يُوحَنَّا 13:18 - كِتاب العَهد الجَّديد مِن الكِتاب المُقَدَّس

¹⁸ أنا ما بَتكَلَّم عَن كُلَّكُم. أنا عارِف النّاس الإختَرتُم. لَكِن دا عَشان يَتِم المَكتوب في الكِتاب: البياكُل مَعاي العيش، رَفَع عَلي كُراعو.

يُوحَنَّا 13:18 Iomraidhean Croise

مَتَّى 10:36

و عُدوان الإنسان بِكون أهل بيتو.

مَتَّى 26:21

و وَكِت ما كانو ياكلو، هو قال: ”أقول ليكُم الحَق. واحِد مِنَّكُم بِسَلِّمني.“

مَتَّى 26:23

و رَدَّ و قال ليهُم: ”الزّول الدَّخَل إيدو في الصَّحَن مَعاي، هو بِسَلِّمني.

مَرْقُس 14:17

و في المِسا، يَسُوع جا مَعَ الإتناشَر.

مَرْقُس 14:18

و وَكِت ما كانو قاعِدين ياكلو، يَسُوع قال: ”أقول ليكُم الحَق، واحِد مِنَّكُم بِسَلِّمني، و هو ياكُل مَعاي.“

مَرْقُس 14:20

قال ليهُم: ”هو واحِد مِن الإتناشَر، اليَدَخِّل إيدو مَعاي في الصَّحَن.

لُوقَا 22:21

لَكِن شوفو، البِسَلِّمني، إيدو مَعاي في الطَّرَبيزَه.

يُوحَنَّا 13:21

لَمّا يَسُوع قال كِدا، إضطَرَب بِالرّوح، و شِهِد و قال: ”الحَق أقول ليكُم، واحِد مِنَّكُم ماشي يِسِلِّمني.“

يُوحَنَّا 13:22

و التَّلاميذ كانو يَعاينو لِبَعض، عَشان ما عِرِفو هو بِكَلِّم عَن مِنو.

يُوحَنَّا 13:26

يَسُوع رَدَّ عَليهو و قال: ”الزّول البَدّيهو حِتَّت العيش لَمّا دَخَّلتو في المُلاح، دا هو.“ بَعدين يَسُوع دَخَّل العيش في المُلاح و أدّاهو لِيَهُوذَا إبن سِمْعَان الإِسْخَرْيُوطِي.

يُوحَنَّا 15:16

إنتو ما إختِرتوني، لَكِن أنا إختِرتَكُم و عَيَّنتَكُم عَشان تَمشو و تَجِيبو ثِمار، و ثَمَركُم بِستَمِر. عَشان الأبو بِدّيكُم كُل البِتَطلُبوهو بِإسمي.

يُوحَنَّا 15:19

إذا كُنتو مِن الدُّنيا، ناس الدُّنيا كانو بِحِبّوكُم. و إنتو مُش مِن الدُّنيا، لَكِن أنا إختِرتَكُم مِن الدُّنيا. عَلَشان كِدا، ناس الدُّنيا بِكرَهوكُم.

يُوحَنَّا 15:25

لَكِن عَشان تَتِم الكِلمَه المَكتوبَه في قانونُم: هُم كِرهوني بِدون سَبَب.

يُوحَنَّا 17:12

لَمّا كُنتَ مَعاهُم في الدُّنيا، كُنتَ أحفَظُم في إسمَك. الأدّيتُم لَي حَفَظتُم. و ما إتوَدَّر مِنَّهُم و لا واحِد، إلّا إبن الخَراب، عَشان يَتِم الكِتاب.

يُوحَنَّا 18:32

عَشان يَتِم كَلام يَسُوع، القالو عَشان يَوَرّي بيهو ياتو موت كان ماشي يَموت.

يُوحَنَّا 19:24

و قالو بَعضَهُم لِبَعض: ”ما نَشرُطو، لَكِن نَرمي قُرعَه و نَشوف القُرعَه يَقَع لِمِنو.“ عَلَشان يَتِم المَكتوب في الكِتاب: ”قَسَّمو هِدُومي بِينُم، و عَلى قَميصي رَمو قُرعَه.“ عَشان كِدا العَساكِر عَمَلو دا.

يُوحَنَّا 19:36

و الحاجات دي حَصَلَت، عَشان يَتِم المَكتوب في الكِتاب: ”و لا واحِد مِن عِضامو بِكون مَكسور.“

يُوحَنَّا 21:17

يَسُوع قال ليهو مَرَّه تالتَه: ”يا سِمْعَان إبن يُوحَنَّا، إنتَ بِتحِبّني؟“ و بُطْرُس كان حَزنان عَشان يَسُوع قال ليهو تالِت مَرَّه: ”إنتَ بِتحِبّني؟“ و قال ليهو: ”يا رَب، إنتَ بِتَعرِف كُلّو حاجَه. إنتَ بِتَعرِف أنا بَحِبَّك.“ و يَسُوع قال ليهو: ”أحرِس خِرفاني.

يُوحَنَّا 6:70

يَسُوع قال ليهُم: ”أنا ما إختِرتَكُم الإتناشَر؟ و واحِد مِنَّكُم شيطان.“

أعمال الرُّسُل 1:16

و هو قال ليهُم: ”يا أخوان، كان لازِم يَتِم المَكتوب مِن زَمان بِالرّوح القُدُس بِخَشم دَاوُد عَن يَهُوذَا القاد النّاس ديل المَسَكو يَسُوع.

أعمال الرُّسُل 1:2

لِغايَة اليوم الأخَدوهو لِلسَّما. و قُبّال ما أخَدوهو لِلسَّما، هو أمَر بِالرّوح القُدُس الرُّسُل الهو إختارُم.

٢ كُورِنْثُوس 4:5

عَشان ما نَبَشِّر بِنُفوسنا، لَكِن بِيَسُوع المَسيح الرَّب. و نِحنا خَدّامين ليكُم عَشان خاطِر يَسُوع.

عِبرانيين 4:13

ما في أي حاجَه مَدسوسَه مِن الله، لَكِن كُلّو حاجَه عَريانَه و مَفتوحَه قِدّام عُيون الله. و نِحنا لازِم نَدّيهو حِساب.

رؤيا 2:23

و بَكتُل أولادا بِالموت. و كُل الكَنايس بِيَعرِفو أنا هو البَمتَحِن الأفكار و القُلوب، و بَدفَع لِكُلّو واحِد مِنَّكُم حَسَب أعمالو.