يُوحَنَّا 20:17 - كِتاب العَهد الجَّديد مِن الكِتاب المُقَدَّس

¹⁷ يَسُوع قال ليها: ”ما تَلمِسيني، عَشان أنا لِسَّع ما رَجَعتَ لِلأبو. لَكِن أمشي لِأخواني، و قولي ليهُم، أنا بَرجَع لِأبوي و أبوكُم، و إلَهي و إلَهكُم.“

يُوحَنَّا 20:17 Iomraidhean Croise

مَتَّى 12:50

عَشان البيَعمِل إرادَة أبوي الفي السَّما، هو أخوّي، و أُختي، و أُمّي.“

مَتَّى 25:40

و المَلِك بِرُد و بِقول ليهُم: أقول ليكُم الحَق، زي ما إنتو عَمَلتوهو لِواحِد مِن أخواني ديل الأصغَر، عَمَلتوهو لَي.

مَتَّى 28:7

بَعدين، أمشو بِسُرعَه، و قولو لِتَلاميذو إنّو قام مِن بين المَيِّتين. و شوفو هو يَمشي قُبّالكُم لِلجَّليل. بِتشوفو هِناك. شوف! أنا قُلتَ ليكُم.“

مَرْقُس 12:26

و لَكِن عَن المَيِّتين البِقومو، ما قَريتو في كِتاب مُوسَى عَن الشَّجَرَه الصَّغَيرَه؟ كيف الله قال ليهو: أنا إلَه إِبْرَاهِيم، و إلَه إِسْحَاق، و إلَه يَعْقُوب؟

مَرْقُس 16:19

و بَعَد ما الرَّب يَسُوع كَلَّمُم، إتَّخَد لِلسَّما، و قَعَد عَلى يَمين الله.

لُوقَا 10:4

ما تَشيلو كيس و لا جُزلان و لا جِزَم. و ما تَسَلِّمو عَلى زول في السِّكَّه.

يُوحَنَّا 13:1

قُبّال عيد الفِصَح، لَمّا يَسُوع عِرِف ساعتو جات عَشان يَسيب الدُّنيا دي، و يَمشي لِلأبو، هو حَبَّ النّاس بِتاعو الكانو في الدُّنيا، و حَبّاهُم لِلآخِر.

يُوحَنَّا 13:3

يَسُوع عِرِف إن الأبو أدّا ليهو كُلّو شي في إيدينو، و إنّو جا مِن عِند الله، و يَرجَع لِلَّه.

يُوحَنَّا 14:2

في بيت أبوي مَساكِن كَتيرَه. و كان مُش كِدا، كُنتَ قُلتَ ليكُم. أنا ماشي عَشان أجَهِّز ليكُم مَكان.

يُوحَنَّا 14:28

إنتو سِمِعتو إنّي قُلتَ ليكُم: أنا ماشي و بَجي ليكُم تاني. و إذا إنتو بِتحِبّوني، كُنتو تَفرَحو، عَشان أنا ماشي لِلأبو. عَلَشان الأبو أكبَر مِنّي.

يُوحَنَّا 14:6

يَسُوع قال ليهو: ”أنا هو الطَّرِيق و الحَق و الحَياة. ما في واحِد يَجي لِلأبو إلّا بي.

يُوحَنَّا 16:28

أنا جيت مِن عِند الأبو، و دَخَلتَ الدُّنيا. و أنا كَمان بَسيب الدُّنيا و بَمشي لِلأبو.“

يُوحَنَّا 17:11

أنا ما بَكون في الدُّنيا بَعَد دا، لَكِن هُم في الدُّنيا. و أنا جاي ليك. يا أبوي القُدّوس، أحفَظُم في إسمَك، الأدّيتُم لَي، عَشان يَكونو واحِد زي ما نِحنا واحِد.

يُوحَنَّا 17:25

يا الأبو البار، ناس الدُّنيا ما عِرفوك، لَكِن أنا عِرِفتَك. و ديل عِرفو إنتَ رَسَّلتَني.

يُوحَنَّا 17:5

و هَسَّع دي، يا أبوي، مَجِّدني بِنَفسَك، بِالمَجد الكان عِندي مَعاك قُبّال بِدايَة الدُّنيا.

يُوحَنَّا 20:27

بَعدين هو قال لِتُومَا: ”خُت أصبَعَك هِنا، و شوف إيديني، و مِد إيدَك، و خُتّا في جَنبي. و ما تَكون بِدون إيمان، لَكِن آمِن.“

يُوحَنَّا 7:33

و يَسُوع قال ليهُم: ”أنا مَعاكُم مُدَّه قِصَيرَه، و بَعدين أمشي ليهو الرَّسَّلني.

رُومِيَه 8:29

عَشان ديل الإختارُم الله مِن قُبّال، هو عَيَّنُم كَمان عَشان يَبقو زي إبنو، عَلَشان إبنو يَكون الأوَّل بين أخوان كَتيرين.

٢ كُورِنْثُوس 6:18

و بَكون ليكُم أبو، و إنتو بِتكونو لَي أولاد و بَنات، يَقول الرَّب القادِر عَلى كُلّو شي.“

غَلَاطِيَّه 3:26

عَشان كُلُّكُم أولاد الله بِالإيمان بِالمَسيح يَسُوع.

عِبرانيين 11:16

لَكِن هَسَّع هُم بِدورو وَطَن أحسَن، يَعني الفي السَّما. و عَلَشان كِدا، الله ما يَكون خَجلان لَمّا هُم يَسَمّوهو إلَهُم، عَشان هو جَهَّز ليهُم مَدينَه.

عِبرانيين 8:10

أهو دا الإتِّفاق الأنا بَتَّفِق مَعَ أهل بيت إِسْرَائِيل بَعَد الأيام ديلاك، يَقول الرَّب. أنا بَخُت قَوانيني في عُقولُم، و بَكتِبا عَلى قُلوبُم. و بَكون ليهُم الله، و هُم بِكونو لَي شَعب.

١ بُطْرُس 1:3

مُبارَك الله أبو رَبَّنا يَسُوع المَسيح! حَسَب رَحمَتو الكَتيرَه هو أدّانا وِلادَه تانيَه لِرَجاء حَي بِقيامَة يَسُوع المَسيح مِن بين المَيِّتين.

١ يُوحَنَّا 3:2

يا مَحبوبين، هَسَّع نِحنا أولاد الله. و لِسَّع ما ظَهَر نِحنا بِنكون شِنو. و لَكِن بِنَعرِف إذا هو ظَهَر، بِنكون زيهو، عَشان بِنشوفو زي ما هو.

رؤيا 21:3

و سِمِعتَ صوت عالي مِن الكُرسي يَقول: ”شوف! مَسكَن الله مَعَ النّاس، و هو بِسكُن مَعاهُم. و هُم بِكونو شَعب ليهو، و الله نَفسو بِكون مَعاهُم، و بِكون إلَه ليهُم.

رؤيا 21:7

الزّول البِغلِب، هو يورَث الحاجات دي، و أنا بَكون ليهو إلَه و هو بِكون لَي وَلَد.