يُوحَنَّا 10:10 - كِتاب العَهد الجَّديد مِن الكِتاب المُقَدَّس

¹⁰ الحَرامي ما بِجي إلّا عَشان يَسرِق و يَكتُل و يَخرَب. لَكِن أنا جيت عَشان هُم يَلقو الحَياة، و يَلقوها بِالكامِل.

يُوحَنَّا 10:10 Iomraidhean Croise

مَتَّى 18:10

شوفو، ما تابو تَحتَرِمو واحِد مِن الصُّغار ديل. عَشان أقول ليكُم، في السَّما مَلائكَتُم دايماً بِشوفو وَش أبوي الفي السَّما.

مَتَّى 18:11

عَشان إبن الإنسان جا عَشان يَخَلِّص النّاس المَوَدَّرين.

مَتَّى 20:28

زي ما إبن الإنسان ما جا عَشان النّاس يَخدِموهو، لَكِن عَشان يَخدِم النّاس، و عَشان يَدّي نَفسو فِداء لِناس كُتار.“

مَتَّى 21:13

و قال ليهُم: ”مَكتوب: بِسَمّو بيتي بيت لِلصَّلاه. لَكِن إنتو عامِلينو بيت لِحَراميَّه.“

مَتَّى 23:13

و لَكِن حُزن ليكُم، يا مُعَلِّمين القانون و الفَرّيسيّين، يا مُنافِقين! عَلَشان إنتو بِتَقفِلو مَلَكوت السَّما قِدّام النّاس. عَشان إنتو نُفوسكُم ما تَدخُلو، و لا تَخَلّو النّاس الدّاخِلين يدخُلو.

مَرْقُس 11:17

و كان يَعَلِّم و قال: ”ما مَكتوب: يَسَمّو بيتي بيت الصَّلاه لِكُل الأُمَم؟ لَكِن إنتو سَوّيتوهو مَحَل حَراميَّه.“

لُوقَا 19:10

عَشان إبن الإنسان جا يَطلُب و يَخَلِّص المَوَدَّر.“

يُوحَنَّا 10:1

الحَق الحَق أقول ليكُم، هو الما بِدخُل مِن الباب لِزَريبَة الخِرفان، لَكِن يَطلَع بِطَريق تاني، الإنسان دا حَرامي و سَرّاق.

يُوحَنَّا 10:11

أنا هو الرّاعي الصّالِح. و الرّاعي الصّالِح يَدّي حَياتو فِشان الخِرفان.

يُوحَنَّا 12:47

إذا واحِد يَسمَع كَلامي و ما يَعمِل بيهو، أنا ما بَحكُم. عَشان أنا ما جيت أحكُم عَلى الدُّنيا، لَكِن عَشان أخَلِّص الدُّنيا.

يُوحَنَّا 12:6

هو قال كِدا، ما عَشان كان بِفَكِّر في المَساكين، لَكِن عَشان هو كان حَرامي، و عَشان صَندوق القُروش كان مَعاهو، و كان بِشيل البِخُتّوها فيهو.

يُوحَنَّا 3:17

عَشان الله ما رَسَّل إبنو لِلدُّنيا عَشان يَدين الدُّنيا، لَكِن رَسَّلو عَشان يَخَلِّص الدُّنيا بيهو.

يُوحَنَّا 5:40

و إنتو ما عاوِزين تَجو لَي عَشان تَكون ليكُم الحَياة.

يُوحَنَّا 6:33

عَشان عيش الله، هو اليَنزِل مِن السَّما، و يَدّي حَياة لِلدُّنيا.“

يُوحَنَّا 6:51

أنا هو العيش الحَي النَزَل مِن السَّما. إذا واحِد أكَل مِن العيش دا، هو بِعِيش لِلأبَد. و العيش الأنا بَدّيهو، هو جِسمي البَدّيهو لِحَياة الدُّنيا.“

رُومِيَه 2:21

بَعدين إنتَ البِتعَلِّم التّاني، ما بِتعَلِّم نَفسَك؟ إنتَ البِتعَلِّم النّاس عَشان ما يَسرِقو، إنتَ تَسرِق؟

١ تِيمُوثَاوُس 1:15

و الكِلمَه دي أمينَه و مُستَحِقَّه لِكُلّو قُبول، إنّو المَسيح يَسُوع جا لِلدُّنيا عَشان يَخَلِّص الخاطيين. و أنا أوَّل واحِد فيهُم.

عِبرانيين 6:17

و لَمّا الله كان داير يَبَيِّن كوَيس لِلنّاس الماشين يَقبَلو الوَعد إنّو ما بِغَيِّر فِكرو أبَداً، هو ثَبَّت دا بِحَلَف.

عِبرانيين 7:25

عَلَشان كِدا، هو بِقدَر يَخَلِّص بِالتَّمام ديل اليَقَرِّبو بيهو لِلَّه، عَلَشان هو دايماً يَعيش عَشان يِتوَسَّط ليهُم.

٢ بُطْرُس 1:11

و كِدا بِكون مُجَهَّز ليكُم دُخول بِغِنى لِمَلَكوت رَبَّنا و مُخَلِّصنا يَسُوع المَسيح الأبَدي.