يُوحَنَّا 3:19 - كِتاب العَهد الجَّديد مِن الكِتاب المُقَدَّس

¹⁹ و دي هي الدّينونَه: إن النّور جا لِلدُّنيا، و النّاس حَبّو الضُّلُمَّه أكتَر مِن النّور، عَشان أعمالُم كانَت شَرّيرَه.

يُوحَنَّا 3:19 Iomraidhean Croise

لُوقَا 12:47

و الخَدّام العِرف إرادَة سيدو، و ما جَهَّز نَفسو، و ما عَمَل إرادَة سيدو، بِجلِدو كَتير.

لُوقَا 16:14

و الفَرّيسيّين سِمِعو دا كُلّو، و هُم كانو بِحِبّو المال، و ضِحِكو عَليهو.

يُوحَنَّا 1:4

الحَياة كانَت فيهو، و الحَياة كانَت نور النّاس.

يُوحَنَّا 1:5

و النّور كان بِنَوِّر في الضَّلام، و الضَّلام ما قِدِر يَغلِبو.

يُوحَنَّا 12:31

هَسَّع، دينونَة الدُّنيا دي. هَسَّع بِرمو رَئيس الدُّنيا بَرَّه.

يُوحَنَّا 12:43

عَشان هُم حَبّو مَجد النّاس أكتَر مِن مَجد الله.

يُوحَنَّا 12:46

أنا جيت عَشان أكون نور لِلدُّنيا، عَشان كُل البِآمِن بي ما بِستَنّى في الضُّلُمَّه.

يُوحَنَّا 5:44

كيف تَقدَرو تَآمِنو و إنتو تَقبَلو مَجد، واحِد مِن التّاني، و لَكِن ما بِتفَتِّشو عَلى المَجد المِن الله الوَحيد.

يُوحَنَّا 7:17

إذا واحِد رَضيان يَعمِل إرادَة الله، هو ماشي يَعرِف التَّعليم دا، إذا هو مِن الله، ولّا أنا بَتكَلَّم بيهو مِن نَفسي.

يُوحَنَّا 7:7

ناس الدُّنيا ما بِقدَرو يَكرَهوكُم، لَكِن يَكرَهوني أنا، عَشان أنا بَشهَد عَليهُم إنّو أعمالُم بَطّالَه.

يُوحَنَّا 8:12

مَرَّه تانيَه، يَسُوع إتكَلَّم مَعاهُم و قال: ”أنا هو نور الدُّنيا. البِتبَعني ما يَمشي في الضُّلُمَّه أبَداً، لَكِن يَكون ليهو نور الحَياة.“

يُوحَنَّا 9:5

و لَمّا أنا في الدُّنيا، أنا نور الدُّنيا.“

رُومِيَه 1:32

هُم يَعرِفو حُكم الله إنّو البِعمِلو الحاجات زي دي يِستَحِقّو الموت. لَكِن يِستَمِرّو يَعمِلوها و يَقبَلو النّاس اليَعمِلوها.

رُومِيَه 2:8

و ليهُم البِحِبّو نُفوسُم، و ما بِطيعُو الحَق لَكِن بِطيعُو الشَّر، بِكون في زَعل و غَضَب.

٢ تَسَالُونِيكِي 2:12

و عَلَشان كُل الما صَدَّقو الحَق لَكِن فِرحو بِالخَطيَّه، يِتحَكَمو.

١ بُطْرُس 2:8

و: ”حَجَر عَترَه و صَخرَة وقوع.“ يَقَعو عَلَشانُم ما بِطيعُو الكِلمَه، و كِدا كانو مُعَينين لِدا.

٢ بُطْرُس 3:3

و في الأوَّل أعرِفو إنّو في الأيام الأخيرَه بِجو ناس البِضحَكو عَلى الحَق، و بِعيشو حَسَب شَهوات نُفوسُم.