يُوحَنَّا 12:48 - كِتاب العَهد الجَّديد مِن الكِتاب المُقَدَّس

⁴⁸ البِرفُضني و ما يَقبَل كَلامي، عِندو واحِد بِدينو. الكَلام الأنا إتكَلَّمتا، بِدينو في اليوم الأخير.

يُوحَنَّا 12:48 Iomraidhean Croise

مَتَّى 10:15

بِالحَق أقول ليكُم، في يوم الحُكم، حالَة سَدوم و عَمورَه بِتكون أحسَن مِن حالَة المَدينَه ديك.

مَتَّى 21:42

يَسُوع قال ليهُم: ”ما قَريتو أبَداً في الكِتاب؟ الحَجَر البَنّايين أبو، هو بِقى راس الرُّكن. الرَّب عَمَل دا، و هو عَجيب قِدّامنا.

مَتَّى 25:31

لَمّا إبن الإنسان بِجي في مَجدو، و كُل المَلائكَه مَعاهو، في الوَكِت داك بِيَقعُد عَلى كُرسي مَجدو.

مَرْقُس 12:10

إنتو ما قَريتو المَكتوب دا؟ الحَجَر الرَّفَضوهو البَنّايين بِقى راس الرُّكُن.

مَرْقُس 16:16

هو اليَصَدِّق و يِتعَمَّد بِخلَص، و الما يَصَدِّق بِحكُمو عَليهو.

مَرْقُس 8:31

و هو إبتَدا يَعَلِّمُم أن إبن الإنسان لازِم يِتعَذَب كَتير، و الشُّيوخ، و القُسُس الكُبار، و مُعَلِّمين القانون بِيَرفُضوهو، و يَكتُلوهو. و بَعَد تلاتَه أيام هو بِقوم.

لُوقَا 10:16

اليَسمَعكُم يَسمَعني، و اليَرفُضكُم يَرفُضني، و اليَرفُضني يَرفُض الرَّسَّلني.“

لُوقَا 17:25

و لَكِن في الأوَّل، هو لازِم يِتعَذَب كَتير، و ناس الزَّمَن دا بِرفُضوهو.

لُوقَا 20:17

و عايَن ليهُم و قال: ”دا شِنو المَكتوب؟ الحَجَر الخَلّوهو البَنّايين بِقى راس الرُّكن.

لُوقَا 7:30

و لَكِن الفَرِّيسِيِّين و مُعَلِّمين القانون رَفَضو إرادَة الله فِشانُم، و يُوحَنَّا ما عَمَّدُم.

لُوقَا 9:22

و قال: ”إبن الإنسان لازِم يِتعَذَب كَتير. و الشُّيوخ، و القُسُس الكُبار، و مُعَلِّمين القانون بِرفُضوهو و بِكتُلوهو. و في اليوم التّالِت هو بِقوم.“

لُوقَا 9:26

عَشان إذا واحِد يَكون خَجلان مِنّي و مِن كَلامي، إبن الإنسان بِكون خَجلان مِنّو وَكِت ما يَجي في مَجدو و في مَجد الأبو و المَلائكَه المُقَدَّسين.

يُوحَنَّا 11:24

مَرْثَا قالَت ليهو: ”أنا عارفَه هو بِقوم في القيامَه، في اليوم الأخير.“

يُوحَنَّا 5:45

ما تَفتَكِرو أنا بَشتَكي عَليكُم للأبو. في واحِد البِشتَكي عَليكُم، و هو مُوسَى، الفيهو رَجاكُم.

يُوحَنَّا 6:39

و دي إرادَة الرَّسَّلني، إنّو كُل الأدّاني، ما أوَدِّر مِنّو شي، لَكِن بَقَوِّمو في اليوم الأخير.

يُوحَنَّا 8:47

هو المِن الله يَسمَع كَلام الله. عَشان كِدا، إنتو ما بِتَسمَعو، عَشان إنتو ما مِن الله.“

أعمال الرُّسُل 17:31

عَشانو إختار يوم فيهو بِيَحكُم عَلى الدُّنيا بِالعَدل بِالإنسان الجَّهَّزو. و أدّا لِلكُل بيّنَه، لَمّا قَوَّمو مِن بين المَيِّتين.“

أعمال الرُّسُل 3:23

و كُلّو واحِد ما يَسمَع لِلنَّبي داك، يَكتُلوهو.

رُومِيَه 2:16

في اليوم داك، الله يَدين عَلى أسرار النّاس بِحَسَب إنجيلي بِيَسُوع المَسيح.

٢ كُورِنْثُوس 4:3

و إذا إنجيلنا مَغَطّى، هو مَغَطّى لِلبِهلِكو.

٢ تَسَالُونِيكِي 1:8

هو يَدّي جِزا لِلنّاس الما بِيَعرِفو الله، و ما بِطيعُو إنجيل رَبَّنا يَسُوع.

عِبرانيين 10:25

و ما نَسيب إجتِماعنا سَوا زي ما بَعض مِن النّاس عِندَهُم عادَه. لَكِن خَلّونا نَشَجِّع بَعَضَنا بَعض و بِالزِّيادَه بِقَدُر ما تَشوفو اليوم يَقَرِّب.

عِبرانيين 12:25

و شوفو كوَيس عَشان ما تَرفُضو البِتكَلَّم. عَشان هُم ما قِدرو يَهرُبو لَمّا رَفَضوهو، الحَزَّرُم عَلى الأرض. و كَم بِالأكتَر نِحنا ما نَقدَر نَهرَب إذا نَرَجِّع عَنّو اليَحَزِّرنا مِن السَّما؟

عِبرانيين 2:3

كيف نِحنا بِنَهرُب إذا ما نَخَلّي بالنا لِخَلاص عَظيم زي دا؟ و الرَّب إتكَلَّم عَنّو في الأوَّل، و ديل السِمِعوهو ثَبَّتوهو لينا.

عِبرانيين 4:12

عَشان كِلمَة الله حَيَه و نَشيطَه، و سنينا مِن كُلّو سيف العِندو طَرفين. و هي تَقطَع حَتّى تَقَسِّم النَّفس و الرّوح، و المَفاصِل و المُخ، و تَحكُم في أفكار القَلِب و إرَادَتو.

١ بُطْرُس 1:5

إنتو البِقُوَّة الله مَحروسين بِالإيمان لِلخَلاص الجّاهِز هَسَّع، و البِظهَر في الزَّمَن الأخير.

٢ بُطْرُس 3:3

و في الأوَّل أعرِفو إنّو في الأيام الأخيرَه بِجو ناس البِضحَكو عَلى الحَق، و بِعيشو حَسَب شَهوات نُفوسُم.

٢ بُطْرُس 3:7

و لَكِن السَّماوات و الأرض المَوجودَه هَسَّع، بِالكِلمَه ديك زاتا، مَخزونَه لِلنّار. و بِتكون مَحفوظَه لِيوم الحُكم و خَراب النّاس الما بِخافو الله.