يُوحَنَّا 14:12 - كِتاب العَهد الجَّديد مِن الكِتاب المُقَدَّس

¹² الحَق الحَق أقول ليكُم، البِآمِن بي، الأعمال الأنا بَعمِلا، هو كَمان يَعمِلا. و يَعمِل أكبَر مِنَّها، عَشان أنا ماشي لِلأبو.

يُوحَنَّا 14:12 Iomraidhean Croise

مَتَّى 21:21

يَسُوع رَدَّ و قال ليهُم: ”أقول ليكُم الحَق، إذا عِندَكُم إيمان، و ما تَشِكّو في قُلوبكُم، إنتو ما بِتَعمِلو بَس الأنا عَمَلتو لِلشَّجَرَه، لَكِن إذا بِتقولو لِلجَّبَل دا: أمشي، أرمي نَفسَك في البَحَر، بِكون كِدا.

مَرْقُس 11:13

و شاف مِن بَعيد شَجَرَة تين، العِندَها وَرَق. و مَشى يَشوف إذا يِمكِن يَلقا فيها حاجَه. و لَمّا وِصِل ليها، ما لِقى حاجَه إلّا وَرَق، عَلَشان ما كان الوَكِت لِلتّين.

مَرْقُس 16:17

و العَلامات دي تَمشي مَعَ المِصَدِّقين. بِإسمي، يَمَرِّقو شياطين، و يِتكَلَّمو بِلُغات جَديدَه،

يُوحَنَّا 14:28

إنتو سِمِعتو إنّي قُلتَ ليكُم: أنا ماشي و بَجي ليكُم تاني. و إذا إنتو بِتحِبّوني، كُنتو تَفرَحو، عَشان أنا ماشي لِلأبو. عَلَشان الأبو أكبَر مِنّي.

يُوحَنَّا 16:7

لَكِن أقول ليكُم الحَق، أحسَن ليكُم أنا أمشي. عَشان إذا أنا ما مَشيت، المُساعِد ما بِجيكُم. لَكِن إذا مَشيت، بَرَسِّلو ليكُم.

يُوحَنَّا 4:37

عَشان كِدا، الكَلام البقول: واحِد يَزرَع، و تاني يَلِم، هو الحَق.

يُوحَنَّا 5:20

عَشان الأبو بِحِب الإبن، و يَوَرّيهو كُلّو شي الهو يَعمِلو. و ماشي يَوَرّيهو عَجايِب أكبَر مِن دي، عَشان إنتو تِستَغرَبو.

يُوحَنَّا 7:33

و يَسُوع قال ليهُم: ”أنا مَعاكُم مُدَّه قِصَيرَه، و بَعدين أمشي ليهو الرَّسَّلني.

يُوحَنَّا 7:39

و هو قال دا عَن الرّوح، لِديل الآمَنو بيهو و الماشين يَقبَلوهو. عَشان الرّوح لِسَّع ما جا، عَشان يَسُوع لِسَّع ما كان إتمَجَّد.

أعمال الرُّسُل 10:46

عَلَشان هُم كانو يَسمَعوهُم يِتكَلَّمو بِلُغات، و يَمَجِّدو الله.

أعمال الرُّسُل 16:18

و هي عَمَلَت كِدا أيام كَتيرَه، حَتّى بُولُس تِعِب كَتير مِن دا، و إتلَفَت و قال لِلرّوح: ”أنا آمُرَك بِإسم يَسُوع المَسيح، أمرُق مِنَّها.“ و مَرَق في الدَّقيقَه ديك.

أعمال الرُّسُل 19:12

حَتّى كانو ياخُدو لِلعَيّانين مَناديل و مَريَلات مِن جِسمو. و هُم بِقو طَيبين مِن أمراضُم، و الأرواح الشَّرّيرَه مَرَقو مِنَّهُم.

أعمال الرُّسُل 2:33

عَلَشان كِدا، هو كان مَرفوع بِيَمين الله، و أخَد مِن الأبو الرّوح القُدُس الوَعَد بيهو، و كَبَّ دا، الهَسَّع بِتشوفو و بِتسمَعوهو.

أعمال الرُّسُل 2:41

و القِبلو كَلامو إتعَمَّدو، و إتلَمّو عَليهُم في اليوم داك تَلاتَة آلاف نَفَر تَقريباً.

أعمال الرُّسُل 4:16

و قالو: ”بِنَعمِل شِنو بِالراجلين ديل؟ كُل القَاعِدين في أُورُشَلِيم بِيَعرِفو هُم عَمَلو عَلامَه مَعروفَه، و ما بِنَقدَر نَنكِرا.

أعمال الرُّسُل 4:33

و الرُّسُل كانو بِقُوَّه عَظيمَه بِشهَدو بِقيامَة الرَّب يَسُوع، و نِعمَه عَظيمَه كانَت عَلى كُلُّهُم.

أعمال الرُّسُل 4:4

و كَتيرين مِن النّاس السِّمِعو الكِلمَه، آمَنو، و عَدَد الرُّجال بِقى خَمسَة آلاف تَقريباً.

أعمال الرُّسُل 5:15

و النّاس كانو بِجيبو العَيّانين لِلسِّكَك، و بِخُتّوهُم عَلى عَناقريب و بُروش، عَلَشان إذا مُمكِن ضُل بُطْرُس يَقَع عَلى بَعض مِنَّهُم.

أعمال الرُّسُل 6:7

و كِلمَة الله كانَت تَكبَر، و نِمرَت التَّلاميذ بِقَت كَتيرَه جِدّاً في أُورُشَلِيم. و نِمرَه كَتيرَه مِن القُسُس كانو بِطيعُو الإيمان.

أعمال الرُّسُل 8:7

و أرواح نَجِسَه طَلَعو مِن ناس كُتار، و كورَكو كوراك شَديد. و كَتير مِن المَفلوجين و العُرُج لِقو العافيَه.

أعمال الرُّسُل 9:34

و بُطْرُس قال ليهو: ”يا إينياس، يَسُوع المَسيح يَشفيك. قوم، و فَرِّش عَنقَرِيبَك.“ و هو قام طَوّالي.

أعمال الرُّسُل 9:40

و بُطْرُس مَرَّق كُلُّهُم بَرَّه و رَكَع عَلى رُكبَتيهو و صَلّى. و بَعَد دا، إتلَفَت لِلجِّسِم و قال: ”يا طابيثا، قومي.“ و هي فَتَحَت عُيونا، و لَمّا شافَت بُطْرُس، قَعَدت.

رُومِيَه 15:19

بِقوَّة العَلامات و العَجايِب، بِقوَّة الرّوح القُدُس. كِدا بَشَّرتَ بِالتَّمام بِإنجيل المَسيح مِن أُورُشَلِيم و الحَواليها لِإِلِّيرِيكُون.