يُوحَنَّا 14:9 - كِتاب العَهد الجَّديد مِن الكِتاب المُقَدَّس

⁹ يَسُوع قال ليهو: ”أنا مَعاكُم مُدَّه طَويلَه زي دي، و لِغايَة هَسَّع ما تَعرِفني، يا فِيلُبُّس؟ الشّافني شاف أبوي. كيف إنتَ تَقول: وَرّينا الأبو؟

يُوحَنَّا 14:9 Iomraidhean Croise

مَرْقُس 9:19

و رَدَّ عَليهُم و قال: ”يا ناس الزَّمَن البِدون إيمان، بَكون مَعاكُم لِمِتين؟ بَصبُر عَليكُم لِمِتين؟ جيبوهو لَي.“

لُوقَا 12:56

يا مُنافِقين، إنتو تَقدَرو تَعرِفو كُلّو عَن الأرض و السَّما، و تَقولو شِنو البِحصَل، و كيف ما تَعرِفو مَعنى الزَّمَن دا؟

يُوحَنَّا 1:14

و الكِلمَه بِقى جِسم، و سَكَن في وَسِطنا. و شُفنا مَجدو زي مَجد الإبن الوَحيد مِن الأبو، مَليان بِنِعمَه و حَق.

يُوحَنَّا 10:30

أنا و الأبو واحِد.“

يُوحَنَّا 12:45

و البِشوفني بِشوف الرَّسَّلني.

يُوحَنَّا 14:20

في اليوم داك، إنتو ماشين تَعرِفو أنا في الأبو، و إنتو فِيني، و أنا فيكُم.

يُوحَنَّا 14:7

إذا إنتو عِرِفتوني، كُنتو عِرِفتو أبوي كَمان. و مِن هَسَّع تَعرِفوهو و شُفتوهو كَمان.“

يُوحَنَّا 8:19

و بَعدين قالو ليهو: ”وين أبوك؟“ يَسُوع قال ليهُم: ”إنتو ما بِتَعرِفوني، و ما بِتَعرِفو أبوي. إذا عِرِفتوني، كُنتو عِرِفتو أبوي كَمان.“

١ كُورِنْثُوس 15:12

و لَكِن إذا نَبَشِّر بِالمَسيح، إنّو قام مِن بين المَيِّتين، كيف بَعض مِنَّكُم يَقولو ما في قيامَة المَيِّتين؟

فيلِبّي 2:6

هو كان الله في نَفسو، و لَكِن ما إفتَكَر هو لازِم يِستَمِر يَمسِك سُلطتو يَكون واحِد مَعَ الله.

كُولُوسِّي 1:15

المَسيح صورَة الله، الما بِنشوفو بِعُيونّا، و بِكر كُل الخَليقَه.

عِبرانيين 1:3

و الإبن هو النّور بِتاع مَجد الله، و هو صورَة طَبيعَتو، و شايل كُل الحاجات بِكِلمَة قُدرَتو. و بَعَد ما هو عَمَل نَضافَه لِلخَطايا، هو قَعَد عَن يَمين الله العَظيم في السَّما.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.