يُوحَنَّا 20:1 - كِتاب العَهد الجَّديد مِن الكِتاب المُقَدَّس

¹ و في أوَّل يوم الأسبوع، مَرْيَم المَجْدَلِيَّه جات لِلقَبُر بَدري، و الدُّنيا لِسَّع ضُلُمَّه. و شافَت الحَجَر مَرفوع عَن القَبُر.

يُوحَنَّا 20:1 Iomraidhean Croise

مَتَّى 27:56

و بِينُم مَرْيَم المَجْدَلِيَّه، و مَرْيَم أُم يَعْقُوب و يُوسِي، و أُم أولاد زَبَدي.

مَتَّى 27:60

و خَتّاهو في قَبرو الجَّديد الهو قَطَع في الحَجَر. و لَزَّ حَجَر كَبير عَلى خَشم القَبر، و مَشى.

مَتَّى 27:64

عَشان كِدا، آمُر أن يَحرَسو القَبر لِغايَة تالِت يوم، عَشان تَلاميذو ما يَمشو و يَسرِقو جِسمو، و يَقولو لِلنّاس، هو قام مِن بين المَيِّتين، و الغِش الآخِر بِكون أكعَب مِن الأوَّل.“

مَتَّى 27:66

عَلى كِدا، مَشو و حَرَسو القَبر تَمام. و خَتّو الخِتِم عَلى الحَجَر و خَتّو الحُرّاس هِناك.

مَتَّى 28:1

و بَعَد السَّبِت، بَدري في الصَّباح في اليوم الأوَّل مِن الأسبوع، مَرْيَم المَجْدَلِيَّه و مَرْيَم التّانيَه مَشو يَشوفو القَبر.

مَتَّى 28:2

و شوف! كانَت في زَلزَلَه كَبيرَه. عَلَشان مَلاك الرَّب نَزَل مِن السَّما، و جا و لَزَّ الحَجَر مِن خَشم القَبر، و قَعَد فوقو.

مَرْقُس 15:46

و يُوسِف إشتَرى قُماش تيل، و نَزَّل جِسم يَسُوع، و لَفّاهو بِالتّيل، و خَتّاهو في قَبر مَقطوع مِن حَجَر. و دَردَق حَجَر كَبير عَلى دُخول القَبر.

مَرْقُس 16:9

و بَعَد ما يَسُوع قام بَدري في أوَّل يوم مِن الأسبوع، ظَهَر في الأوَّل لِمَرْيَم المَجْدَلِيَّه. و قُبّال دا، يَسُوع كان مَرَّق مِنَّها سَبعَه شياطين.

يُوحَنَّا 11:38

و مَرَّه تانيَه يَسُوع إضطَرَب بِحُزن في روحو، و جا لِلقَبر. و كانَت مَغارَه، و حَجَر كان مَختوت عَليها.

يُوحَنَّا 11:41

و رَفَعو الحَجَر، و يَسُوع رَفَع عُيونو لِلسَّما و قال: ”يا أبوي، أشكُرَك عَشان سِمِعتَ لَي.

يُوحَنَّا 19:25

و أُم يَسُوع، و أُخُت أُمّو، مَرْيَم مَرَة كُلوبا، و مَرْيَم المَجْدَلِيَّه وَقَفو قَريب لِصَليب يَسُوع.

يُوحَنَّا 20:26

و بَعَد تَمانيَة أيام، التَّلاميذ كانو في البيت تاني مَرَّه، و تُومَا كان مَعاهُم. و الأبواب كانَت مَقفولَه. لَكِن يَسُوع جا و وَقَف في وَسِطُم و قال: ”سَلام ليكُم.“

أعمال الرُّسُل 20:7

و في أوَّل الأسبوع، إتلَمّينا سَوا عَشان نَكَسِّر العيش. و بُولُس إتكَلَّم مَعاهُم، و هو داير يَمشي في اليوم التّاني. و إستَمَر في الكَلام لِنُص اللّيل.

١ كُورِنْثُوس 16:2

في اليوم الأوَّل مِن كُلّو أُسبوع، خَلّي كُلّو واحِد مِنَّكُم يَخُت عِندو و يَحفَظو زي ما رِبِح، عَشان لَمّا بَجي ما لازِم تَكون في لَمَّه.

رؤيا 1:10

و كُنتَ في الرّوح في يوم الرَّب، و سِمِعتَ وَراي صوت عالي زي صوت بوق.