يُوحَنَّا 17:24 - كِتاب العَهد الجَّديد مِن الكِتاب المُقَدَّس

²⁴ يا أبوي، أنا عاوِز ديل الأدّيتُم لَي يَكونو مَعاي في المَحَل الأنا بَكون فيهو. أنا عاوِزُم يَشوفو المَجد بِتاعي الأنتَ أدّيتو لَي، عَشان إنتَ حَبّيتني قُبّال خَليقَة الدُّنيا.

يُوحَنَّا 17:24 Iomraidhean Croise

مَتَّى 25:21

و سيدو قال ليهو: عَمَلتَ كوَيس، يا الخَدّام الطَّيب الأمين. كُنتَ أمين في القَليل. كِدا بَعمِلَك مَسؤول عَلى الكَتير. أدخُل لِفَرَح سيدَك.

مَتَّى 25:23

و سيدو قال ليهو: عَمَلتَ كوَيس، يا الخَدّام الطَّيب الأمين. كُنتَ أمين في القَليل. كِدا بَعمِلَك مَسؤول عَلى الكَتير. أدخُل لِفَرَح سيدَك.

مَتَّى 25:34

بَعدين المَلِك بِقول لِلنّاس الفي يَمينو: تَعالو، يا مُبارَكين مِن أبوي. أُخُد المَلَكوت المَجَهَّز ليكُم مِن بِدايَة الدُّنيا.

مَتَّى 26:29

و أقول ليكُم، مِن هَسَّع أنا ما بَشرَب تاني مِن مويَة العِنَب دي، لِغايَة اليوم داك الأنا بَشرَبا مَعاكُم جَديد في مَلَكوت أبوي.“

لُوقَا 12:37

مُبارَكين الخَدّامين ديل إذا سيدُم يَجي و يَلقاهُم حارِسين. بِالحَق أقول ليكُم، هو بِربُط حِزامو، و يَقَعِدُم في الطَّرَبيزَه و يَقَدِّم ليهُم أكِل.

لُوقَا 23:43

و قال ليهو: ”بِالحَق أقول ليك، النَّهار دا بِتكون مَعاي في جَنَّه.“

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

يُوحَنَّا 12:26

إن كان واحِد يَخدِمني، لازِم يَتبَعني. و المَحَل الأنا أكون فيهو، هِناك يَكون خَدّامي كَمان. و إذا كان واحِد يَخدِمني، الأبو بِحتَرِمو.

يُوحَنَّا 14:3

و لَمّا أمشي و أجَهِّز ليكُم مَكان، بَجي تاني و باخُدكُم لِنَفسي. و المَحَل الأنا بَكون فيهو، إنتو تَكونو فيهو كَمان.

يُوحَنَّا 15:9

زي ما الأبو حَبّاني، أنا كَمان حَبّيتكُم. أسكُنو في مَحَبَّتي.

يُوحَنَّا 17:2

عَشان إنتَ أدّيت ليهو سُلطَه عَلى كُلّو زول، عَشان يَدّي الحَياة الأبَديَّه لِكُل الأدّيتُم ليهو.

يُوحَنَّا 17:22

و أنا أدّيتُم المَجد الأنتَ أدّيتو لَي، عَشان يَكونو واحِد زي ما نِحنا واحِد.

يُوحَنَّا 17:5

و هَسَّع دي، يا أبوي، مَجِّدني بِنَفسَك، بِالمَجد الكان عِندي مَعاك قُبّال بِدايَة الدُّنيا.

يُوحَنَّا 6:37

كُل الأبو يَدّيني، يَجي لَي. و البِجي لَي، ما بَطرُدو بَرَّه أبَداً.

يُوحَنَّا 6:39

و دي إرادَة الرَّسَّلني، إنّو كُل الأدّاني، ما أوَدِّر مِنّو شي، لَكِن بَقَوِّمو في اليوم الأخير.

يُوحَنَّا 8:58

يَسُوع قال ليهُم: ”الحَق الحَق أقول ليكُم، قُبّال ما إِبْرَاهِيم كان في، أنا مَوجود.“

١ كُورِنْثُوس 13:12

عَشان نِحنا بِنشوف هَسَّع في مِرايا في الضُّلُمَّه، لَكِن في الوَكِت داك وَش لِوَش. هَسَّع بَعرِف بَعض المَعرِفَه، لَكِن في الوَكِت داك بَعرِف بِالتَّمام زي ما هُم عِرفوني بِالتَّمام.

٢ كُورِنْثُوس 3:18

و نِحنا كُلُّنا بِوَش بِدون غَطا، بِنشوف مَجد الرَّب، زي في المِرايا. و نِتغَيَر لِصورَتو مِن مَجد لِمَجد. و المَجد دا هو عَمَل مِن الرَّب الرّوح.

٢ كُورِنْثُوس 4:6

عَشان الله قال: ”خَلّي نور يَنَوِّر مِن الضُّلُمَّه.“ و هو نَوَّر في قُلوبنا نور مَعرِفَة مَجد الله في وَش يَسُوع المَسيح.

٢ كُورِنْثُوس 5:8

عَلَشان كِدا عِندَنا شَجاعَه كُلّو وَكِت، و نَفتَكِر أحسَن نَسيب بيتنا في الجِّسم و نَمشي نَكون مَعَ الرَّب في بيتو.

فيلِبّي 1:23

أنا مَربوط بين الإتنين. أنا داير أمرُق و بَكون مَعَ المَسيح، عَشان دا أحسَن بِكَتير.

١ تَسَالُونِيكِي 4:17

بَعَد داك نِحنا الحَيين القاعِدين بياخُدونا مَعاهُم في السَّحاب عَشان نَقابِل الرَّب في الهَوا. و كِدا بِنكون مَعَ الرَّب دايماً.

١ بُطْرُس 1:21

إنتو البيهو بِتآمِنو بِالله القَوَّمو مِن بين المَيِّتين و أدّاهو المَجد، و عَشان كِدا إيمانكُم و رَجاكُم هُم في الله.

١ يُوحَنَّا 3:2

يا مَحبوبين، هَسَّع نِحنا أولاد الله. و لِسَّع ما ظَهَر نِحنا بِنكون شِنو. و لَكِن بِنَعرِف إذا هو ظَهَر، بِنكون زيهو، عَشان بِنشوفو زي ما هو.

رؤيا 21:22

و ما شُفتَ هيكَل فيها، عَشان الرَّب الله القادِر عَلى كُلّو شي و الحَمَل، هُم هَيكَله.

رؤيا 3:21

البِغلِب، أنا بَدّيهو أن يَقعُد مَعاي عَلى كُرسي، زي ما أنا غَلَبتَ كَمان و قَعَدتَ مَعَ أبوي عَلى كُرسيو.