يُوحَنَّا 11:27 - كِتاب العَهد الجَّديد مِن الكِتاب المُقَدَّس

²⁷ قالَت ليهو: ”أيوَه، يا سَيِّد، أنا آمَنتَ إنتَ إبن الله الحَي الجّاي لِلدُّنيا.“

يُوحَنَّا 11:27 Iomraidhean Croise

مَتَّى 11:3

يَقولو ليهو: ”إنتَ هو الجّاي، ولّا نَنتَظِر واحِد تاني؟“

مَتَّى 16:16

سِمْعَان بُطْرُس رَدَّ عَليهو و قال: ”إنتَ المَسيح، إبن الله الحَي!“

مَتَّى 16:20

بَعدين أمَر تَلاميذو ما يَقولو لِأي واحِد هو المَسيح.

لُوقَا 2:11

إتوَلَد ليكُم النَّهار دا في مَدينَة دَاوُد مُخَلِّص، و هو الرَّب المَسيح.

يُوحَنَّا 1:49

نَثَنَائِيل رَدَّ و قال ليهو: ”يا مُعَلِّم، إنتَ إبن الله. إنتَ مَلِك إِسْرَائِيل.“

يُوحَنَّا 4:42

و قالو لِلمَرَه: ”بَعَد دا نِحنا ما آمَنّا عَلَشان الكَلام بِتاعِك بَس، لَكِن عَشان نِحنا بِزاتنا سِمِعنا، و عِرِفنا إنّو دا هو بِالحَقيقَه المَسيح، مُخَلِّص الدُّنيا.“

يُوحَنَّا 6:14

و لَمّا النّاس شافو العَلامَه العَمَلا يَسُوع، هُم قالو: ”صَحيح، دا هو النَّبي الجّاي لِلدُّنيا.“

يُوحَنَّا 6:69

و نِحنا آمَنّا، و إتأكَّدنا إنتَ قُدّوس الله.“

أعمال الرُّسُل 8:36

و وَكِت ما هُم ماشين في السِّكَّه، جو لِمَحَل فيهو مويَه. و الخِصي قال: ”شوف! في مويَه! ما مُمكِن أتعَمَّد؟“

أعمال الرُّسُل 8:37

و فِيلُبُّس قال: ”كان بِتآمِن بِكُلّو قَلبَك، مُمكِن ليك.“ و الخِصي رَدَّ و قال ليهو: ”أنا بآمِن أن يَسُوع المَسيح هو إبن الله.“

١ يُوحَنَّا 5:1

كُلّو واحِد بِآمِن بِيَسُوع هو المَسيح، هو مَولود مِن الله. و كُلّو واحِد بِحِب الأبو بِحِب المَولود مِنّو كَمان.

١ يُوحَنَّا 5:20

و بِنَعرِف إبن الله جا و أدّانا فَهم عَشان نَعرِف هو الحَق. و نِحنا في الحَق، يَعني في إبنو يَسُوع المَسيح. دا هو الإلَه الحَقيقي و الحَياة الأبَديَّه.