يُوحَنَّا 21:17 - كِتاب العَهد الجَّديد مِن الكِتاب المُقَدَّس

¹⁷ يَسُوع قال ليهو مَرَّه تالتَه: ”يا سِمْعَان إبن يُوحَنَّا، إنتَ بِتحِبّني؟“ و بُطْرُس كان حَزنان عَشان يَسُوع قال ليهو تالِت مَرَّه: ”إنتَ بِتحِبّني؟“ و قال ليهو: ”يا رَب، إنتَ بِتَعرِف كُلّو حاجَه. إنتَ بِتَعرِف أنا بَحِبَّك.“ و يَسُوع قال ليهو: ”أحرِس خِرفاني.

يُوحَنَّا 21:17 Iomraidhean Croise

مَتَّى 25:40

و المَلِك بِرُد و بِقول ليهُم: أقول ليكُم الحَق، زي ما إنتو عَمَلتوهو لِواحِد مِن أخواني ديل الأصغَر، عَمَلتوهو لَي.

مَرْقُس 14:72

و طَوّالي الدّيك كورَك تاني مَرَّه. و بُطْرُس إتزَكَّر الكَلام القالو ليهو يَسُوع: ”قُبّال ما الدّيك يَكورِك مَرَّتين، بِتَنكُرني تلاتَه مَرّات.“ و لَمّا فَكَّر فيهو، إبتَدا يَبكي.

يُوحَنَّا 12:8

عَشان المَساكين مَعاكُم في كُلّو وَكِت، لَكِن أنا ما مَعاكُم في كُلّو وَكِت.“

يُوحَنَّا 13:38

يَسُوع رَدَّ و قال ليهو: ”إنتَ تَدّي حَياتَك فِشانّي؟ الحَق الحَق أقول ليك، قُبّال ما الدّيك يَكورِك، إنتَ ماشي تَنكِرني تلاتَه مَرّات.

يُوحَنَّا 14:15

إذا تَحِبّوني، إنتو ماشين تَحفَظو أوامِري.

يُوحَنَّا 15:10

إذا حَفَظتو أوامِري، بِتَسكُنو في مَحَبَّتي، زي ما أنا حَفَظتَ أوامِر أبوي، و أسكُن في مَحَبَّتو.

يُوحَنَّا 16:30

هَسَّع دي بِنَعرِف إنتَ بِتَعرِف كُلّو شي. و ما تَحتاج لِزول يَسألَك. عَشان كِدا بِنآمِن إنتَ جيت مِن الله.“

يُوحَنَّا 18:27

و بُطْرُس نَكَر مَرَّه تانيَه. و طَوّالي الدّيك كورَك.

يُوحَنَّا 18:4

بَعدين يَسُوع، و هو عارِف كُل الحاجات البِجو عَليهو، مَرَق ليهُم. و قال: ”إنتو دايرين مِنو؟“

يُوحَنَّا 21:18

الحَق الحَق أقول ليك، لَمّا كُنتَ صَغَيِر، لِبِستَ هِدومَك و مَشيت لِلمَحَل الأنتَ دايِرو. لَكِن لَمّا بِقيت عَجوز، إنتَ ماشي تَمِد إيدينَك، و واحِد بِلَبِّسَك و بِشيلَك لِلمَحَل الأنتَ ما عاوِز تَمشي ليهو.“

يُوحَنَّا 4:16

يَسُوع قال ليها: ”أمشي و نادي راجلِك، و تَعالي هِنا.“

أعمال الرُّسُل 1:24

و صَلّو و قالو: ”يا رَب البِعرِف قُلوب النّاس كُلّو، وَرّينا ياتو مِن الإتنين ديل الأنتَ إختِرتو

أعمال الرُّسُل 11:10

و حَصَل كِدا تلاتَه مَرّات. و بَعَد دا كُلّو، رَفَعوها لِلسَّما.

أعمال الرُّسُل 15:8

و الله البِعرِف القُلوب، شِهِد ليهُم لَمَّن أدّاهُم الرّوح القُدُس زي ما أدّانا كَمان.

٢ كُورِنْثُوس 1:12

عَشان دا فَخرَنا: ضَميرنا يَشهَد لينا، نِحنا مَشينا في الدُّنيا في القَداسَه و الإخلاص المِن الله و خُصوصاً مِن جِهَتكُم. و ما عَمَلنا كِدا بِحِكمَة الإنسان، لَكِن بِنِعمَة الله.

أفَسُس 4:30

ما تَعمِلو روح الله القُدّوس حَزنان، عَشان بيهو الله خَتَّ عَليكُم الخِتِم لِغايَة يوم الفِداء.

١ بُطْرُس 1:6

بِدا تَفرَحو، و لَو هَسَّع لازِم تَحزِنو لِوَكِت قَليل بِسَبَب تَجَارِب مِن كُلّو نوع.

٢ بُطْرُس 3:1

يا أخواني المَحبوبين، هَسَّع دا هو الجَّواب التّاني بَكتِبو ليكُم. و فيهُم الإتنين بَزَكِّركُم عَشان أحَرِّك عُقولكُم المُخلِصَه.

رؤيا 2:23

و بَكتُل أولادا بِالموت. و كُل الكَنايس بِيَعرِفو أنا هو البَمتَحِن الأفكار و القُلوب، و بَدفَع لِكُلّو واحِد مِنَّكُم حَسَب أعمالو.

رؤيا 3:19

كُلُّهُم الأنا بَحِبُّم بَوَبِّخُم و بأدِّبُم. عَلَشان كِدا، كون حار و توب.