يُوحَنَّا 1:44 - كِتاب العَهد الجَّديد مِن الكِتاب المُقَدَّس

⁴⁴ و فِيلُبُّس كان مِن بيت صَيدا، مَدينَة أنْدَرَاوُس و بُطْرُس.

يُوحَنَّا 1:44 Iomraidhean Croise

مَتَّى 10:3

فِيلُبُّس و بَرْثُلْمَاوُس. تُومَا، و مَتَّى الكان بِلِم الضَّريبَه. يَعْقُوب إبن حَلْفَى، و تَدَّاوُس.

مَتَّى 11:21

”حُزن ليكي، يا كُورَزِين، حُزن ليكي، يا بيت صَيدا. عَشان إذا كان القُوّات العَمَلوها فيكُم، عَمَلوها في صُور و صَيدا، كانو تابو مِن زَمان و لَبَسو الشَّوال، و خَتّو الرَّماد فوق راسُم.

مَرْقُس 3:18

و أنْدَرَاوُس، و فِيلُبُّس، و بَرْثُلَمَاوُس، و مَتَّى، و تُومَا، و يَعْقُوب إبن حَلْفَى، و وَتَدَّاوُس، و سِمْعَان القَانَوِي،

مَرْقُس 6:45

و طَوّالي يَسُوع دَخَّل تَلاميذو في المُركَب، عَشان يَمشو قُبَّالو لِلطَّرف التّاني لِبيت صَيدا، و هو صَرَف النّاس.

مَرْقُس 8:22

و جو لِبيت صَيدا. و جابو ليهو واحِد عَميان، و طَلَبو مِنّو يَلمَسو.

لُوقَا 10:13

مُصيبَه ليكي، يا كُورَزِين! مُصيبَه ليكي، يا بيت صَيدا! إذا كان القُوّات العَمَلوها في صُور و صَيدا عَمَلوها فيكُم، كانو تابو زَمان لابسين الشَوال و يَخُتّو الرَّماد فوق راسُم.

لُوقَا 6:14

سِمْعَان السَّمَّاهو كَمان بُطْرُس، و أنْدَرَاوُس أخوهو، و يَعْقُوب و يُوحَنَّا، و فِيلُبُّس، و بَرْثُلَمَاوُس،

لُوقَا 9:10

و لَمّا الرُّسُل رَجَعو، خَبَّروهو بِكُل العَمَلوهو. و أخَدُم، و هُم مَشو بَراهُم لِبَلَد إسِما بيت صَيدا.

يُوحَنَّا 1:43

و في اليوم التّاني، يَسُوع قَرَّر يَمشي لِلجَّليل. بَعدين لِقى فِيلُبُّس، و قال ليهو: ”أتبَعني.“

يُوحَنَّا 1:45

و فِيلُبُّس لِقى نَثَنَائِيل و قال ليهو: ”لِقينا الكَتَب عَنّو مُوسَى في القانون و الأنبياء، يَسُوع إبن يُوسِف المِن النَّاصِرَه.“

يُوحَنَّا 1:46

و نَثَنَائِيل قال ليهو: ”مُمكِن بِطلَع مِن النَّاصِرَه حاجَه طَيبَه؟“ فِيلُبُّس قال ليهو: ”تَعال و شوف.“

يُوحَنَّا 1:48

نَثَنَائِيل قال ليهو: ”إنتَ بِتَعرِفني مِن وين؟“ رَدَّ يَسُوع و قال: ”قُبّال ما فِيلُبُّس ناداك، أنا شُفتَك تِحِت شَجَرَة التّين.“

يُوحَنَّا 12:21

النّاس ديل جو لِفِيلُبُّس المِن بيت صَيدا في الجَّليل، و قالو ليهو: ”يا سَيِّد، نِحنا عاوزين نَشوف يَسُوع.“

يُوحَنَّا 12:22

فِيلُبُّس جا و قال دا لِأنْدَرَاوُس. و أنْدَرَاوُس مَشى مَعَ فِيلُبُّس، و هُم كَلَّمو يَسُوع.

يُوحَنَّا 6:5

و يَسُوع رَفَع عُيونو، و شاف ناس كُتار جايين ليهو. و قال لِفِيلُبُّس: ”مِن وين نَشتَري أكِل عَشان النّاس ديل ياكلو؟“

يُوحَنَّا 6:7

فِيلُبُّس قال ليهو، ”إن جِبنا عيش بِميتين جِنيه، ما بِكون كِفايَه عَشان كُلّو واحِد ياخُد حِتَّه صَغَيرَه.“

أعمال الرُّسُل 1:13

و لَمّا دَخَلو المَدينَه، طَلَعو لِلأوضَه الفي فوق، الكانو بِقعُدو فيها. و هُم بُطْرُس و يُوحَنَّا و يَعْقُوب و أنْدَرَاوُس و فِيلُبُّس و تُومَا و بَرْثُلْمَاوُس و مَتَّى و يَعْقُوب وَلَد حَلْفَى و سِمْعَان الغَيُور و يَهُوذَا وَلَد يَعْقُوب.