يُوحَنَّا 19:11 - كِتاب العَهد الجَّديد مِن الكِتاب المُقَدَّس

¹¹ يَسُوع رَدَّ عَليهو و قال: ”إنتَ ما عِندَك سُلطَه عَلي أبَداً إذا ما كان ليك سُلطَه مِن فوق. عَشان كِدا، الواحِد السَّلَّمني ليك، عِندو خَطيَّه أكبَر.“

يُوحَنَّا 19:11 Iomraidhean Croise

مَتَّى 26:65

بَعدين رَئيس القُسُس شَرَّط هِدومو و قال: ”هو قال كَلام بَطّال عَلى الرَّب. نِحنا عاوِزين شُهود تانيين لِشِنو؟ شوفو! إنتو سِمِعتو كَلامو البَطّال عَلى الرَّب.

مَتَّى 27:2

و رَبَطوهو و ساقوهو و سَلَّموهو لِبِيلاطُس المُدير.

مَتَّى 6:13

و ما تَدَخِّلنا في تَجرِبَه، و لَكِن خَلِّصنا مِن الشَّرّير.

مَرْقُس 14:44

و المُسَلِّم كان أدّاهُم عَلامَه، و قال: ”الأنا بَسَلِّم عَليهو شَديد بِبوسَه، هو هو. أمسِكوهو و قودوهو بِحُرّاس.“

لُوقَا 22:53

وَكِت ما أنا كُنتَ مَعاكُم كُلّو يوم في الهيكَل، ما قَبَضتو عَلي. لَكِن دي ساعَتكُم و قُوَّة الضُّلُمَّه.“

يُوحَنَّا 18:13

و جابوهو في الأوَّل لِحَنَّان، عَشان هو كان نَسيب قَيَافَا الكان رَئيس القُسُس في السَّنَه ديك.

يُوحَنَّا 18:3

عَلَشان كِدا، يَهُوذَا أخَد جَماعَه مِن العَساكِر، و خَدّامين مِن القُسُس الكُبار و الفَرّيسيّين. و هُم جو لِهِناك شايلين لَمبات و سِلاح.

يُوحَنَّا 19:10

و بِيلاطُس قال ليهو: ”إنتَ ما داير تَرُد عَلي؟ إنتَ ما عارِف عِندي سُلطَه عَشان أفِكَّك؟ و سُلطَه عَشان أصلُبَك؟“

يُوحَنَّا 3:27

يُوحَنَّا رَدَّ و قال ليهُم: ”ما في إنسان ياخُد حاجَه، إذا الله ما أدّاها ليهو مِن السَّما.

يُوحَنَّا 7:30

عَشان كِدا، هُم جَرَّبو يَقبُضو عَليهو، لَكِن ما في زول قِدِر يَخُت إيدو عَليهو، عَشان ساعتو لِسَّع ما جات.

يُوحَنَّا 9:41

يَسُوع قال ليهُم: ”إذا كُنتو عَميانين، ما كانَت عِندَكُم خَطيَّه. لَكِن هَسَّع بِتقولو: نِحنا بِنشوف. خَطِيَّتكُم قاعدَه.

أعمال الرُّسُل 2:23

يَسُوع دا كان مُسَلَّم ليكُم بِتَرتيب الله الثّابِت و مَعرِفتو مِن قُبّال. و إنتو صَلَبتوهو و كَتَلتوهو بِإيدين النّاس البَطّالين.

أعمال الرُّسُل 3:13

عَشان إله إِبْرَاهِيم و إِسْحَاق و يَعْقُوب، إله أبَهاتنا مَجَّد إبنو يَسُوع. إنتو سَلَّمتوهو و نَكَرتوهو قِدّام بِيلاطُس لَمّا هو كان داير يَفِكّو.

أعمال الرُّسُل 4:28

عَشان يَعمِلو كُل القُدرَتَك و إرادَتَك جَهَّزو مِن قُبّال عَلَشان يَحصَل.

رُومِيَه 11:36

عَشان كُل الحاجات، مِنّو، و بيهو، و ليهو. ليهو المَجد لِلأبَد! آمين.

رُومِيَه 13:1

خَلّي كُلّو واحِد يَطيع السَّلاطين البِحكُمو، عَلَشان ما في سُلطَه، إلّا مِن الله. عَشان الله ثَبَّت السَّلاطين المَوجودين.

يَعْقُوب 1:17

كُلّو هَدِيَّه طَيبَه، و كُلّو هَدِيَّه كاملَه، هي مِن فوق، و نازلَه مِن أبو الأنوار الما فيهو فَرَق ولّا ضُل مِن تَغيير.

يَعْقُوب 4:17

البِيَعرِف يَعمِل الخير و ما بيَعمِلو، داك خَطيَّه ليهو.