يُوحَنَّا 10:15 - كِتاب العَهد الجَّديد مِن الكِتاب المُقَدَّس

¹⁵ زي ما الأبو بِيَعرِفني، أنا بَعرِف الأبو. و أنا بَدّي حَياتي عَشان الخِرفان.

يُوحَنَّا 10:15 Iomraidhean Croise

مَتَّى 11:27

كُلّو شي مُسَلَّم لَي مِن أبوي. ما في واحِد يَعرِف الإبن إلّا الأبو. و لا واحِد يَعرِف الأبو إلّا الإبن، و أي واحِد الإبن عاوِز يَوَرّيهو ليهو.

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

لُوقَا 10:21

و في السّاعَه دي، هو فِرِح كَتير بِالرّوح القُدُس و قال: ”أحمَدَك، يا أبوي، يا رَب السَّما و الأرض، عَشان دَسيت الحاجات دي مِن المِتعَلِّمين و الفاهمين، و وَرّيتا لِلأولاد الصُّغار. أيوَه، يا أبوي، عَشان كان مِن إرادَتَك أن يَكون كِدا.

لُوقَا 10:22

أبوي أدّاني كُلّو شي. و ما في زول يَعرِف الإبن هو مِنو، إلّا الأبو، و الأبو هو مِنو إلّا الإبن، و كُل الإبن عاوِز يَوَرّي نَفسو ليهو.“

يُوحَنَّا 1:18

ما في زول شاف الله كُلّو كُلّو. الإبن الوَحيد الهو في قَلب الأبو، هو خَبَّر عَنّو.

يُوحَنَّا 10:11

أنا هو الرّاعي الصّالِح. و الرّاعي الصّالِح يَدّي حَياتو فِشان الخِرفان.

يُوحَنَّا 15:13

ما في إنسان عِندو مَحَبَّه أعظَم مِن كِدا، أن واحِد بِدّي نَفسو فِشان المَحبوبين.

يُوحَنَّا 17:25

يا الأبو البار، ناس الدُّنيا ما عِرفوك، لَكِن أنا عِرِفتَك. و ديل عِرفو إنتَ رَسَّلتَني.

يُوحَنَّا 6:46

ما في واحِد شاف الأبو إلّا هو المِن الله. هو بَس شاف الأبو.

يُوحَنَّا 8:55

و إنتو ما بِتَعرِفوهو، لَكِن أنا بَعرِفو. و إذا كان قُلتَ ما بَعرِفو، أكون كَضّاب زيَكُم. لَكِنّي أعرِفو و أحفَظ كلمَتو.

غَلَاطِيَّه 1:4

هو أدّا نَفسو فِشان خَطايانا، عَشان يَفدينا مِن الزَّمَن الحاضِر البَطّال، بِحَسَب إرادَة إلَهنا و أبونا.

غَلَاطِيَّه 3:13

المَسيح فَدانا مِن لَعنَة القانون، عَلَشان هو بِقى لَعنَه فِشانّا. عَلَشان مَكتوب: ”مَلعون كُلّو واحِد إتعَلَّق عَلى شَجَرَه.“

أفَسُس 5:2

و عيشو في المَحَبَّه، زي المَسيح حَبّانا و أدّا نَفسو عَشان خاطِرنا، تَقدِمَه و ضَبيحَه لِلَّه زي ريحَه كوَيسَه.

تِيطُس 2:14

هو أدّا نَفسو فِشانّا عَشان يَفدينا مِن كُلّو ذَنب، و يَنَضِّف لِنَفسو ناس يَكونو مُلكو، و عِندَهُم غيرَه لِكُل الأعمال الكوَيسَه.

١ بُطْرُس 2:24

هو نَفسو حَمَل خَطايانا في جِسمو عَلى الصَّليب، عَشان نِحنا نَموت عَن الخَطيَّه و نَعيش لِلبِر. و بِجُروحو، هو شَفاكُم.

١ بُطْرُس 3:18

عَشان المَسيح كَمان مات مَرَّه واحدَه فِشان الخَطايا، مات البار عَن المُذنِب عَشان يَقَرِّبنا لِلَّه. كَتَلوهو في الجِّسم، لَكِن عَمَلوهو حَي في الرّوح.

١ يُوحَنَّا 2:2

و هو دَفَع عَن خَطايانا بِضَبيحَة نَفسو عَشان يَصالِحنا مَعَ الله. و هو دَفَع عَن خَطايا كُل الدُّنيا كَمان و مُش عَن خَطايانا بَس.