يُوحَنَّا 14:27 - كِتاب العَهد الجَّديد مِن الكِتاب المُقَدَّس

²⁷ أنا بَخَلّي سَلام مَعاكُم. بَدّيكُم سَلامي. أنا ما بَدّيكُم زي ما الدُّنيا بِتَدّي. ما تَضطَرِبو في قُلوبكُم، و ما تَخافو.

يُوحَنَّا 14:27 Iomraidhean Croise

مَتَّى 10:26

كِدا، ما تَخافوهُم. ما في حاجَه مَقفولَه الما بِتكون مَفتوحَه، و لا مَدسوسَه الما بِتكون مَعروفَه.

لُوقَا 1:79

عَشان يَنَوِّر عَلى القَاعِدين في الضَّلام و في ضُل الموت، عَشان يَسوق كِرعينّا في طَريق السَّلام.“

لُوقَا 10:5

و أي بيت تَدخُلوهو، قولو في الأوَّل: سَلام لِلبيت دا.

لُوقَا 12:4

و أقول ليكُم، يا أصحابي، ما تَخافو مِن البِكتُلو الجِسم، و بَعَد كِدا ما عِندَهُم حاجَه زِيادَه يَقدَرو يَعمِلو.

لُوقَا 2:14

”المَجد لِلَّه في السَّما، و عَلى الأرض السَّلام بين النّاس الهو مَبسوط مِنَّهُم.“

يُوحَنَّا 14:1

ما تَضطَرِبو في قُلوبكُم. إنتو بِتآمِنو بِالله، آمِنو بي.

يُوحَنَّا 16:33

كَلَّمتَكُم كِدا عَشان يَكون ليهُم سَلام فِيني. في الدُّنيا يَكون عِندَكُم تَعب. و لَكِن شِدّو حيلكُم، أنا غَلَبتَ الدُّنيا.“

يُوحَنَّا 20:19

و كان المِسا في اليوم الأوَّل في الأُسبوع. و بِسَبَب الخوف مِن اليَهود، الأبواب كانَت مَقفولَه مَكان التَّلاميذ كانو مِتلَمين فيهو. و يَسُوع جا و وَقَف في الوَسِط، و قال ليهُم: ”سَلام ليكُم.“

يُوحَنَّا 20:21

و يَسُوع قال ليهُم مَرَّه تانيَه: ”سَلام ليكُم. زي ما الأبو رَسَّلني، أنا بَرَسِّلكُم.“

يُوحَنَّا 20:26

و بَعَد تَمانيَة أيام، التَّلاميذ كانو في البيت تاني مَرَّه، و تُومَا كان مَعاهُم. و الأبواب كانَت مَقفولَه. لَكِن يَسُوع جا و وَقَف في وَسِطُم و قال: ”سَلام ليكُم.“

أعمال الرُّسُل 10:36

و دي الكِلمَه الله رَسَّلا لِناس إِسْرَائِيل، و بَشَّر بِالسَّلام بِيَسُوع المَسيح. و هو رَب الكُل.

أعمال الرُّسُل 18:9

و الرَّب قال لِبُولُس في الرّؤيَه في اللّيل: ”ما تَخاف، لَكِن إتكَلَّم و ما تَسكُت.

رُومِيَه 1:7

أنا بَكتِب لِكُلُّكُم الفي مَدينَة رُومِيَه. الله بِحِبّكُم و إختاركُم عَشان تَكونو قِدِّيسين. نِعمَه ليكُم و سَلام مِن الله أبونا و مِن الرَّب يَسُوع المَسيح.

رُومِيَه 15:13

و إلَه الرَّجاء يَملاكُم كُلّو فَرَح و سَلام في الإيمان، عَلَشان تَزيدو في الرَّجاء بِقوَّة الرّوح القُدُس.

رُومِيَه 5:1

هَسَّع عَلَشان إتبَرَّرنا بِالإيمان، عِندَنا سَلام مَعَ الله بِرَبَّنا يَسُوع المَسيح.

رُومِيَه 5:10

و وَكِت ما نِحنا كُنّا عُدوان الله، هو عَمَل سَلام مَعانا بِموت إبنو. و هَسَّع عَلَشان بِقينا مُصالِحين، كيف بِالأكتَر جِدّاً نِحنا بِنَخلَص بِحَياتو.

رُومِيَه 8:6

فِكر الجِّسِم هو موت، لَكِن فِكر الرّوح هو حَياة و سَلام.

١ كُورِنْثُوس 1:3

نِعمَه و سَلام ليكُم مِن الله أبونا و الرَّب يَسُوع المَسيح.

غَلَاطِيَّه 1:3

نِعمَه ليكُم و سَلام مِن الله الأبو و رَبَّنا يَسُوع المَسيح.

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

غَلَاطِيَّه 6:16

السَّلام و الرَّحمَه عَلى كُل النّاس البِمشو بِحَسَب القانون دا، و عَلى إِسْرَائِيل الله.

فيلِبّي 4:7

و سَلام الله، الفوق كُلّو فَهم، بِحفَظ قُلوبكُم و أفكاركُم في المَسيح يَسُوع.

كُولُوسِّي 1:2

لِلأخوان القِدِّسين، المؤمِنين في المَسيح في كُولُوسِّي. نِعمَه ليكُم و سَلام مِن الله أبونا و الرَّب يَسُوع المَسيح.

كُولُوسِّي 1:20

و يَصالِح بيهو كُل الحاجات لِنَفسو، إذا حاجات عَلى الأرض ولّا في السَّما. عَلَشان كِدا الله عَمَل السَّلام بِدَم صَليبو.

كُولُوسِّي 3:15

و خَلّو سَلام المَسيح يَملِك في قُلوبكُم، عَلَشان هو ناداكُم لِدا في جِسِم واحِد. و كونو شاكِرين.

٢ تَسَالُونِيكِي 1:2

نِعمَه ليكُم و سَلام مِن الله الأبو و الرَّب يَسُوع المَسيح.

٢ تَسَالُونِيكِي 3:16

و رَب السَّلام نَفسو يَدّيكُم السَّلام كُلّو وَكِت و بِكُلّو طَرِيقَه. الرَّب يَكون مَعَ كُلُّكُم.

٢ تِيمُوثَاوُس 1:7

عَشان الله ما أدّانا روح الخوف، لَكِن روح القُوَّه و المَحَبَّه و مَسِك النَّفس.

عِبرانيين 13:20

و إلَه السَّلام قَوَّم مِن بين المَيِّتين رَبَّنا يَسُوع، راعي الخِرفان، العَظيم، بِدَم الإتِّفاق الأبَدي.

عِبرانيين 7:2

و إِبْرَاهِيم أدّا ليهو العُشُر مِن كُلّو حاجَه. و مَعنى إسمو في الأوَّل: ”مَلِك البِر،“ و بَعدين كَمان: ”مَلِك ساليم،“ يَعني: ”مَلِك السَّلام.“

رؤيا 1:4

مِن يُوحَنَّا لِلسَّبعَه كَنايس الفي آسيا: النِّعمَه ليكُم و السَّلام مِنّو المَوجود و الكان مَوجود و الماشي يَجي، و مِن السَّبعَه أرواح الفي قِدّام كُرسيهو.

رؤيا 2:10

ما تَخاف مِن الحاجات الأنتَ ماشي تِتوَجَّع بيها. شوف، الشّيطان قَرَّب يَرمي بَعض مِنَّكُم في السِّجِن عَشان يِمتَحِنكُم. و بِكون عِندَكُم ضيق عَشَرَة أيام. كون أمين لِغايَة الموت، و أنا بَدّيك تاج الحَياة.

رؤيا 21:8

لَكِن الخَوافين و الما مؤمِنين و المَكروهين و الكاتِلين و الزّانيين و البيَعمِلو السِّحِر و البِيَعبُدو الأصنام و كُل الكَضّابين، مَحَلُّم بِكون في البِركَه المَوَلَّعَه بِالنّار و الكِبريت. و دا هو الموت التّاني.“