يُوحَنَّا 18:32 - كِتاب العَهد الجَّديد مِن الكِتاب المُقَدَّس

³² عَشان يَتِم كَلام يَسُوع، القالو عَشان يَوَرّي بيهو ياتو موت كان ماشي يَموت.

يُوحَنَّا 18:32 Iomraidhean Croise

مَتَّى 20:19

و يَسَلِّموهو لِناس الدُّنيا عَشان يَضحَكو عَليهو، و يَجلِدوهو، و يَصلُبوهو. و هو بِقوم في اليوم التّالِت.“

مَتَّى 26:2

”إنتو عارفين عيد الفِصَح يَكون بَعَد يومين، و بِسَلِّمو إبن الإنسان عَشان يَصلُبوهو.“

مَرْقُس 10:33

و قال: ”شوفو، نِحنا نَطلَع لِأُورُشَلِيم. و بِسَلِّمو إبن الإنسان لِلقُسُس الكُبار و مُعَلِّمين القانون. و بِحكُمو عَليهو بِالموت، و بِسَلِّموهو لِلأُمَم.

يُوحَنَّا 10:31

اليَهود رَفَعو حُجار كَمان عَشان يَكتُلوهو بيها.

يُوحَنَّا 10:33

اليَهود رَدّو و قالو ليهو: ”نِحنا ما بِنَضرُبَك بِحُجار عَشان عَمَل طَيب، لَكِن عَشان التَجديف، عَشان إنتَ إنسان بِتَعمِل نَفسَك تَكون الله.“

يُوحَنَّا 13:18

أنا ما بَتكَلَّم عَن كُلَّكُم. أنا عارِف النّاس الإختَرتُم. لَكِن دا عَشان يَتِم المَكتوب في الكِتاب: البياكُل مَعاي العيش، رَفَع عَلي كُراعو.

يُوحَنَّا 18:31

بِيلاطُس قال ليهُم: ”شيلوهو إنتو، و أحكُمو عَليهو بِحَسَب القانون بِتاعكُم.“ و اليَهود قالو ليهو: ”ما عِندَنا سُلطَه نَكتُل زول.“

يُوحَنَّا 21:19

يَسُوع قال كِدا عَشان يَوَرّي ياتو موت كان ماشي بِمَجِّد بيهو الله. و بَعَد كِدا، قال ليهو: ”أتبَعني.“

يُوحَنَّا 3:14

و زي ما مُوسَى رَفَع الدَّبيب في الخَلا، كَمان لازِم يَرفَعو إبن الإنسان.

يُوحَنَّا 8:28

و يَسُوع قال ليهُم: ”لَمّا تَرفَعو إبن الإنسان، في الوَكِت دا بِتَعرِفو إنّي أنا هو، و أنا ما بَعمِل حاجَه بِنَفسي. لَكِن زي ما عَلَّمني أبوي، أنا بَقول الحاجات دي.

أعمال الرُّسُل 7:59

و وَكِت ما كانو بِرمو اسْتِفَانُوس بِحُجار، هو كان بِصَلّي و يَقول: ”يا رَب يَسُوع، أقبَل روحي.“

غَلَاطِيَّه 3:13

المَسيح فَدانا مِن لَعنَة القانون، عَلَشان هو بِقى لَعنَه فِشانّا. عَلَشان مَكتوب: ”مَلعون كُلّو واحِد إتعَلَّق عَلى شَجَرَه.“