يُوحَنَّا 17:1 - كِتاب العَهد الجَّديد مِن الكِتاب المُقَدَّس

¹ و لَمّا يَسُوع إتكَلَّم الكَلام دا، رَفَع عُيونو لِلسَّما و قال: ”يا أبوي، السّاعَه جات. مَجِّد إبنَك عَشان إبنَك يَمَجِّدَك كَمان.

يُوحَنَّا 17:1 Iomraidhean Croise

مَرْقُس 14:41

و رَجَع تالِت مَرَّه، و قال ليهُم: ”إنتو لِسَّع نايمين و تِستَريحو؟ كِفايَه، السّاعَه جات. يَسَلِّمو إبن الإنسان لِإيدين الخاطيين.

لُوقَا 18:13

و لَكِن البِلِم الضَّريبَه وَقَف مِن بَعيد، و ما كان داير يَرفَع عُيونو لِلسَّما، و ضَرَب صَدرو و قال: يا الله، أرحَمني. أنا الخاطي.

لُوقَا 22:53

وَكِت ما أنا كُنتَ مَعاكُم كُلّو يوم في الهيكَل، ما قَبَضتو عَلي. لَكِن دي ساعَتكُم و قُوَّة الضُّلُمَّه.“

يُوحَنَّا 11:4

و لَمّا يَسُوع سِمِع، هو قال: ”العَيى دي مُش لِلموت، لَكِن عَشان مَجد الله، عَشان إبن الله يِتمَجَّد بيهو.“

يُوحَنَّا 11:41

و رَفَعو الحَجَر، و يَسُوع رَفَع عُيونو لِلسَّما و قال: ”يا أبوي، أشكُرَك عَشان سِمِعتَ لَي.

يُوحَنَّا 12:23

لَكِن يَسُوع قال ليهُم: ”السّاعَه جات عَشان إبن الإنسان يِتمَجَّد.

يُوحَنَّا 13:1

قُبّال عيد الفِصَح، لَمّا يَسُوع عِرِف ساعتو جات عَشان يَسيب الدُّنيا دي، و يَمشي لِلأبو، هو حَبَّ النّاس بِتاعو الكانو في الدُّنيا، و حَبّاهُم لِلآخِر.

يُوحَنَّا 16:32

ساعَه بِتَجي، و السّاعَه دي هَسَّع، فيها كُلّو واحِد بِتفَرَّق لِبيتو. و يَخَلّوني بَراي، لَكِن أنا ما بَراي، عَشان الأبو مَعاي.

يُوحَنَّا 7:30

عَشان كِدا، هُم جَرَّبو يَقبُضو عَليهو، لَكِن ما في زول قِدِر يَخُت إيدو عَليهو، عَشان ساعتو لِسَّع ما جات.

يُوحَنَّا 7:39

و هو قال دا عَن الرّوح، لِديل الآمَنو بيهو و الماشين يَقبَلوهو. عَشان الرّوح لِسَّع ما جا، عَشان يَسُوع لِسَّع ما كان إتمَجَّد.

يُوحَنَّا 8:20

يَسُوع قال ليهُم الكَلام دا جَمب الخَزنَه، لَمّا كان بِعَلِّم في الهيكَل. و ما في واحِد قَبَضو، عَشان وَكتو لِسَّع ما كان جا.

أعمال الرُّسُل 3:13

عَشان إله إِبْرَاهِيم و إِسْحَاق و يَعْقُوب، إله أبَهاتنا مَجَّد إبنو يَسُوع. إنتو سَلَّمتوهو و نَكَرتوهو قِدّام بِيلاطُس لَمّا هو كان داير يَفِكّو.

١ بُطْرُس 1:21

إنتو البيهو بِتآمِنو بِالله القَوَّمو مِن بين المَيِّتين و أدّاهو المَجد، و عَشان كِدا إيمانكُم و رَجاكُم هُم في الله.