يُوحَنَّا 17:23 - كِتاب العَهد الجَّديد مِن الكِتاب المُقَدَّس

²³ أنا فيهُم و إنتَ فِيني، عَشان يَكونو مَكَمَّلين لِواحِد. بِدا، خَلّي ناس الدُّنيا يَعرِفو إنتَ رَسَّلتَني، و حَبّيتُم زي ما حَبّيتني.

يُوحَنَّا 17:23 Iomraidhean Croise

يُوحَنَّا 10:38

لَكِن إن كُنتَ أنا بَعمِلا، و إنتو ما بِتآمِنو بي، آمِنو بِالأعمال، عَشان تَعرِفو و تَفهَمو الأبو فِيني و أنا في الأبو.“

يُوحَنَّا 13:35

بِكِدا، النّاس بِيَعرِفو إنتو تَلاميذي، إذا كان عِندَكُم مَحَبَّه بَعضَكُم بَعض.“

يُوحَنَّا 14:10

إنتَ ما بِتآمِن أنا في الأبو و الأبو فِيني؟ الكَلام الأنا بَقولو ليكُم، ما بَتكَلَّم بيهو مِن نَفسي. لَكِن الأبو القاعِد فِيني، هو بيَعمِل أعمالو.

يُوحَنَّا 14:23

يَسُوع رَدَّ عَليهو: ”إذا واحِد بِحِبّني، هو بِحفَظ كَلامي. و أبوي بِحِبّو. و نِحنا بِنَجي ليهو و نَعمِل بيتنا مَعاهو.

يُوحَنَّا 15:9

زي ما الأبو حَبّاني، أنا كَمان حَبّيتكُم. أسكُنو في مَحَبَّتي.

يُوحَنَّا 16:27

عَشان الأبو نَفسو بِحِبّكُم، عَشانكُم حَبّيتوني، و آمَنتو أنا جيت مِن الله.

يُوحَنَّا 17:11

أنا ما بَكون في الدُّنيا بَعَد دا، لَكِن هُم في الدُّنيا. و أنا جاي ليك. يا أبوي القُدّوس، أحفَظُم في إسمَك، الأدّيتُم لَي، عَشان يَكونو واحِد زي ما نِحنا واحِد.

يُوحَنَّا 17:21

أنا بَصَلّي عَشان كُلُّهُم بِكونو واحِد، زي ما إنتَ فِيني يا أبوي، و أنا فيك. و بَصَلّي كَمان عَشان هُم بِكونو فينا، فِشان ناس الدُّنيا بِآمِنو إنتَ رَسَّلتَني.

يُوحَنَّا 17:24

يا أبوي، أنا عاوِز ديل الأدّيتُم لَي يَكونو مَعاي في المَحَل الأنا بَكون فيهو. أنا عاوِزُم يَشوفو المَجد بِتاعي الأنتَ أدّيتو لَي، عَشان إنتَ حَبّيتني قُبّال خَليقَة الدُّنيا.

يُوحَنَّا 17:26

و أنا وَرّيت ليهُم إسمَك، و أنا بَوَرّيهُم. و أنا بَسَوّي دا عَشان المَحَبَّه الأنتَ حَبّيتني بيهو بِكون فيهُم، و أنا أكون فيهُم.“

يُوحَنَّا 17:3

و دي هي الحَياة الأبَديَّه، أن يَعرِفوك إنتَ الإلَه الحَقيقي وَحدَك، و يَسُوع المَسيح الرَسَّلتو.

يُوحَنَّا 17:8

عَشان الكَلام الأنتَ أدّيتو لَي، أنا أدّيتو ليهُم. و هُم قِبِلو و عِرِفو تَمام أنا جيت مِنَّك، و آمَنو إنتَ رَسَّلتَني.

يُوحَنَّا 3:17

عَشان الله ما رَسَّل إبنو لِلدُّنيا عَشان يَدين الدُّنيا، لَكِن رَسَّلو عَشان يَخَلِّص الدُّنيا بيهو.

يُوحَنَّا 6:56

الياكُل جِسمي و يَشرَب دَمّي يَسكُن فِيني، و أنا فيهو.

١ كُورِنْثُوس 1:30

لَكِن إنتو عِندَكُم مِن الله حَياة في المَسيح. و هو بِقى لينا حِكمَه مِن الله، و بِر، و قَداسَه، و فِداء.

٢ كُورِنْثُوس 5:21

المَسيح ما عَمَل الخَطيَّه، لَكِن الله خَتَّ خَطايانا عَليهو. و عَلَشان كِدا نِحنا نَبقى بارين قِدّام الله في المَسيح.

غَلَاطِيَّه 3:28

و كِدا، ما في يَهودي ولّا إغريقي. ما في عَبد ولّا حُر. ما في راجِل ولّا مَرَه. عَشان كُلُّكُم واحِد في المَسيح يَسُوع.

فيلِبّي 3:15

كُلُّنا الكامِلين، خَلّينا نَفتَكِر كِدا. و إذا عِندَكُم فِكر تاني في أي شي، الله يَوَرّيكُم داك كَمان.

كُولُوسِّي 1:28

و نِحنا نَبَشِّر بيهو، و نَحَذِّر كُلّو زول و نَعَلِّم كُلّو زول بِكُلّو حِكمَه. و نَسَوّي دا عَلَشان نَقَدِّم كُلّو زول كامِل في المَسيح.

كُولُوسِّي 2:2

أنا بَعمِل دا عَلَشان قُلوبُم يِتعَزّو و بِكونو واحِد في المَحَبَّه، و بِكونو عِندَهُم كُلّو غِنى بِتاع تأكيد الفَهم. و عَلَشان كِدا يَعرِفو سِر الله، و هو المَسيح.

كُولُوسِّي 3:14

و فوق دا كُلّو، لَبِّسو المَحَبَّه، الهي رُباط الكَمال.

١ بُطْرُس 5:10

و إلَه كُلّو نِعمَه ناداكُم لِمَجدو الأبَدي في المَسيح. و بَعَد ما إتوَجَّعتو وَكِت قَليل، هو نَفسو بِكَمِّلكُم و بِثَبِّتكُم، و بِشَدِّدكُم و بِيَعمِلكُم أُمَنا.

١ يُوحَنَّا 1:3

و نَخَبِّركُم بِالشُّفناهو و سِمِعناهو، عَلَشان تَكون ليكُم كَمان شَرِكَه مَعانا. و شَرِكَتنا هي مَعَ الأبو و مَعَ إبنو يَسُوع المَسيح.

١ يُوحَنَّا 3:1

شوفو نوع المَحَبَّه الأدّانا الأبو لِغايَة ما يَسَمّونا أولاد الله. و نِحنا كِدا. عَلَشان كِدا، الدُّنيا ما بِتَعرِفنا عَشان الدُّنيا ما عِرفَتو.

١ يُوحَنَّا 4:19

نِحنا بِنحِب، عَشان هو حَبّانا في الأوَّل.

رؤيا 3:9

شوف، في بَعض مِن النّاس مِن مَجمَع الشّيطان، البِقولو هُم يَهود، و هُم مُش يَهود، لَكِن يَكَضِّبو. شوف، أنا بَعمِلُم يَجو و يَركَعو عِند كِرعينَك، و هُم بِيَعرِفو أنا حَبّيتَك.