يُوحَنَّا 19:30 - كِتاب العَهد الجَّديد مِن الكِتاب المُقَدَّس

³⁰ و لَمّا يَسُوع أخَد الخَل، قال: ”بِالحَق كِمِل.“ و دَنقَر رَاسو و سَلّم الرّوح.

يُوحَنَّا 19:30 Iomraidhean Croise

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

مَتَّى 27:50

و يَسُوع كورَك تاني مَرَّه بِصوت عالي، و سَلّم روحو.

مَتَّى 3:15

لَكِن يَسُوع رَدَّ و قال ليهو: ”خَليهو يَكون كِدا هَسَّع، عَشان دا موافِق أن نَتِم كُلّو بِر.“ بَعَد دا هو أدّاهو إذِن.

مَرْقُس 15:37

و يَسُوع كورَك بِصوت عالي، و سَلّم روحو.

لُوقَا 22:37

عَشان أنا بَقول ليكُم: المَكتوب دا لازِم يَتِم فيني اليَقول: حَسَبوهو مَعَ الما يَحفَظو القانون. أيوَه، المَكتوب عَنّي بِتِم.“

لُوقَا 23:46

و يَسُوع كورَك بِصوت عالي و قال: ”يا أبوي، في إيدينَك أدّيت روحي.“ و لَمّا قال كِدا سَلّم روحو.

يُوحَنَّا 10:11

أنا هو الرّاعي الصّالِح. و الرّاعي الصّالِح يَدّي حَياتو فِشان الخِرفان.

يُوحَنَّا 10:18

ما في واحِد ياخُدا مِنّي، لَكِن أنا بَدّيها مِن نَفسي. عِندي سُلطَه لِأدِيها، و عِندي سُلطَه باخُدا كَمان. أنا قِبِلتَ الأمر دا مِن أبوي.“

يُوحَنَّا 17:4

أنا مَجَّدتَك عَلى الأرض، و أنا تَميت العَمَل الأدّيتو لَي عَشان أعمِلو.

يُوحَنَّا 19:28

بَعَد كِدا، يَسُوع شاف كُلّو شي كان خَلاص. و عَشان يَتِم المَكتوب في الكِتاب هو قال: ”أنا عَطشان.“

يُوحَنَّا 4:34

يَسُوع قال ليهُم: ”الأكل بِتاعي هو أن أعمِل إرادَة الرَّسَّلني، و أكَمِّل عَمَلو.

رُومِيَه 10:4

عَشان المَسيح نِهايَة القانون، عَلَشان يَكون في بِر لِكُلّو واحِد البِآمِن.

رُومِيَه 3:25

الله قَدَّم يَسُوع ضَبيحَه عَلَشان يَصالِحنا بِالإيمان بِدَمّو عَشان يَوَرّي بِرّو. في الزَّمَن الفات بِسَبَب صَبرو الطَّويل، هو مَرَّه بِخَطاياهم.

١ كُورِنْثُوس 5:7

أُخدو مِنَّكُم الخَميرَه القَديمَه عَلَشان تَكونو عَجين جَديد، زي ما إنتو بِالحَق عيش بِدون خَميرَه. عَشان المَسيح، الحَمَل بِتاع عيد الفِصَح، إنضَبَح فِشانّا.

فيلِبّي 2:8

و كان زي إنسان في المَنظَر، و خَتَّ نَفسو تِحِت، و طاع الله لِغايَة الموت، موت الصَّليب!

عِبرانيين 12:2

خَلّونا نَعاين لِيَسُوع، رَئيس الإيمان و البِكَمِّلو. هو فِشان الفَرَح المَختوت قِدّامو، إتحَمَّل الصَّليب و إحتَقَر الخَجَل، و قَنَّب عَن يَمين كُرسي الله.

عِبرانيين 9:22

و بِحَسَب القانون يَنَضِّفو كُل الحاجات تَقريباً بِالدَّم. و إذا ما يَكُبّو الدَّم، ما بِكون في غُفران.