يُوحَنَّا 19:23 - كِتاب العَهد الجَّديد مِن الكِتاب المُقَدَّس

²³ بَعدين العَساكِر، لَمّا كانو بِصلُبو يَسُوع، اَخَدو هِدومو. و قَسَموهو أربَعَة أقسام، لِكُلّو عَسكَري قِسِم. و اَخَدو القَميص كَمان. و القَميص كان بِدون خياطَه، مَعمول حِتَّه واحدَه مِن فوق لِتِحِت.

يُوحَنَّا 19:23 Iomraidhean Croise

مَتَّى 27:35

و بَعَد ما صَلَبوهو، قَسَمو هِدومو بِينُم بِالقُرَع.

مَرْقُس 15:24

و صَلَبوهو، و قَسَمو هِدومو بِينُم و رَمو القُرَع عَليهو، عَشان يَشوفو كُلّو واحِد ياخُد شِنو.

لُوقَا 23:34

و يَسُوع قال: ”يا أبوي، أغفِر ليهُم، عَشان هُم ما عارِفين شِنو العَمَلوهو.“ و وَكِت هُم قَسَمو هِدومو، رَمو عَليهو القُرعَه.

أعمال الرُّسُل 12:4

و بَعَد ما قَبَض عَليهو، خَتّاهو في السِّجِن، و سَلَّمو لِأربَعَه أقسام مِن العَساكِر عَشان يَحرِسوهو. و هِيرُودُس كان عاوِز يَجيبو لِلنّاس بَعَد عيد الفِصَح.