يُوحَنَّا 3:34 - كِتاب العَهد الجَّديد مِن الكِتاب المُقَدَّس

³⁴ و الرَّسَّلو الله، دا هو اليتكَلَّم بِكَلام الله. عَشان الله ما بِدّي الرّوح بالميزان.

يُوحَنَّا 3:34 Iomraidhean Croise

مَتَّى 12:18

”شوف! خَدّامي الأنا إختِرتو، حَبيبي الأنا مَبسوط بيهو. بَخُت روحي عَليهو، و هو بِخَبِّر ناس الدُّنيا بِالعدل.

لُوقَا 4:18

”روح الله عَلي، عَلَشانو مَسَحني فِشان أبَشِّر المَساكين. و رَسَّلني عَشان أنادي لِلمَحبوسين بِالحُرّيَّه، و لِلعَميانين عَشان يَشوفو، و بِالحُرّيَّه لِلقُلوبُم مَكسورَه

يُوحَنَّا 1:16

و نِحنا كُلُّنا أخَدنا مِن خيرو الكَتير، نِعمَه فوق نِعمَه.

يُوحَنَّا 15:26

و لَمّا المُساعِد يَجي، الأنا بَرَسِّلو ليكُم مِن الأبو، يَعني روح الحَق البِجي مِن الأبو، هو بِشهَد لَي.

يُوحَنَّا 16:7

لَكِن أقول ليكُم الحَق، أحسَن ليكُم أنا أمشي. عَشان إذا أنا ما مَشيت، المُساعِد ما بِجيكُم. لَكِن إذا مَشيت، بَرَسِّلو ليكُم.

يُوحَنَّا 3:17

عَشان الله ما رَسَّل إبنو لِلدُّنيا عَشان يَدين الدُّنيا، لَكِن رَسَّلو عَشان يَخَلِّص الدُّنيا بيهو.

يُوحَنَّا 5:26

عَشان زي ما الأبو عِندو حَياة في نَفسو، هو كَمان أدّا لِلإبن عَشان تَكون ليهو الحَياة في نَفسو.

يُوحَنَّا 7:16

يَسُوع قال ليهُم: ”التَّعليم بِتاعي ما حَقّي، لَكِن حَق الرَّسَّلني.

يُوحَنَّا 8:40

لَكِن إنتو هَسَّع دايرين تَكتُلوني، و أنا هو القال ليكُم الحَق السِّمِعتو مِن الله. و إِبْرَاهِيم ما عَمَل حاجَه زي دي.

يُوحَنَّا 8:47

هو المِن الله يَسمَع كَلام الله. عَشان كِدا، إنتو ما بِتَسمَعو، عَشان إنتو ما مِن الله.“

أعمال الرُّسُل 1:2

لِغايَة اليوم الأخَدوهو لِلسَّما. و قُبّال ما أخَدوهو لِلسَّما، هو أمَر بِالرّوح القُدُس الرُّسُل الهو إختارُم.

أعمال الرُّسُل 10:38

كيف الله مَسَح يَسُوع المِن النَّاصِرَه بِالرّوح القُدُس و القُوَّه. و هو كان بِمشي في كُلّو مَحَل و بيَعمِل الخير، و بِشفي كُلُّهُم الكانو تِحِت سُلطَة إبْلِيس. عَشان الله كان مَعاهو.

رُومِيَه 8:2

فِشان قانون روح الحَياة في المَسيح يَسُوع أدّاني حُرّيَّه مِن قانون الخَطيَّه و الموت.

أفَسُس 3:8

و هو أدّا النِّعمَه دي لَي، و أنا أصغَر كُل القِدِّسين، عَشان أبَشِّر بين الأُمَم بِغِنى المَسيح الما نَقدَر نَفَسِّر بِالتَّمام.

كُولُوسِّي 1:19

عَشان الله كان مَبسوط يَخَلّي كُلّو كَمالو يَعيش في الإبن،

كُولُوسِّي 2:9

عَشان في المَسيح كُلّو كَمال الله يَعيش في شَكل الجِّسِم.

رؤيا 21:6

و هو قال لَي كَمان: ”هو كِمِل. أنا الألِف و الياء، البِدايَه و النِّهايَه. أنا بَدّي لِلعَطشان مِن عين مويَة الحَياة مَجّاناً.

رؤيا 22:1

و بَعدين المَلاك وَرّاني بَحَر مويَة الحَياة صافي زي القِزاز إسمو البَلّور. و البَحَر جا مِن كُرسي الله و الحَمَل،