يُوحَنَّا 2:4 - كِتاب العَهد الجَّديد مِن الكِتاب المُقَدَّس

⁴ يَسُوع قال ليها: ”مالِك و مالي، يا سِت؟ ساعتي لِسَّع ما جات.“

يُوحَنَّا 2:4 Iomraidhean Croise

مَتَّى 15:28

بَعدين يَسُوع رَدَّ عَليها و قال: ”يا سِت، إيمانِك عَظيم. خَليهو بِكون ليكي زي ما إنتي عاوزَه.“ و بِتّا بِقَت تَمام مِن السّاعَه ديك.

مَتَّى 8:29

و شوف! كورَكو و قالو: ”إنتَ عاوِز شِنو مَعانا، يا إبن الله؟ جيت هِنا عَشان تَتَعِّبنا قُبّال الوَكِت؟“

لُوقَا 2:49

و قال ليهُم: ”كُنتو بِتفَتِّشو عَلي لِشِنو؟ ما كُنتو بِتَعرِفو أنا لازِم أكون في بيت أبوي؟“

يُوحَنَّا 12:23

لَكِن يَسُوع قال ليهُم: ”السّاعَه جات عَشان إبن الإنسان يِتمَجَّد.

يُوحَنَّا 13:1

قُبّال عيد الفِصَح، لَمّا يَسُوع عِرِف ساعتو جات عَشان يَسيب الدُّنيا دي، و يَمشي لِلأبو، هو حَبَّ النّاس بِتاعو الكانو في الدُّنيا، و حَبّاهُم لِلآخِر.

يُوحَنَّا 2:3

و لَمّا الخَمر كان خَلاص، أُم يَسُوع قالَت ليهو: ”ما عِندَهُم خَمر.“

يُوحَنَّا 20:13

و قالو ليها: ”يا سِت، لِشِنو بِتَبكي؟“ قالَت ليهُم: ”اَخَدو سَيِّدي، و ما عارفَه خَتّوهو وين.“

يُوحَنَّا 20:15

يَسُوع قال ليها: ”يا سِت، مالِك بِتَبكي؟ إنتي دايِرَه مِنو؟“ و هي إفتَكَرَت هو كان الجِّنايني. و قالَت ليهو: ”يا سَيِّد، إذا إنتَ شِلتو، قول لَي وين خَتّيتو، و أنا بَشيلو.“

يُوحَنَّا 7:30

عَشان كِدا، هُم جَرَّبو يَقبُضو عَليهو، لَكِن ما في زول قِدِر يَخُت إيدو عَليهو، عَشان ساعتو لِسَّع ما جات.

يُوحَنَّا 7:6

يَسُوع قال ليهُم: ”وَكتي لِسَّع ما جا، لَكِن الوَكِت بِتاعكُم دايماً حاضِر.

يُوحَنَّا 7:8

أمشو إنتو لِلعيد. أنا ما ماشي لِلعيد دا، عَشان وَكتي لِسَّع ما جا بِالتَّمام.“

يُوحَنَّا 8:20

يَسُوع قال ليهُم الكَلام دا جَمب الخَزنَه، لَمّا كان بِعَلِّم في الهيكَل. و ما في واحِد قَبَضو، عَشان وَكتو لِسَّع ما كان جا.

٢ كُورِنْثُوس 5:16

عَشان كِدا، مِن هَسَّع ما بِنَعرِف واحِد بِحَسَب الجِّسم. و إذا عِرِفنا المَسيح حَسَب الجِّسم، هَسَّع ما بِنَعرِفو كِدا.