يُوحَنَّا 3:29 - كِتاب العَهد الجَّديد مِن الكِتاب المُقَدَّس

²⁹ و العِندو العَروسَه، هو العَريس. لَكِن صاحِب العَريس الواقِف و يَسمَع صوت العَريس، هو بِكون مَبسوط، عَشان بِسمَع صوت العَريس. عَشان كِدا، فَرَحي دا هَسَّع بِقى كامِل.

يُوحَنَّا 3:29 Iomraidhean Croise

مَتَّى 22:2

”مَلَكوت السَّما زي مَلِك جَهَّز عَزومَة عِرس لِوَلَدو.

مَتَّى 25:1

في الوَكِت دا، مَلَكوت السَّما بِكون زي عَشَرَه بَنات اَخَدو لَمباتُم، و مَشو يَقابِلو العَريس.

مَتَّى 9:15

يَسُوع قال ليهُم: ”ناس العِرِس بِقدَرو يَبكو وَكِت ما العَريس مَعاهُم؟ الأيام بِتَجي لَمّا يَشيلو العَريس مِنَّهُم. في الوَكِت داك بِصومو.

لُوقَا 15:6

و وَكِت يَجي لِبيتو، بِنادي أصحابو و جيرانو، و يَقول ليهُم: كونو مَبسوطين مَعاي، عَشان لِقيت خَروف المَوَدَّر مِنّي.

يُوحَنَّا 15:11

أنا كَلَّمتَكُم بِدا، عَشان فَرَحي يَسكُن فيكُم، و فَرَحكُم يَتِم.

يُوحَنَّا 16:24

لِغايَة هَسَّع، إنتو ما طَلَبتو حاجَه بِإسمي. أطلُبو، تَقبَلو، عَلَشان فَرَحكُم يَكون كامِل.

يُوحَنَّا 17:13

لَكِن هَسَّع أنا جاي ليك. و أنا بَتكَلَّم بِالحاجات دي في الدُّنيا، عَشان يَكون عِندَهُم في نُفوسُم فَرَح كامِل مِنّي.

يُوحَنَّا 3:30

هو لازِم يَكون أكبَر، و أنا لازِم أكون أصغَر.“

٢ كُورِنْثُوس 11:2

عَشان أنا غَيور عَليكُم بِغيرَة الله. عَشان أنا وَعَدتَكُم لِراجِل واحِد عَشان أقَدِّم عَذراء نَضيفَه لِلمَسيح.

فيلِبّي 2:2

كَمِّلو فَرَحي و تَفتَكِرو نَفس الفِكر. كونو ليكُم مَحَبَّه واحدَه، و نَفس واحدَه، و فِكر واحِد.

١ يُوحَنَّا 1:4

و نَكتِب ليكُم دا عَشان فَرَحنا يَكون كامِل.

٢ يُوحَنَّا 1:12

عِندي حاجات كَتيرَه عَشان أكتِب ليكُم، لَكِن أنا ما داير أعمِلو بِوَرَق و حِبِر. بَدَل مِن دا أنتَظِر أن أجيكُم و أتكَلَّم وَش لِوَش، عَشان فَرَحنا بِكون كامِل.

رؤيا 21:9

و جا واحِد مِن السَّبعَه مَلائكَه الكانو عِندَهُم السَّبعَه حِلَل مَليانَه مِن السَّبعَه ضَرَبات الأخيرَه، و قال لَي: ”تَعال، بَوَرّيك العَروسَه، مَرَة الحَمَل.“