يُوحَنَّا 16:32 - كِتاب العَهد الجَّديد مِن الكِتاب المُقَدَّس

³² ساعَه بِتَجي، و السّاعَه دي هَسَّع، فيها كُلّو واحِد بِتفَرَّق لِبيتو. و يَخَلّوني بَراي، لَكِن أنا ما بَراي، عَشان الأبو مَعاي.

يُوحَنَّا 16:32 Iomraidhean Croise

مَتَّى 26:31

بَعدين يَسُوع قال ليهُم: ”كُلُّكُم بِتَقَعو اللّيلَه دي عَشانّي. عَشان مَكتوب: أنا بَضرُب الرّاعي، و خِرفان المُراح يِتشَتَّتو.

مَتَّى 26:56

و لَكِن كُلّو دا حَصَل عَشان بِتَكمَل كُتُب الأنبياء.“ بَعدين كُل التَّلاميذ خَلّوهو و هَرَبو.

مَرْقُس 14:27

و يَسُوع قال ليهُم: ”كُلَّكُم ماشين تَرَجِّعو عَنّي، عَشان مَكتوب: أنا بَضرُب الرّاعي، و الخِرفان بِتفَرتَكو.

مَرْقُس 14:50

و كُلَّهُم خَلّوهو، و هَرَبو.

يُوحَنَّا 12:23

لَكِن يَسُوع قال ليهُم: ”السّاعَه جات عَشان إبن الإنسان يِتمَجَّد.

يُوحَنَّا 16:2

هُم بِطرُدوكُم مِن بُيوت الرَّب. لَكِن ساعَه بِتَجي، فيها أي واحِد البِكتُلكُم يَفتَكِر هو بِخدِم الله.

يُوحَنَّا 16:25

أنا قُلتَ دا ليكُم هَسَّع بِأمثال. لَكِن ساعَه بِتَجي لَمّا ما بَكَلِّمكُم بِأمثال بَعَد دا. في الوَكِت دا بَكَلِّمكُم عَن الأبو بِدون سِر.

يُوحَنَّا 16:31

يَسُوع قال ليهُم: ”هَسَّع إنتو بِتآمِنو؟

يُوحَنَّا 19:27

و قال لِلتِّلميذ: ”شوف أُمَّك.“ و مِن السّاعَه ديك، التِّلميذ دا أخَد أُمّو لِبيتو.

يُوحَنَّا 20:10

بَعَد كِدا، التِّلميذين رَجَعو لِبُيوتُم.

يُوحَنَّا 4:21

يَسُوع قال ليها: ”يا سِت، صَدِقيني، تَجي السّاعَه، الما في الجَّبَل دا ولّا في أُورُشَلِيم يَعبُدو الأبو.

يُوحَنَّا 4:23

لَكِن السّاعَه تَجي و هي هَسَّع، لَمّا العابِدين بِالحَق يَعبُدو الأبو بِالرّوح و الحَق. عَشان الأبو بِطلُب زي ديل عَشان يَعبُدوهو.

يُوحَنَّا 5:25

الحَق الحَق أقول ليكُم، السّاعَه بِتَجي، و هي هَسَّع، لَمّا المَيِّتين بِسمَعو صوت إبن الله، و البِسمَعو يَعِيشو.

يُوحَنَّا 5:28

ما تِستَغرَبو مِن دا، عَشان ساعَه بِتَجي لَمّا كُل النّاس الفي القُبور بِيَسمَعو صوتو،

يُوحَنَّا 8:16

حَتّى إذا حَكَمتَ، الحُكم بِتاعي صَحيح، عَشان أنا ما أحكُم بَراي، لَكِن أنا و الأبو الرَّسَّلني.

يُوحَنَّا 8:29

و الرَّسَّلني، هو مَعاي. هو ما بِخَلّيني بَراي، عَشان أنا دايماً بَعمِل الحاجات الهو بِكون مَبسوط مِنَّها.“

أعمال الرُّسُل 21:6

و بَعَد ما قُلنا مَعَ السَّلامَه بَعَضَنا لِبَعض، رِكِبنا المُركَب، و لَكِن هُم رَجَعو لِبُيوتُم.

أعمال الرُّسُل 8:1

و شَاوُل كان رَضيان بِكَتَلو. و حَصَل في اليوم داك تَعب كَتير عَلى الكَنيسَه الفي أُورُشَلِيم. و كُلُّهُم إلّا الرُّسُل إتشَتَّتو في بِلاد اليَهُودِيَّه و السَّامِرَه.