يُوحَنَّا 2:24 - كِتاب العَهد الجَّديد مِن الكِتاب المُقَدَّس

²⁴ لَكِن يَسُوع ما سَلّم نَفسو ليهُم، عَشان هو كان بِيَعرِف كُل النّاس،

يُوحَنَّا 2:24 Iomraidhean Croise

مَتَّى 9:4

لَكِن يَسُوع عِرِف أفكارُم و قال: ”لِشِنو تِتفَكَّرو فِكر بَطّال في قُلوبكُم؟

مَرْقُس 2:8

و طَوّالي يَسُوع، و هو عِرِف في روحو إنَّهُم فَكَّرو كِدا في نُفوسُم، قال ليهُم: ”لِشِنو تَفَكِّرو كِدا في قُلوبكُم؟

يُوحَنَّا 1:42

و جابو لِيَسُوع. و يَسُوع عايَن ليهو و قال: ”إنتَ سِمْعَان وَلَد يُوحَنَّا. إنتَ إسمَك صَفا،“ يَعني بُطْرُس.

يُوحَنَّا 16:30

هَسَّع دي بِنَعرِف إنتَ بِتَعرِف كُلّو شي. و ما تَحتاج لِزول يَسألَك. عَشان كِدا بِنآمِن إنتَ جيت مِن الله.“

يُوحَنَّا 21:17

يَسُوع قال ليهو مَرَّه تالتَه: ”يا سِمْعَان إبن يُوحَنَّا، إنتَ بِتحِبّني؟“ و بُطْرُس كان حَزنان عَشان يَسُوع قال ليهو تالِت مَرَّه: ”إنتَ بِتحِبّني؟“ و قال ليهو: ”يا رَب، إنتَ بِتَعرِف كُلّو حاجَه. إنتَ بِتَعرِف أنا بَحِبَّك.“ و يَسُوع قال ليهو: ”أحرِس خِرفاني.

يُوحَنَّا 4:16

يَسُوع قال ليها: ”أمشي و نادي راجلِك، و تَعالي هِنا.“

يُوحَنَّا 5:42

لَكِن أنا عِرِفتَ إنتو ما عِندَكُم مَحَبَّة الله في قُلوبكُم.

يُوحَنَّا 6:15

لَكِن يَسُوع، عَلَشان عِرِف إنَّهُم دايرين يَجو يَمسِكوهو و يَعمِلوهو مَلِك، رَجَع تاني لِلجَّبَل بَراهو.

يُوحَنَّا 6:64

لَكِن بَعض مِنَّكُم ما بِآمِنو أبَداً.“ عَشان هو عِرِف مِن الأوَّل مِنو هُم البِآمِنو، و مِنو الماشي يَنكِرو.

أعمال الرُّسُل 1:24

و صَلّو و قالو: ”يا رَب البِعرِف قُلوب النّاس كُلّو، وَرّينا ياتو مِن الإتنين ديل الأنتَ إختِرتو

أعمال الرُّسُل 15:8

و الله البِعرِف القُلوب، شِهِد ليهُم لَمَّن أدّاهُم الرّوح القُدُس زي ما أدّانا كَمان.

عِبرانيين 4:13

ما في أي حاجَه مَدسوسَه مِن الله، لَكِن كُلّو حاجَه عَريانَه و مَفتوحَه قِدّام عُيون الله. و نِحنا لازِم نَدّيهو حِساب.

رؤيا 2:23

و بَكتُل أولادا بِالموت. و كُل الكَنايس بِيَعرِفو أنا هو البَمتَحِن الأفكار و القُلوب، و بَدفَع لِكُلّو واحِد مِنَّكُم حَسَب أعمالو.