يُوحَنَّا 20:31 - كِتاب العَهد الجَّديد مِن الكِتاب المُقَدَّس

³¹ لَكِن دي مَكتوبَه عَشان تَآمِنو إن يَسُوع هو المَسيح إبن الله. و لَمّا تَآمِنو، تَكون ليكُم حَياة بِإسمو.

يُوحَنَّا 20:31 Iomraidhean Croise

مَتَّى 16:16

سِمْعَان بُطْرُس رَدَّ عَليهو و قال: ”إنتَ المَسيح، إبن الله الحَي!“

مَتَّى 27:54

و لَمّا رَئيس الجّيش و المَعاهو الكانو يَحرَسو يَسُوع شافو الزَّلزَلَه و الحَصَل، كانو خايفين جِدّاً، و قالو: ”بِالحَق، دا كان إبن الله!“

مَتَّى 4:3

و المُجَرِّب قَرَّب ليهو و قال: ”إذا إنتَ إبن الله، أَدِّي أمر لِلحُجار ديل أن يَبقو عيش.“

مَرْقُس 16:16

هو اليَصَدِّق و يِتعَمَّد بِخلَص، و الما يَصَدِّق بِحكُمو عَليهو.

لُوقَا 1:35

و المَلاك رَدَّ و قال ليها: ”الرّوح القُدُس بِجي عَليكي، و قُدرَة العالي تَضَلِّلِك. و عَشان كِدا القُدّوس المَولود مِنِّك بِسَمّوهو إبن الله.

لُوقَا 1:4

عَشان تَعرِف بِالتَّمام حَقيقَة الحاجات الخَبَّروك بيها بِالكَلام.

لُوقَا 24:47

و يَبَشِّرو بِالتّوبَه و غُفران الخَطايا بِإسمو لِكُل الأُمَم، و يَبتَدو مِن أُورُشَلِيم.

يُوحَنَّا 1:49

نَثَنَائِيل رَدَّ و قال ليهو: ”يا مُعَلِّم، إنتَ إبن الله. إنتَ مَلِك إِسْرَائِيل.“

يُوحَنَّا 10:10

الحَرامي ما بِجي إلّا عَشان يَسرِق و يَكتُل و يَخرَب. لَكِن أنا جيت عَشان هُم يَلقو الحَياة، و يَلقوها بِالكامِل.

يُوحَنَّا 19:35

و هو الشّاف كِدا، شِهِد، و شَهادَتو حَق. و هو يَعرِف إنّو بِقول الحَق، عَشان إنتو تَآمِنو كَمان.

يُوحَنَّا 20:28

تُومَا رَدَّ و قال ليهو: ”رَبّي و إلَهي!“

يُوحَنَّا 3:18

الإنسان البِآمِن بيهو، الله ما يَدينو. و الإنسان الما بِآمِنو بيهو، هو مَديون عَليهو مِن قُبّال، عَشان هو ما آمَن بِإسم إبن الله.

يُوحَنَّا 3:36

هو البِآمِنو بِالإبن، ليهو الحَياة الأبَديَّه. و هو الما بِآمِنو بِالإبن، ما بِشوف الحَياة، لَكِن غَضَب الله يَبقى عَليهو.

يُوحَنَّا 5:24

الحَق الحَق أقول ليكُم، البِسمَع كَلامي و بِآمِن بِالرَّسَّلني، تَكون ليهو الحَياة الأبَديَّه، و ما بِجي لِلحُكم، عَشان هو مَرَق مِن الموت لِلحَياة.

يُوحَنَّا 6:40

عَشان دي إرادَة أبوي، كُل البِشوف الإبن و بِآمِنو بيهو، تَكون ليهو الحَياة الأبَديَّه. و أنا بَقَوِّمو في اليوم الأخير.“

أعمال الرُّسُل 10:43

و كُل الأنبياء يَشهَدو ليهو أن كُلّو واحِد البِآمِن بيهو بِقبَل بِإسمو غُفران الخَطايا.“

أعمال الرُّسُل 3:16

و الرّاجِل دا بِقى شَديد بِالإيمان بِإسم يَسُوع. و إنتو بِتشوفو و بِتَعرِفوهو. و الإيمان بِيَسُوع أدّا الرّاجِل دا العافيَه التّامَّه قِدّام كُلُّكُم.

أعمال الرُّسُل 8:36

و وَكِت ما هُم ماشين في السِّكَّه، جو لِمَحَل فيهو مويَه. و الخِصي قال: ”شوف! في مويَه! ما مُمكِن أتعَمَّد؟“

أعمال الرُّسُل 8:37

و فِيلُبُّس قال: ”كان بِتآمِن بِكُلّو قَلبَك، مُمكِن ليك.“ و الخِصي رَدَّ و قال ليهو: ”أنا بآمِن أن يَسُوع المَسيح هو إبن الله.“

أعمال الرُّسُل 9:20

و طَوّالي إبتَدا يَبَشِّر في بِيوت الرَّب بِيَسُوع إنّو إبن الله.

١ بُطْرُس 1:9

و تَقبَلو نِهايَة إيمانكُم، هو خَلاص نُفوسكُم.

١ يُوحَنَّا 4:15

البِعتَرِف بِيَسُوع هو إبن الله، الله بِسكُن فيهو و هو في الله.

١ يُوحَنَّا 5:1

كُلّو واحِد بِآمِن بِيَسُوع هو المَسيح، هو مَولود مِن الله. و كُلّو واحِد بِحِب الأبو بِحِب المَولود مِنّو كَمان.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

٢ يُوحَنَّا 1:9

و الما بِستَمِر في تَعليم المَسيح و يَجري قِدّامو، ما عِندو الله. و البِستَمِر في تَعليم المَسيح، هو عِندو الأبو و الإبن، هُم الإتنين.

رؤيا 2:18

و أكتِب كَمان لِمَلاك الكَنيسَه الفي ثِيَاتِيرَا: ديل الحاجات البِقولو إبن الله العِندو عُيون زي لَهيب نار، و كِرعينو زي النَّحاس الأصفَر اللَّامَع.