يُوحَنَّا 21:22 - كِتاب العَهد الجَّديد مِن الكِتاب المُقَدَّس

²² يَسُوع قال ليهو: ”إذا إرادَتي إنّو يَعيش لِغايَة ما بَجي، دا شِنو ليك؟ إنتَ تَعال وَراي.“

يُوحَنَّا 21:22 Iomraidhean Croise

مَتَّى 16:24

بَعدين يَسُوع قال لِتَلاميذو: ”إذا كان أي زول داير يَجي وَراي، خَليهو يَنكِر نَفسو، و يَشيل صَليبو، و يَتبَعني.

مَتَّى 24:27

عَشان زي ما البَرق يَجي مِن الشَّرق و يَلمَع لِلغَرب، إبن الإنسان بِجي زي دا كَمان.

مَتَّى 24:3

و وَكِت كان قاعِد عَلى جَبَل الزّيتون، تَلاميذو قَرَّبو ليهو بَراهُم و قالو: ”كَلِّمنا، الحاجَه دي بِتكون مِتين؟ و شِنو العَلامَه التَّوَرّينا إنتَ بِتَجي و الزَّمَن دا بِخلَص؟“

مَتَّى 24:44

عَلَشان كِدا، كونو إنتو كَمان جاهِزين. عَشان إبن الإنسان بِجي في ساعَه إنتو ما تَفتَكِرو.

مَتَّى 25:31

لَمّا إبن الإنسان بِجي في مَجدو، و كُل المَلائكَه مَعاهو، في الوَكِت داك بِيَقعُد عَلى كُرسي مَجدو.

مَتَّى 8:22

و لَكِن يَسُوع قال ليهو: ”أتبَعني، و خَلّي المَيِّتين يَدفِنو مَيِّتينُم.“

مَرْقُس 9:1

و قال ليهُم: ”أقول ليكُم الحَق، بَعَض مِن النّاس الواقفين هِنا ما بِضوقو الموت لِغايَة ما بِشوفو مَلَكوت الله جاي بِقُوَّه.“

يُوحَنَّا 21:19

يَسُوع قال كِدا عَشان يَوَرّي ياتو موت كان ماشي بِمَجِّد بيهو الله. و بَعَد كِدا، قال ليهو: ”أتبَعني.“

يُوحَنَّا 21:21

و لَمّا بُطْرُس شاف دا، قال لِيَسُوع: ”يا رَب، و هو، مالو؟“

١ كُورِنْثُوس 11:26

عَشان كُلّو مَرَّه وَكِت ما تاكلو العيش دا و تَشرَبو مِن الكُبّايَه دي، تَخَبِّرو بِموت الرَّب لِغايَة ما يَجي.

١ كُورِنْثُوس 4:5

فِشان كِدا، ما تَحكُمو في حاجَه قُبّال الوَكِت، قُبّال ما الرَّب يَجي. هو بِجيب لِلنّور الحاجات الهَسَّع مَدسوسَه في الضَّلام، و بِوَرّي أفكار القُلوب. في الوَكِت داك، كُلّو واحِد بِقبَل حَمدو مِن الله.

١ تَسَالُونِيكِي 2:19

و رَجاءنا شِنو و فَرَحنا و تاج فَخرِنا قِدّام رَبَّنا يَسُوع لَمّا يَجي؟ مُش إنتو؟

يَعْقُوب 5:7

عَلَشان كِدا، أصبُرو، يا أخوان، لِغايَة ما الرَّب بِجي. شوفو كيف المُزارِع بِستَنّى ثِمار الأرض الغالي، و يَصبُر عَليهو حَتّى هو ياخُد المَطَر البِجي بَدري و البِتأخَّر.

يَعْقُوب 5:8

إنتو كَمان أصبُرو. كونو ثابتين في قُلوبكُم، فِشان الرَّب بِجي قَريب.

رؤيا 1:7

شوفو! هو جاي مَعَ السَّحاب. و كُلّو عين بِتشوفو، حَتّى ديل الطّعَنوهو. و كُلّو قَبايل الأرض بيبكو عَليهو. أيوَه، خَليهو يَكون كِدا.

رؤيا 2:25

لَكِن تَمسِكو بِالحاجَه العِندَكُم لِغايَة ما بَجي.

رؤيا 22:20

الشّاهِد بِالحاجات دي يَقول: ”أيوَه، أنا جاي قَريب.“ آمين! تَعال، يا رَب يَسُوع!

رؤيا 22:7

شوف! أنا جاي قَريب! مُبارَك البِحفَظ كِلمات نُبُوَّة الكِتاب دا.“

رؤيا 3:11

أنا جاي قَوام، أمسِك بِالحاجَه العِندَك، عَشان واحِد ما بِشيل تاجَك.