يُوحَنَّا 18:37 - كِتاب العَهد الجَّديد مِن الكِتاب المُقَدَّس

³⁷ و بِيلاطُس قال ليهو: ”عَلى كِدا إنتَ مَلِك؟“ يَسُوع قال ليهو: ”إنتَ بِتقول أنا مَلِك. عَشان كِدا أنا إتوَلَدتَ، و عَشان كِدا أنا جيت لِلدُّنيا، عَشان أشهَد لِلحَق. كُلّو واحِد اليَحِب الحَق يَسمَع صوتي.“

يُوحَنَّا 18:37 Iomraidhean Croise

مَتَّى 26:64

يَسُوع قال ليهو: ”إنتَ قُلتَ. و كَمان، أقول ليكُم، بَعدين بِتشوفو إبن الإنسان قاعِد عَن يَمين القُدرَه، و جاي عَلى سَحاب السَّما.“

مَتَّى 27:11

و يَسُوع قام قِدّام المُدير. و المُدير سَألو و قال: ”إنتَ مَلِك اليَهود؟“ و يَسُوع قال: ”إنتَ تَقول.“

مَرْقُس 14:62

و يَسُوع قال: ”أنا هو. و إنتو بِتشوفو إبن الإنسان قاعِد عَن يَمين القُدرَه و جاي في سَحاب السَّما.“

مَرْقُس 15:2

و بِيلاطُس سَألو و قال: ”إنتَ مَلِك اليَهود؟“ و رَدَّ عَليهو و قال: ”إنتَ تَقول.“

لُوقَا 22:70

و كُلُّهُم قالو: ”إنتَ إبن الله؟“ و قال ليهُم: ”إنتو بِتقولو أنا هو.“

لُوقَا 23:3

و بِيلاطُس سَألو و قال: ”إنتَ مَلِك اليَهود؟“ و هو رَدَّ عَليهو: ”إنتَ بِتقول.“

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

يُوحَنَّا 1:17

عَشان الله أدّا القانون بِمُوسَى، لَكِن النِّعمَه و الحَق جو بِيَسُوع المَسيح.

يُوحَنَّا 14:6

يَسُوع قال ليهو: ”أنا هو الطَّرِيق و الحَق و الحَياة. ما في واحِد يَجي لِلأبو إلّا بي.

يُوحَنَّا 3:32

و هو يَشهَد بِالشّافو و السِّمِعو. و ما في زول بِقبَل شَهادَتو.

يُوحَنَّا 7:17

إذا واحِد رَضيان يَعمِل إرادَة الله، هو ماشي يَعرِف التَّعليم دا، إذا هو مِن الله، ولّا أنا بَتكَلَّم بيهو مِن نَفسي.

يُوحَنَّا 8:14

يَسُوع رَدَّ و قال ليهُم: ”حَتّى إذا كان أنا أشهَد لِنَفسي، شَهادَتي حَق، عَشان أنا عارِف مِن وين أنا جيت، و لِوين أنا ماشي. لَكِن إنتو ما عارفين مِن وين أنا جاي، ولّا لِوين أنا ماشي.

يُوحَنَّا 8:45

لَكِن عَلَشان أنا بَقول الحَق، إنتو ما بِتآمِنو بي.

يُوحَنَّا 8:46

مِنو مِنَّكُم يَوَبِّخني عَلى خَطيَّه؟ و عَلَشان أقول الحَق، لِشِنو إنتو ما بِتآمِنو بي؟

يُوحَنَّا 8:47

هو المِن الله يَسمَع كَلام الله. عَشان كِدا، إنتو ما بِتَسمَعو، عَشان إنتو ما مِن الله.“

١ تِيمُوثَاوُس 6:13

أنا بَدّيك أمر قِدّام الله البِدّي حَياة لِلكُل، و قِدّام المَسيح يَسُوع الشِّهِد قِدّام بِيلاطُس البُنْطي الشَّهادَه الكوَيسَه.

١ بُطْرُس 1:22

هَسَّع عَشان نَضَّفتو نُفوسكُم بِطاعَة الحَق لِمَحَبَّه مُخلِصَه لِلأخوان، حِبّو بَعضَكُم بَعض مَحَبَّه حارَّه مِن كُلّو قُلوبكُم.

١ يُوحَنَّا 2:21

ما بَكتِب ليكُم عَشان ما بِتَعرِفو الحَق، لَكِن عَشان بِتَعرِفوهو، و عَشان تَعرِفو كُلّو كِضِب ما مِن الحَق.

١ يُوحَنَّا 3:14

بِنَعرِف نِحنا مَرَقنا مِن الموت لِلحَياة، بِسَبَب مَحَبَّتنا لِلأخوان. الما بِحِب أخوهو يِستَنّى في الموت.

١ يُوحَنَّا 3:19

بِدا بِنَعرِف نِحنا مِن الحَق و نأكِّد قُلوبنا قِدّامو.

١ يُوحَنَّا 4:6

نِحنا مِن الله. و البِعرِف الله يَسمَع لينا، و الما مِن الله ما بِسمَع لينا. بِدا بِنَعرِف روح الحَق و روح الكِضِب.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.

رؤيا 1:4

مِن يُوحَنَّا لِلسَّبعَه كَنايس الفي آسيا: النِّعمَه ليكُم و السَّلام مِنّو المَوجود و الكان مَوجود و الماشي يَجي، و مِن السَّبعَه أرواح الفي قِدّام كُرسيهو.

رؤيا 3:14

و أكتِب كَمان لِمَلاك الكَنيسَه الفي لاوُدِكِيَّةَ: ديل الحاجات البِقولو الآمين، الشّاهِد الأمين الحَقيقي، بِدايَة خَليقَة الله.