يُوحَنَّا 16:26 - كِتاب العَهد الجَّديد مِن الكِتاب المُقَدَّس

²⁶ و في اليوم داك، إنتو بِتَطلُبو بِإسمي. و ما بَقول ليكُم أنا بَسأل الأبو فِشانكُم.

يُوحَنَّا 16:26 Iomraidhean Croise

يُوحَنَّا 14:16

و أنا أطلُب مِن الأبو عَشان يَدّيكُم مُساعِد تاني، عَشان يَكون مَعاكُم لِلأبَد، يَعني روح الحَق.

يُوحَنَّا 14:20

في اليوم داك، إنتو ماشين تَعرِفو أنا في الأبو، و إنتو فِيني، و أنا فيكُم.

يُوحَنَّا 16:19

يَسُوع عِرِف هُم عاوزين يَسألوهو. و عَشان كِدا قال ليهُم: ”إنتو بِتَسألو بينكُم عَن دا؟ عَشان أنا قُلتَ: بَعَد شوَيَه ما بِتشوفوني، و بَعَد شوَيَه كَمان بِتشوفوني؟

يُوحَنَّا 16:23

و في اليوم داك، ما بِتَسألوني أي شي. الحَق الحَق أقول ليكُم، كُل البِتَطلُبوهو مِن الأبو بِإسمي، بِدّيهو ليكُم.

يُوحَنَّا 16:30

هَسَّع دي بِنَعرِف إنتَ بِتَعرِف كُلّو شي. و ما تَحتاج لِزول يَسألَك. عَشان كِدا بِنآمِن إنتَ جيت مِن الله.“

يُوحَنَّا 17:19

و أنا بَقَدِّس نَفسي عَشانُم، فِشان هُم يَكونو مُقَدَّسين في الحَق كَمان.

يُوحَنَّا 17:24

يا أبوي، أنا عاوِز ديل الأدّيتُم لَي يَكونو مَعاي في المَحَل الأنا بَكون فيهو. أنا عاوِزُم يَشوفو المَجد بِتاعي الأنتَ أدّيتو لَي، عَشان إنتَ حَبّيتني قُبّال خَليقَة الدُّنيا.

يُوحَنَّا 17:9

أنا بَصَلّي فِشانُم. و أنا ما بَصَلّي فِشان خاطِر الدُّنيا. لَكِن بَصَلّي فِشان ديل الأدّيتُم لَي مِن الدُّنيا، عَشان هُم ليك.

رُومِيَه 8:34

مِنو البِحكُم عَليهُم؟ المَسيح يَسُوع يَطلُب فِشانّا، و هو المات، لَكِن بِالأكتَر قام مِن بين المَيِّتين، و هو عَن يَمين الله.