يُوحَنَّا 11:2 - كِتاب العَهد الجَّديد مِن الكِتاب المُقَدَّس

² و كانَت مَرْيَم هي الدَهَنَت الرَّب بِريحَه، و مَسَحَت رِجلينو بِشَعَرا. و أخوها لَعَازَر كان عَيّان.

يُوحَنَّا 11:2 Iomraidhean Croise

مَرْقُس 14:3

و وَكِت ما كان في بيت عَنيا، كان قاعِد في الطَّرَبيزَه في بيت سِمْعَان العِندو جِزام. و مَرَه جات ليهو و عِندَها قِزازَه مِن رُخام، فيها ريحَه نارِدين صافي غاليَه جِدّاً. و كَسَّرَت القِزازَه و كَبَّت الرّيحَه عَلى رَاسو.

لُوقَا 7:13

و لَمّا شافا، الرَّب كان عِندو رَحمَه ليها و قال ليها: ”ما تَبكي.“

لُوقَا 7:19

و يُوحَنَّا نادى إتنين مِن تَلاميذو، و رَسَّلُم لِيَسُوع و قال: ”إنتَ هو الجّاي؟ ولّا نَنتَظِر واحِد غيرَك؟“

يُوحَنَّا 11:21

مَرْثَا قالَت لِيَسُوع: ”يا سَيِّد، إذا إنتَ كُنتَ هِنا، أخوّي ما كان مات.

يُوحَنَّا 11:3

عَشان كِدا، أخوات لَعَازَر رَسَّلو لِيَسُوع و قالو ليهو: ”يا سَيِّد، شوف، هو الإنتَ بِتحِبّو عَيّان.“

يُوحَنَّا 11:32

و لَمّا مَرْيَم جات لِلمَكان اليَسُوع كان فيهو، و شافَتو، هي وَقَعَت في رِجلينو و قالَت ليهو: ”يا سَيِّد، إذا إنتَ كُنتَ هِنا، أخوّي ما كان مات.“

يُوحَنَّا 12:3

و مَرْيَم شالَت قِزازَة دِهان صافي و غالي، و دَهَنَت رِجلين يَسُوع، و مَسَحَت رِجلينو بِشَعَرا، و البيت إتمَلا بِريحَة الدِّهان.

يُوحَنَّا 13:13

إنتو بِتنادوني يا مُعَلِّم و يا سَيِّد، و إنتو قُلتو الحَق، عَشان أنا كِدا.

يُوحَنَّا 13:14

و أنا السَّيد و المُعَلِّم. أنا غَسَّلتَ رِجلينكُم. و إنتو كَمان لازِم تَغَسِّلو رِجلين بَعضَكُم بَعض.