يُوحَنَّا 16:33 - كِتاب العَهد الجَّديد مِن الكِتاب المُقَدَّس

³³ كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

يُوحَنَّا 16:33 Iomraidhean Croise

مَتَّى 9:2

و شوف! جابو ليهو زول مَفلوج، و هو راقِد في بِرِش. و لَمّا يَسُوع شاف إيمانُم، قال لِلمَفلوج: ”شِد حيلَك، يا وَلَدي، خَطاياك مَغفورَه ليك.“

لُوقَا 19:38

و قالو: ”مُبارَك المَلِك الجّاي بِإسم الرَّب. سَلام في السَّما و مَجد في المَحَل العالي.“

لُوقَا 2:14

”المَجد لِلَّه في السَّما، و عَلى الأرض السَّلام بين النّاس الهو مَبسوط مِنَّهُم.“

يُوحَنَّا 12:31

هَسَّع، دينونَة الدُّنيا دي. هَسَّع بِرمو رَئيس الدُّنيا بَرَّه.

يُوحَنَّا 14:1

ما تَضطَرِبو في قُلوبكُم. إنتو بِتآمِنو بِالله، آمِنو بي.

يُوحَنَّا 14:27

أنا بَخَلّي سَلام مَعاكُم. بَدّيكُم سَلامي. أنا ما بَدّيكُم زي ما الدُّنيا بِتَدّي. ما تَضطَرِبو في قُلوبكُم، و ما تَخافو.

يُوحَنَّا 16:11

و عَلى الدّينونَه عَشان رَئيس الدُّنيا دي كان مَحكوم عَليهو.

أعمال الرُّسُل 14:22

يَساعِدو نُفوس التَّلاميذ و يَشَجِّعوهُم أن يَكونو ثابِتين في الإيمان، و يَقولو: ”لازِم نَصبُر عَلى أتعاب كَتيرَه عَشان نَدخُل مَلَكوت الله.“

أعمال الرُّسُل 23:11

و في اللّيل البَعدو، الرَّب وَقَف جَمبو و قال ليهو: ”شِد حيلَك، زي ما شِهِدتَ لَي في أُورُشَلِيم، كِدا، لازِم تَشهَد في رُومِيَه كَمان.“

أعمال الرُّسُل 27:22

و هَسَّع بَطلُب مِنَّكُم تَشِدّو حيلكُم، عَلَشان ما بِتكون خَسارَة زول واحِد مِنَّكُم إلّا المُركَب.

أعمال الرُّسُل 27:25

و كِدا، شِدّو حيلكُم، يا رُجال، عَشان أنا بآمِن بِالله إنّو بِكون زي ما هو قال لَي.

أعمال الرُّسُل 9:31

و كِدا، ناس الكَنيسَه في كُل اليَهُودِيَّه و الجَّليل و السَّامِرَه كان عِندَهُم سَلام و بِقو شُداد. و كانو يَخافو الرَّب، و عِندَهُم تَعزيَه في الرّوح القُدُس، و كانو يَزيدو في العَدَد.

٢ كُورِنْثُوس 1:3

مُبارَك الله أبو رَبَّنا يَسُوع المَسيح، أبو كُلّو رَحمَه و إلَه كُلّو تَعزيَه.

٢ كُورِنْثُوس 13:11

و في الأخير، يا أخوان، كونو مَبسوطين. كونو كامِلين، كونو شُجعان، فَكِّرو فِكرَه واحدَه، عيشو في السَّلام. و إلَه المَحَبَّه و السَّلام يَكون مَعاكُم.

٢ كُورِنْثُوس 2:14

لَكِن شُكراً لِلَّه عَشان هو دايماً بِقودنا في الغَلَبَه في المَسيح، و بِوَرّي بينَنا ريحَة مَعرِفتو في كُلّو مَحَل.

٢ كُورِنْثُوس 4:7

لَكِن عِندَنا الكَنز دا في بُرمَه مَعمولَه مِن طين، عَلَشان يَوَرّي القُوَّه العَظيمَه جِدّاً دي مِن الله، مُش مِنَّنا.

٢ كُورِنْثُوس 6:4

لَكِن في كُلّو شي نَبيين نُفوسنا زي خَدّامين الله: في صَبر كَتير، في أتعاب، في إحتِياجات، في ضيقات.

٢ كُورِنْثُوس 7:4

أنا مِتَّكِل عَليكُم كَتير، و عِندي فَخر عَظيم فيكُم. أنا مَليان تَعزيَه. و فَرَحي يَزيد كَتير خَلاص في كُلّو أتعابنا.

غَلَاطِيَّه 1:4

هو أدّا نَفسو فِشان خَطايانا، عَشان يَفدينا مِن الزَّمَن الحاضِر البَطّال، بِحَسَب إرادَة إلَهنا و أبونا.

غَلَاطِيَّه 6:14

خَليهو يَكون بَعيد مِنّي أن أفخُر بِحاجَه، إلّا بِصَليب رَبَّنا يَسُوع المَسيح البيهو الدُّنيا إنصَلَب لَي، و أنا لِلدُّنيا.

فيلِبّي 4:7

و سَلام الله، الفوق كُلّو فَهم، بِحفَظ قُلوبكُم و أفكاركُم في المَسيح يَسُوع.

كُولُوسِّي 1:20

و يَصالِح بيهو كُل الحاجات لِنَفسو، إذا حاجات عَلى الأرض ولّا في السَّما. عَلَشان كِدا الله عَمَل السَّلام بِدَم صَليبو.

١ تَسَالُونِيكِي 3:4

عَشان لَمّا كُنّا مَعاكُم، قُلنا ليكُم مِن قُبّال هُم ماشين يَطرُدونا. و حَصَل كِدا زي ما تَعرِفو.

١ تَسَالُونِيكِي 3:7

عَلَشان كِدا، عِندَنا راحَه في قُلوبنا، يا أخوان، في خُصوصكُم، في كُلّو ضيقنا و تَعبنا بِسَبَب إيمانكُم.

٢ تَسَالُونِيكِي 3:16

و رَب السَّلام نَفسو يَدّيكُم السَّلام كُلّو وَكِت و بِكُلّو طَرِيقَه. الرَّب يَكون مَعَ كُلُّكُم.

٢ تِيمُوثَاوُس 3:12

و بِالحَق بِطرُدو كُل العاوزين يَعِيشو في خوف الله في المَسيح يَسُوع.

عِبرانيين 11:25

هو إختار يَكون مَظلوم مَعَ شَعب الله بَدَل أن يَكون مَبسوط لِوَكِت بِسُرور الخَطيَّه.

عِبرانيين 7:2

و إِبْرَاهِيم أدّا ليهو العُشُر مِن كُلّو حاجَه. و مَعنى إسمو في الأوَّل: ”مَلِك البِر،“ و بَعدين كَمان: ”مَلِك ساليم،“ يَعني: ”مَلِك السَّلام.“

١ بُطْرُس 5:9

قاوموهو، كونو ثابِتين في الإيمان، عارِفين أخوانكُم الفي الدُّنيا يِتحَمَّلَو زات الأتعاب دي.

١ يُوحَنَّا 2:13

أكتِب ليكُم، يا أبَهات، عَشانكُم تَعرِفو هو الكان مِن البِدايَه. أكتِب ليكُم، يا شَباب، عَشانكُم غَلَبتو الشَرِّير. كَتَبتَ ليكُم، يا أولاد، عَشانكُم تَعرِفو الأبو.

١ يُوحَنَّا 4:4

إنتو مِن الله، يا أولاد، و غَلَبتوهُم. عَشان هو الفيكُم أكبَر مِن الفي الدُّنيا.

١ يُوحَنَّا 5:4

عَشان كُلُّ واحِد مَولود مِن الله يَغلِب الدُّنيا. و دي هي الغَلَبَه التَّغلِب الدُّنيا، أيمانّا.

رؤيا 12:11

و هُم غَلَبوهو بِدَم الحَمَل و بِكِلمَة شَهادَتُم. و ما حَبّو حَياتُم كَتير و ما أبو يَموتو.

رؤيا 3:21

البِغلِب، أنا بَدّيهو أن يَقعُد مَعاي عَلى كُرسي، زي ما أنا غَلَبتَ كَمان و قَعَدتَ مَعَ أبوي عَلى كُرسيو.

رؤيا 7:14

و قُلتَ: ”إنتَ بِتَعرِف، يا سيدي.“ و هو قال لَي: ”ديل هُم الجّو مِن الضّيق الكَبير، و غَسَّلو تيبانُم و عَمَلوها بيضَة في دَم الحَمَل.