يُوحَنَّا 12:2 - كِتاب العَهد الجَّديد مِن الكِتاب المُقَدَّس

² و هُم عَمَلو ليهو عَشا هِناك. و مَرْثَا كانَت بِتَخدِم، و لَعَازَر كان واحِد مِن القاعدين مَعاهو في الطَّرَبيزَه.

يُوحَنَّا 12:2 Iomraidhean Croise

مَتَّى 26:6

و لَمّا يَسُوع كان في بيت عَنيا في بيت سِمْعَان العِندو الجِّزام،

مَرْقُس 14:3

و وَكِت ما كان في بيت عَنيا، كان قاعِد في الطَّرَبيزَه في بيت سِمْعَان العِندو جِزام. و مَرَه جات ليهو و عِندَها قِزازَه مِن رُخام، فيها ريحَه نارِدين صافي غاليَه جِدّاً. و كَسَّرَت القِزازَه و كَبَّت الرّيحَه عَلى رَاسو.

لُوقَا 12:37

مُبارَكين الخَدّامين ديل إذا سيدُم يَجي و يَلقاهُم حارِسين. بِالحَق أقول ليكُم، هو بِربُط حِزامو، و يَقَعِدُم في الطَّرَبيزَه و يَقَدِّم ليهُم أكِل.

لُوقَا 14:12

و يَسُوع قال لِسيد البيت: ”إذا كان عَمَلتَ غَدا ولّا عَشا، ما تَنادي أصحابَك، و لا أخوانَك، و لا النّاس القَريبين مِنَّك، و لا جيرانَك الغَنيين، عَشان يِمكِن هُم كَمان بِعزَموك و بِتكون عِندَك أُجرَه مِنَّهُم.

لُوقَا 22:27

مِنو هو أكبَر، القاعِد في الطَّرَبيزَه ولّا البِخدِم؟ ما هو القاعِد في الطَّرَبيزَه؟ لَكِن أنا في وَسِطكُم زي البِخدِم.

لُوقَا 5:29

و لَاوِي سَوّا ليهو عَزومَه كَبيرَه في بيتو. و جَماعَه كَتيرَه مِن البِلِمّو الضَّريبَه و غيرُم كانو قاعِدين مَعاهو.

رؤيا 3:20

شوف! أنا واقِف عَلى الباب و بَدُق. إذا أي واحِد يَسمَع صوتي و يَفتَح الباب، بَدخُل ليهو و باكُل مَعاهو و هو مَعاي.