يُوحَنَّا 10:25 - كِتاب العَهد الجَّديد مِن الكِتاب المُقَدَّس

²⁵ يَسُوع رَدَّ و قال ليهُم: ”أنا قُلتَ ليكُم و إنتو ما بِتآمِنو. الأعمال الأنا بَعمِلا بِإسم أبوي هُم يَشهَدو لَي.

يُوحَنَّا 10:25 Iomraidhean Croise

يُوحَنَّا 10:32

يَسُوع رَدَّ عَليهُم و قال: ”أنا وَرّيتكُم أعمال طَيبَه كَتيرَه مِن الأبو. عَشان ياتو مِن الأعمال ديل تَضرُبوني بِالحُجار؟“

يُوحَنَّا 10:37

إذا أنا ما بَعمِل أعمال أبوي، ما تَآمِنو بي.

يُوحَنَّا 10:38

لَكِن إن كُنتَ أنا بَعمِلا، و إنتو ما بِتآمِنو بي، آمِنو بِالأعمال، عَشان تَعرِفو و تَفهَمو الأبو فِيني و أنا في الأبو.“

يُوحَنَّا 11:47

عَشان كِدا، القُسُس الكُبار و الفَرّيسيّين جَمَعو المَجِلس و قالو: ”بِنَعمِل شِنو؟ عَلَشان الرّاجِل دا قاعِد يَعمِل عَلامات كَتيرَه.

يُوحَنَّا 12:37

و مَعَ إنّو يَسُوع عَمَل عَلامات كَتيرَه زي دي قِدّامُم، هُم لِسَّع ما آمَنو بيهو.

يُوحَنَّا 14:11

صَدِّقوني أنا في الأبو و الأبو فِيني. ولّا صَدِّقوني بِسَبَب الأعمال نَفسا.

يُوحَنَّا 20:30

و يَسُوع عَمَل عَلامات كَتيرَه تانيَه قِدّام تَلاميذو، الما مَكتوبَه في الكِتاب دا.

يُوحَنَّا 3:2

هو جا لِيَسُوع في اللّيل، و قال ليهو: ”نِحنا عارفين إنَّك جيت مُعَلِّم مِن الله. عَشان ما في واحِد يَقدَر يَعمِل العَلامات الأنتَ بِتَعمِلا، إذا الله ما مَعاهو.“

يُوحَنَّا 7:31

عَلى كِدا، كَتير مِن النّاس آمَنو بيهو، و قالو: ”لَمّا المَسيح يَجي، هو ماشي يَعمِل أعمال أكتَر مِن الأعمال الرّاجِل دا عَمَلا؟“

يُوحَنَّا 8:12

مَرَّه تانيَه، يَسُوع إتكَلَّم مَعاهُم و قال: ”أنا هو نور الدُّنيا. البِتبَعني ما يَمشي في الضُّلُمَّه أبَداً، لَكِن يَكون ليهو نور الحَياة.“

يُوحَنَّا 8:24

أنا قُلتَ ليكُم إنتو ماشين تَموتو في خَطاياكُم. عَشان إنتو ما بِتآمِنو إنّي أنا هو، إنتو ماشين تَموتو في خَطاياكُم.“

يُوحَنَّا 8:56

أبوكُم إِبْرَاهِيم إنبَسَط عَشان يَشوف يومي. و هو شافو و فِرِح.“

يُوحَنَّا 8:58

يَسُوع قال ليهُم: ”الحَق الحَق أقول ليكُم، قُبّال ما إِبْرَاهِيم كان في، أنا مَوجود.“

أعمال الرُّسُل 10:38

كيف الله مَسَح يَسُوع المِن النَّاصِرَه بِالرّوح القُدُس و القُوَّه. و هو كان بِمشي في كُلّو مَحَل و بيَعمِل الخير، و بِشفي كُلُّهُم الكانو تِحِت سُلطَة إبْلِيس. عَشان الله كان مَعاهو.

أعمال الرُّسُل 2:22

يا رُجال إِسْرَائِيل، أسمَعو الكِلمات دي: يَسُوع النّاصِري، هو راجِل، مَقبول عِند الله. و بيهو الله عَمَل قُوّات و عَجايِب و عَلامات بينكُم زي ما إنتو بِتَعرِفو.

عِبرانيين 2:3

كيف نِحنا بِنَهرُب إذا ما نَخَلّي بالنا لِخَلاص عَظيم زي دا؟ و الرَّب إتكَلَّم عَنّو في الأوَّل، و ديل السِمِعوهو ثَبَّتوهو لينا.