخَه مِن الجِّسِم، لَكِن طَلَب ضَمير طَيب لِلَّه. و دي تَخَلِّصكُم هَسَّع بِقيامَة يَسُوع المَسيح.

١ يُوحَنَّا 2:29

إذا كان بِتَعرِفو هو بار، بِتَعرِفو كُلّو واحِد البِعمِل البِر مَولود مِنّو.

١ يُوحَنَّا 5:1

كُلّو واحِد بِآمِن بِيَسُوع هو المَسيح، هو مَولود مِن الله. و كُلّو واحِد بِحِب الأبو بِحِب المَولود مِنّو كَمان.