يُوحَنَّا 21:12 - كِتاب العَهد الجَّديد مِن الكِتاب المُقَدَّس

¹² يَسُوع قال ليهُم: ”تَعالو، أُكلو.“ و ما في واحِد مِن التَّلاميذ قِدِر يَسألو: ”إنتَ مِنو؟“ عَشان كانو عارفين تَمام هو الرَّب.

يُوحَنَّا 21:12 Iomraidhean Croise

مَتَّى 22:46

و ما في واحِد قِدِر يَرُد عَليهو كِلمَه واحدَه. و مِن اليوم داك ما في واحِد قِدِر يَسألو سؤَال تاني.

مَرْقُس 9:32

و لَكِن ما فِهمو كَلامو، و خافو يَسألوهو.

لُوقَا 9:45

و لَكِن هُم ما فِهمو الكَلام دا، و كان مَدسوس مِنَّهُم، عَشان ما يَفهَموهو. و كانو خايفين يَسألوهو عَن الكَلام دا.

يُوحَنَّا 16:19

يَسُوع عِرِف هُم عاوزين يَسألوهو. و عَشان كِدا قال ليهُم: ”إنتو بِتَسألو بينكُم عَن دا؟ عَشان أنا قُلتَ: بَعَد شوَيَه ما بِتشوفوني، و بَعَد شوَيَه كَمان بِتشوفوني؟

يُوحَنَّا 21:11

و بُطْرُس مَشى لِلمُركَب، و جَر الشَّبَكَه فوق الأرض، مَليانَه مِن السَّمَك الكَبير، مِيَّه و تلاتَه و خَمسين سَمَك. و مَعَ الكَتَرَه دي، الشَّبَكَه ما إتشَرَّطَت.

يُوحَنَّا 21:15

و لَمّا هُم فَتَرو، يَسُوع قال لِسِمْعَان بُطْرُس: ”يا سِمْعَان، إبن يُوحَنَّا، إنتَ بِتحِبّني أكتَر مِن ديل؟“ قال ليهو: ”أيوَه، يا رَب، إنتَ بِتَعرِف أنا بَحِبَّك.“ يَسُوع قال ليهو: ”أَدِّي أكِل لِخِرفاني الصُّغار.“

يُوحَنَّا 4:27

و في الوَكِت دا، تَلاميذو جو. و كانو بِستَغرَبو إنّو بِتكَلَّم مَعَ مَرَه. لَكِن ولّا واحِد مِنَّهُم قال: ”إنتَ داير شِنو؟“ ولّا: ”لِشِنو إنتَ تِتكَلَّم مَعَ المَرَه دي؟“

أعمال الرُّسُل 10:41

و مُش كُل النّاس شافوهو، لَكِن الشاهِدين المُختارين مِن قُبّال، نِحنا الأكَلنا و شِرِبنا مَعاهو بَعَد قيامَتو مِن بين المَيِّتين.