يُوحَنَّا 15:5 - كِتاب العَهد الجَّديد مِن الكِتاب المُقَدَّس

⁵ أنا شَجَرَة العِنَب و إنتو الفُروع. البِسكُن فِيني، و أنا فيهو، هو البِجيب ثِمار كَتير. عَشان إنتو بِدوني ما تَقدَرو تَعمِلو حاجَه.

يُوحَنَّا 15:5 Iomraidhean Croise

مَتَّى 13:21

لَكِن ما ليهو عِرق في نَفسو، لَكِن يِستَنّى مُدَّه قَليلَه. و لَمّا التَّعب ولّا المُصيبَه حَصَلَت عَشان الكِلمَه، طَوّالي بِقَع.

يُوحَنَّا 12:24

الحَق الحَق أقول ليكُم، إلّا تيراب الدُّرَه يَقَع في الأرض و يَموت، يَبقى بَراهو. لَكِن إذا مات، يَجيب ثِمار كَتير.

يُوحَنَّا 15:16

إنتو ما إختِرتوني، لَكِن أنا إختِرتَكُم و عَيَّنتَكُم عَشان تَمشو و تَجِيبو ثِمار، و ثَمَركُم بِستَمِر. عَشان الأبو بِدّيكُم كُل البِتَطلُبوهو بِإسمي.

يُوحَنَّا 5:19

و يَسُوع قال ليهُم: ”الحَق الحَق أقول ليكُم، الإبن ما بِقدَر يَعمِل حاجَه مِن نَفسو، لَكِن بَس الهو بِشوف الأبو بيَعمِل. عَشان أي شي الأبو بيَعمِل، الإبن بيَعمِلو كَمان.

يُوحَنَّا 9:33

إذا الرّاجِل دا ما كان مِن الله، ما كان قِدِر يَعمِل شي.“

أعمال الرُّسُل 4:12

و ما في خَلاص بِأي واحِد تاني. عَشان في كُل الدُّنيا الله ما أدّا لِلنّاس إسِم تاني البيهو لازِم نَلقى الخَلاص.“

رُومِيَه 12:5

كِدا كَمان نِحنا الكَتيرين جِسِم واحِد في المَسيح، و أعضاء بَعَضَنا لِبَعض، كُلّو واحِد لِلتاني.

رُومِيَه 6:22

لَكِن هَسَّع بِقيتو حُرّين مِن الخَطيَّه، و بِقيتو خَدّامين لِلَّه. و عِندَكُم فايدَه في القَداسَه، و النِّهايَه، حَياة أبَديَّه.

رُومِيَه 7:4

كِدا يا أخوان، إنتو كَمان مُتّو لِلقانون بِجِسِم المَسيح عَلَشان تَبقو لِتاني، ليهو القام مِن بين المَيِّتين، فِشان نَجيب ثِمار لِلَّه.

١ كُورِنْثُوس 10:16

كُبّايَة البَرَكَه البيها نَبارِك، ما هي شَرِكَة دَم المَسيح؟ العيش النَّكَسِّرو، ما هو شَرِكَة جِسِم المَسيح؟

١ كُورِنْثُوس 12:12

عَشان زي ما الجِّسِم هو واحِد و عِندو أعضاء كَتيرَه، و كُلّو أعضاء الجِّسِم كَتيرَه، لَكِن لِسَّع جِسِم واحِد، كِدا المَسيح زي داك كَمان.

١ كُورِنْثُوس 12:27

و إنتو جِسِم المَسيح، و كُلّو واحِد مِنَّكُم بَراهو أعضاءو.

٢ كُورِنْثُوس 13:8

عَشان نِحنا ما نَقدَر نَعمِل حاجَه ضِد الحَق، لَكِن فِشان الحَق.

٢ كُورِنْثُوس 9:10

و البِقَدِّم تيراب لِلمُزارِع و عيش لِلأكِل، هو بِقَدِّم و بِكَتِّر تيرابكُم و بِزيد ثِمار بِرَّكُم.

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

أفَسُس 5:9

عَلَشان ثِمار الرّوح هو في كُلّو حاجَه طَيبَه و في بِر و في حَق.

فيلِبّي 1:11

مَليانين مِن ثِمار البِر البِجي بِيَسُوع المَسيح لِمَجد الله و حَمدو.

فيلِبّي 4:13

أنا بَقدَر أعمِل كُلّو شي في المَسيح البِشَدِّدني.

فيلِبّي 4:17

أنا ما بَطلُب الهَديَه، لَكِن بَطلُب الثَّمار اليَزيد لِحِسابكُم.

كُولُوسِّي 1:10

و نَصَلّي لِدا، عَلَشان تَعيشو زي ما يِستَحِق لِلرَّب، و في كُلّو حاجَه تَفَرِّحوهو، و تَجِيبو ثِمار في كُلّو عَمَل كوَيس، و تَكبَرو في مَعرِفَة الله.

كُولُوسِّي 1:6

الجّا ليكُم زي في كُل الدُّنيا كَمان. و الإنجيل دا بِجيب ثِمار و بِكبَر، زي ما كان بيَعمِل بينكُم مِن اليوم لَمّا إنتو سِمِعتو و عِرِفتو نِعمَة الله بِالحَق.

يَعْقُوب 1:17

كُلّو هَدِيَّه طَيبَه، و كُلّو هَدِيَّه كاملَه، هي مِن فوق، و نازلَه مِن أبو الأنوار الما فيهو فَرَق ولّا ضُل مِن تَغيير.

١ بُطْرُس 2:4

قَرِّبو ليهو، لِلحَجَر الحَي، المَرفوض مِن النّاس، و لَكِن المُختار مِن الله و مُحتِرَم ليهو.

٢ بُطْرُس 3:18

و لَكِن أكبَرو في النِّعمَه و في مَعرِفَة رَبَّنا و مُخَلِّصنا يَسُوع المَسيح. ليهو المَجد هَسَّع و لِلأبَد! آمين.