يُوحَنَّا 21:23 - كِتاب العَهد الجَّديد مِن الكِتاب المُقَدَّس

²³ و الكَلام دا بِقى مَعروف بين الأخوان، إنّو التِّلميذ داك ما بِموت. لَكِن يَسُوع ما قال ليهو إنّو ما بِموت، لَكِن ”إذا إرادَتي إنّو يَعيش لِغايَة ما بَجي، دا شِنو ليك؟“

يُوحَنَّا 21:23 Iomraidhean Croise

مَتَّى 16:27

عَشان إبن الإنسان بِجي مَعَ مَلائكَتو في مَجد أبوهو. و بَعدين بِدّي ماهيَّه لِكُلّو زول زي أعمالو.

أعمال الرُّسُل 1:15

و في الأيام ديلاك قام بُطْرُس في وَسِط الأخوان. و العَدَد بِتاعُم كُلُّهُم كان مِيَّه و عِشرين زول تَقريباً.

أعمال الرُّسُل 28:14

و هِناك لِقينا أخوان، و هُم إترَجّونا نَقعُد مَعاهُم سَبعَة أيام. و كِدا جينا لِرُومِيَه.

أعمال الرُّسُل 6:3

كِدا، يا أخوان، إختارو سَبعَه رُجال مِنَّكُم المَعروفين، مَليانين بِالرّوح و الحِكمَه، و بِنَدّيهُم السُّلطَه عَلى الحاجات دي.

١ كُورِنْثُوس 11:26

عَشان كُلّو مَرَّه وَكِت ما تاكلو العيش دا و تَشرَبو مِن الكُبّايَه دي، تَخَبِّرو بِموت الرَّب لِغايَة ما يَجي.

١ كُورِنْثُوس 4:5

فِشان كِدا، ما تَحكُمو في حاجَه قُبّال الوَكِت، قُبّال ما الرَّب يَجي. هو بِجيب لِلنّور الحاجات الهَسَّع مَدسوسَه في الضَّلام، و بِوَرّي أفكار القُلوب. في الوَكِت داك، كُلّو واحِد بِقبَل حَمدو مِن الله.

يَعْقُوب 5:7

عَلَشان كِدا، أصبُرو، يا أخوان، لِغايَة ما الرَّب بِجي. شوفو كيف المُزارِع بِستَنّى ثِمار الأرض الغالي، و يَصبُر عَليهو حَتّى هو ياخُد المَطَر البِجي بَدري و البِتأخَّر.

رؤيا 2:25

لَكِن تَمسِكو بِالحاجَه العِندَكُم لِغايَة ما بَجي.