يُوحَنَّا 20:19 - كِتاب العَهد الجَّديد مِن الكِتاب المُقَدَّس

¹⁹ و كان المِسا في اليوم الأوَّل في الأُسبوع. و بِسَبَب الخوف مِن اليَهود، الأبواب كانَت مَقفولَه مَكان التَّلاميذ كانو مِتلَمين فيهو. و يَسُوع جا و وَقَف في الوَسِط، و قال ليهُم: ”سَلام ليكُم.“

يُوحَنَّا 20:19 Iomraidhean Croise

مَتَّى 10:13

و إذا أهل البيت مُستَحِقّين، خَلّي سَلامكُم يَستَنّى عَليهو. و لَكِن إذا ما مُستَحِقّين، خَلّي سَلامكُم يَرجَع ليكُم.

مَتَّى 18:20

عَشان في المَحَل الإتلَمّو فيهو إتنين ولّا تلاتَه بِإسمي، أنا بَكون هِناك في وَسِطُم.“

مَرْقُس 16:14

بَعدين، ظَهَر لِلحِداشَر زاتُم و هُم قاعِدين ياكلو. و وَبَّخُم عَشان ما كان عِندَهُم إيمان، و فِشان قُلوبُم كانَت قَوّيَّه، عَشان هُم ما صَدَّقوهُم الشّافوهو بَعَد ما قام.

يُوحَنَّا 14:27

أنا بَخَلّي سَلام مَعاكُم. بَدّيكُم سَلامي. أنا ما بَدّيكُم زي ما الدُّنيا بِتَدّي. ما تَضطَرِبو في قُلوبكُم، و ما تَخافو.

يُوحَنَّا 16:22

و عَشان كِدا، إنتو عِندَكُم حُزن هَسَّع. لَكِن أنا بَشوفكُم مَرَّه تانيَه، و قُلوبكُم بِكونو مَبسوطين. و ما في زول يَشيل الفَرَح بِتاعكُم مِنَّكُم.

يُوحَنَّا 16:33

كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

يُوحَنَّا 20:21

و يَسُوع قال ليهُم مَرَّه تانيَه: ”سَلام ليكُم. زي ما الأبو رَسَّلني، أنا بَرَسِّلكُم.“

يُوحَنَّا 20:26

و بَعَد تَمانيَة أيام، التَّلاميذ كانو في البيت تاني مَرَّه، و تُومَا كان مَعاهُم. و الأبواب كانَت مَقفولَه. لَكِن يَسُوع جا و وَقَف في وَسِطُم و قال: ”سَلام ليكُم.“

يُوحَنَّا 21:1

بَعَد كِدا، يَسُوع بِيَّن نَفسو تاني مَرَّه لِلتَّلاميذ عِند بَحَر تَبَريَّه. و هو بِيَّن نَفسو بِالطَّرِيقَه دي.

يُوحَنَّا 21:14

و دي هَسَّع تالِت مَرَّه يَسُوع ظَهَر فيها لِتَلاميذو، بَعَد ما قام مِن بين المَيِّتين.

يُوحَنَّا 7:13

لَكِن، ما في واحِد كان بِتكَلَّم عَنّو قِدّام النّاس بِسَبَب الخوف مِن اليَهود.

أعمال الرُّسُل 1:3

و بَعَد تَعبو، هو وَرّا نَفسو ليهُم و أدّا ليهُم بينات كَتيرَه الوَرّاهُم هو حَي. و هو كان بِبَيِّن نَفسو ليهُم مُدَّة أربَعين يوم، و بِكَلِّمُم عَن حاجات مَلَكوت الله.

رُومِيَه 15:33

إلَه السَّلام مَعاكُم كُلُّكُم. آمين.

١ كُورِنْثُوس 15:5

و ظَهَر لِبُطْرُس، و بَعدين لِلإتناشَر رَسول.

أفَسُس 2:14

عَشان هو سَلَامنا، و هو عَمَل اليَهود و الأُمَم واحِد. و كَسَّر الحيطَه الفي وَسِط. الكانَت تَقَسِّم بينَنا.

أفَسُس 6:23

سَلام لِلأخوان، و مَحَبَّه بِإيمان مِن الله الأبو و الرَّب يَسُوع المَسيح.

فيلِبّي 1:2

نِعمَه ليكُم و سَلام مِن الله أبونا و الرَّب يَسُوع المَسيح.

٢ تَسَالُونِيكِي 3:16

و رَب السَّلام نَفسو يَدّيكُم السَّلام كُلّو وَكِت و بِكُلّو طَرِيقَه. الرَّب يَكون مَعَ كُلُّكُم.

عِبرانيين 7:2

و إِبْرَاهِيم أدّا ليهو العُشُر مِن كُلّو حاجَه. و مَعنى إسمو في الأوَّل: ”مَلِك البِر،“ و بَعدين كَمان: ”مَلِك ساليم،“ يَعني: ”مَلِك السَّلام.“

٣ يُوحَنَّا 1:14

لَكِن عِندي رَجاء أن أشوفَك بَعَد شوَيَه، و بِنِتكَلَّم وَش لِوَش.

رؤيا 1:4

مِن يُوحَنَّا لِلسَّبعَه كَنايس الفي آسيا: النِّعمَه ليكُم و السَّلام مِنّو المَوجود و الكان مَوجود و الماشي يَجي، و مِن السَّبعَه أرواح الفي قِدّام كُرسيهو.