يُوحَنَّا 19:6 - كِتاب العَهد الجَّديد مِن الكِتاب المُقَدَّس

⁶ و لَمّا القُسُس الكُبار و الخَدّامين شافوهو، كورَكو، و قالو: ”أصلُبو، أصلُبو!“ بِيلاطُس قال ليهُم: ”أُخدوهو إنتو، و أصلُبوهو، عَشان أنا ما لِقيت ذَنب فيهو.“

يُوحَنَّا 19:6 Iomraidhean Croise

مَتَّى 26:58

و لَكِن بُطْرُس تِبعو مِن بَعيد، لِغايَة حوش رَئيس القُسُس. و دَخَل جُوَّه و قَعَد بين الحُرّاس عَشان يَشوف الآخِر.

مَتَّى 27:22

بِيلاطُس قال ليهُم: ”عَلى كِدا، بَعمِل شِنو بِيَسُوع اليَسَمّوهو المَسيح؟“ و كُلَّهُم قالو: ”أصلُبوهو.“

مَتَّى 27:24

و لَمّا بِيلاطُس شاف كَلامو ما عَمَل حاجَه، و لَكِن دَوشَه كانَت تَبتَدي، أخَد مويَه و غَسَّل إيدينو قِدّام الجَّمَع و قال: ”أنا ما مَسؤول مِن دَم الرّاجِل دا. شوفو إنتو بَراكُم.“

لُوقَا 23:4

و بِيلاطُس قال لِلقُسُس الكُبار و النّاس: ”أنا ما لِقيت ذَنب في الإنسان دا.“

يُوحَنَّا 18:3

عَلَشان كِدا، يَهُوذَا أخَد جَماعَه مِن العَساكِر، و خَدّامين مِن القُسُس الكُبار و الفَرّيسيّين. و هُم جو لِهِناك شايلين لَمبات و سِلاح.

يُوحَنَّا 18:31

بِيلاطُس قال ليهُم: ”شيلوهو إنتو، و أحكُمو عَليهو بِحَسَب القانون بِتاعكُم.“ و اليَهود قالو ليهو: ”ما عِندَنا سُلطَه نَكتُل زول.“

يُوحَنَّا 18:38

بِيلاطُس قال ليهو: ”الحَق شِنو؟“ و لَمّا قال كِدا، مَرَق تاني لِليَهود، و قال ليهُم: ”أنا ما لِقيت ذَنب فيهو.

يُوحَنَّا 19:15

لَكِن كورَكو: ”أُخدو! أُخدو و أصلُبو!“ بِيلاطُس قال ليهُم: ”أصلُب المَلِك بِتاعكُم؟“ القُسُس الكُبار رَدّو عَليهو و قالو: ”ما عِندَنا مَلِك إلّا قَيصَر!“

يُوحَنَّا 19:4

و بِيلاطُس مَرَق بَرَّه مَرَّه تانيَه، و قال ليهُم: ”شوفو، أنا بَطَلِّعو ليكُم بَرَّه عَشان تَعرِفو أنا ما لِقيت فيهو ذَنب واحِد.“

أعمال الرُّسُل 2:23

يَسُوع دا كان مُسَلَّم ليكُم بِتَرتيب الله الثّابِت و مَعرِفتو مِن قُبّال. و إنتو صَلَبتوهو و كَتَلتوهو بِإيدين النّاس البَطّالين.

أعمال الرُّسُل 7:52

ياتو نَبي مِن الأنبياء، أبَهاتكُم ما طَرَدوهو؟ و هُم كَتَلو النّاس الإتنَبّو مِن قُبّال بِالبار الجّاي. و هَسَّع إنتو نَكَرتوهو و كَتَلتوهو.