يُوحَنَّا 11:25 - كِتاب العَهد الجَّديد مِن الكِتاب المُقَدَّس

²⁵ يَسُوع قال ليها: ”أنا هو القيامَه و الحَياة. و البِآمِنو بي، و لَو مات بِكون حَي.

يُوحَنَّا 11:25 Iomraidhean Croise

لُوقَا 23:43

و قال ليهو: ”بِالحَق أقول ليك، النَّهار دا بِتكون مَعاي في جَنَّه.“

يُوحَنَّا 1:4

الحَياة كانَت فيهو، و الحَياة كانَت نور النّاس.

يُوحَنَّا 14:19

بَعَد شوَيَه الدُّنيا ما ماشيَه تَشوفني تاني مَرَّه، لَكِن إنتو بِتشوفوني. عَلَشان أنا حَي، إنتو كَمان بِتَحيو.

يُوحَنَّا 14:6

يَسُوع قال ليهو: ”أنا هو الطَّرِيق و الحَق و الحَياة. ما في واحِد يَجي لِلأبو إلّا بي.

يُوحَنَّا 3:16

عَشان الله حَبَّه الدُّنيا، حَتّى أدّا إبنو الوَحَيد، عَشان كُلّو واحِد البِآمِن بيهو ما يَهلِك، لَكِن تَكون ليهو الحَياة الأبَديَّه.

يُوحَنَّا 3:36

هو البِآمِنو بِالإبن، ليهو الحَياة الأبَديَّه. و هو الما بِآمِنو بِالإبن، ما بِشوف الحَياة، لَكِن غَضَب الله يَبقى عَليهو.

يُوحَنَّا 5:21

زي ما الأبو يَقَوِّم المَيِّتين و يَدّيهو الحَياة، كَمان الإبن يَدّي ليهُم الحَياة زي ما هو عاوِز.

يُوحَنَّا 5:26

عَشان زي ما الأبو عِندو حَياة في نَفسو، هو كَمان أدّا لِلإبن عَشان تَكون ليهو الحَياة في نَفسو.

يُوحَنَّا 6:35

و يَسُوع قال ليهُم: ”أنا هو عيش الحَياة. البِجي لَي ما بِكون جَعان، و البِآمِنو بي ما يَعطَش أبَداً.

يُوحَنَّا 6:44

ما في واحِد يَقدَر يَجي لَي إلّا الأبو الرَّسَّلني يَجيبو لَي. و أنا بَقَوِّمو في اليوم الأخير.

أعمال الرُّسُل 3:15

و كَتَلتو رَئيس الحَياة القَوَّمو الله مِن بين المَيِّتين. و نِحنا شاهِدين لِداك.

رُومِيَه 4:17

زي ما مَكتوب: ”عَمَلتَك أبو لِأُمَم كَتيرَه.“ هو أبونا قِدّام الله الهو آمَن بيهو. و الله بِدّي حَياة لِلمَيِّتين، و هو يتكَلَّم و يَخلُق حاجَه مِن الما كانَت مَوجودَه.

رُومِيَه 8:2

فِشان قانون روح الحَياة في المَسيح يَسُوع أدّاني حُرّيَّه مِن قانون الخَطيَّه و الموت.

١ كُورِنْثُوس 15:18

عَلَشان كِدا، الرَّقَدو في المَسيح كَمان هَلَكو.

١ كُورِنْثُوس 15:29

كان ما كِدا، البِتعَمَّدو فِشان المَيِّتين بِعمِلو شِنو؟ إذا المَيِّتين ما بِقومو كُلّو كُلّو، لِشِنو يِتعَمَّدو فِشان المَيِّتين؟

٢ كُورِنْثُوس 4:14

و بِنَعرِف هو القَوَّم الرَّب يَسُوع مِن بين المَيِّتين، بِقَوِّمنا نِحنا كَمان مَعَ يَسُوع، و بِجيبنا قِدّامو مَعاكُم.

فيلِبّي 1:23

أنا مَربوط بين الإتنين. أنا داير أمرُق و بَكون مَعَ المَسيح، عَشان دا أحسَن بِكَتير.

فيلِبّي 3:10

عَشان أعرِفو و قُوَّة قيامَتو، و شَرِكَة أتعابو، و بَكون زيهو في موتو.

١ تَسَالُونِيكِي 4:14

عَشان إذا نِآمِن أن يَسُوع مات و قام، كِدا نآمِن أن الله بِجيب الراقِدين بِيَسُوع مَعاهو كَمان.

رؤيا 1:18

أنا هو الحَي. و كُنتَ مَيِّت، و شوف، أنا حَي لِلأبَد! و أنا عِندي مَفاتيح الموت و الهاويَه.

رؤيا 20:5

و باقي المَيِّتين ما عاشو تاني مَرَّه لِغايَة ما الألف سَنَه تَخَلَص. دي هي القيامَه الأولي.

رؤيا 21:4

و الله بِمسَح كُلّو دَمعَه مِن عُيونُم. و ما بِكون في موت بَعَد دا ولّا حُزن ولّا بِكى ولّا وَجَع، عَشان الحاجات المِن الأوَّل فاتو.“

رؤيا 22:1

و بَعدين المَلاك وَرّاني بَحَر مويَة الحَياة صافي زي القِزاز إسمو البَلّور. و البَحَر جا مِن كُرسي الله و الحَمَل،

رؤيا 22:17

و الرّوح و العَروسَه يَقولو: ”تَعال!“ و هو اليَسمَع، خَليهو يَقول: ”تَعال!“ و اليَعطَش، خَليهو يَجي. و العاوِز، خَليهو ياخُد مويَة الحَياة مَجّاناً.